راشد السحيمي ورشيد الزلامي في ..مزاين الهيلا

رشيد الزلامي

مرحبا في ملتقى الهيلا ولي حق الميانة= بالنيابة عن عتيبة مرحبا مليون مره
بارك الله في ملكنا بارك الله في خوانه= في ذراهم ما نشدنا الدهر عن برده وحره

راشد السحيمي

البقاء ياللي ترحب في وانا عندي حصانه= والزلامي كان ماضر العرب ما حدٍ يضره
بارك الله في ملكنا بارك الله فالديانه= ديننا لله دره والملك لله دره

رشيد الزلامي

ابعد المشوار واترك كل شئ في مكانه= واقطع الحبل الطويل اللي على دربك تجره
يشهدون الحاضرين ومن معه ذمه وامانه=والله اني ماتركتك يالسحيمي في مغرة

راشد السحيمي

لا تسويها عناد ولا تسويها لعانه=الزلامي ليش رزه منحرق لا ذقت حره
والله ان الحر يمشي تحت ظل الخيزرانه=انت لك جره وانا ليه بسطح الارض جره

رشيد الزلامي

واحسوفي يالبعير اللي قطع وقته بطانه=ما بقي غير المجنن في شهار وفي مسره
صاحبي شاعر وعاقل والحلاوة في لسانه= مير انحره الخلا واجوز من خيره وشره

راشد السحيمي

ان بغيت شعيل عانه وان بغيت اخوه عانه=انتبه لا عاد تجرح جرح ماتقدر تذره
يا خسارة شايبٍ عقله رقص باخر زمانه= هو ما يتعب وخلق الله تزوره في مقره

صح الله لسان الشاعرين
لاعدمناك
بيض الله وجهك يالغلا

مشكور اخوي الله يعطيك العافيه ننتظر جددك

صح الله لسان الشاعرين
لاعدمناك
بيض الله وجهك يافهد

صح لسان الشاعرين
وبيض الله وجهك

صح لسانهم

والله يحيي راشد

وكااااااان مبدع

لله درك يالسحيمي


و لله درك على النقل أخوي/ فهد البدراني

الله يوفق شاعرنا العزيز راشد السحيمي

الله الله الله
صح لســـانك
يــا ابـــو رامــي
ابدااااااع كا المعتاد
سيف حرب له الكــعــب
الاعلى في ساحات المحاوره


تحيااااااااااااتي