هذا جديدي ابراهيم محمد السليمي

يامرحبا واهلين والله يحيك=يا شاعرن عسر المواقف حماها
كتبت لك خطن يقدم له الشيك=مثل الجواهر ما لقينا حلاها
قريت خطك بعدها قلت اقهويك=من دلتن تسعالها من غناها
فنجالها يبري عظامك ويبريك=من علتن يصعب عليكم دواها
ما كنت احسب الشك يقطن باراضيك=او تشتبه فيها وتخطي خفاها
مثلك علومه غانمه دون تشكيك=ابيض وجه حاول يصحح خطاها
السالفه حصلت ولا عاد يمديك=وما فات مات وكل نفس وهواها
يعني عشانه واحدن من بنيخيك=ادمح له الزله واكابد عناها
لا والله الا هم عينه وانا اخيك=طبع الرديه تفضح اللي شراها
احدن على ربعه يجيب الشرابيك=يزعل بها الصاحب ويفرح اعداها
واحدن علومه لا توحيت تغريك=تنشد عن انسابه وتمدح نباها
واحدن نظف سنه بفعل المساويك=حرم على السوسه تلاقي عشاها
والعالم الله في حياة الصعاليك=ضاعت سلوم و عظم الله عزاها
جاب الخطا قلبي ولا هو مناجيك=ورسالتي بالعرف قلبي قراها
ينصت ويصرخ لي هلا فيك لبيك=ورسالتي له بالمواقف لقاها
لابوك ياقلبن تغرك هقاويك=باهل الوجيه اللي خفين غثاها
لو ادري انه للرديه يهاديك =ما كان نال الطيبه في بناها
جاب الردي يسرج خيوله ويشنيك=وبل الكبود اللي طويلن ضماها
ياقلب هون وش تسوي عزاويك=بالعزوه اللي ما شملنا عطاها
خلك على ربك وربك بيغنيك =عن فزعتن تاتي بليا عصاها

المعذره على الغيبه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الله الله يابراهيم


نص بحق رااااااااائع


صح السانك عليه


وصح فكرك

نص نال الاستحسان

كل الود لك...

يابراهيم


نص بحق رااااااااائع

ابدعت



صح الله لسانك



جميل انت دائماً



تحياتي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

قـصـيـده رااائـعـه بـكـل مـافـيـهـا

جـزلـه مـن شـاعـر جـزل

لله درّك و صـح لـسـاااانـك

دمـت بـخـيـر مـع الـتحـيـه

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك اخوي
و احنا في انتظار مثيلات لها
دمت في حفظ الرحمن