اللي تمنيته بهذا الوقت ماتبقا رخوم..

سموم القيض=
سلام ردية وفا لاهل الوفا واهل السلوم = في ليلتن ياطيبها ياذيب والساري سرى
الحزام=
وأثني سلامي ثم أرحب بالنيابه فاللزوم = واليوم ماعنكم ترى تجنيب والساري سرى
محمد العجي=
يامرحبا ترحيب يبقا العمر ماهو بس يوم=في ليتن فيها الرجال تجيب والساري سرى
حمود الجابري=
يامرحبا ترحيب وافي والوفاء دايم يدوم=بين النشامه أهل الوفاء والطيب والساري سرى
سموم القيض=
لامن نشدتك يامحمد كم رقمك فالرقوم= علوم ياذيبان سد الغيب والساري سرى
الحزام=
بنشدك يومن القسوم إخيار وشلك فالقسوم = والذيب يقنب والبلا فالجيب والساري سرى
محمد العجي=
بجاوبك مع اول الارقام والا انت مخدوم=والرزق مابه شك ولابه ريب والساري سرى
حمود الجابري=
أقسومنا جزل القسوم ولا جهلنا بالسلوم=مير الزمن فيه النصيب يصيب والساري سرى
سموم القيض=
أنته تمنى حاجتن فالوقت لاكن إمحروم = وأنته شنب مدري يابوي شنيب والساري سرى
الحزام=
لابد نطويكم سوى يالجبر الليله عموم =ياشلتن تسعى إلى التخريب والساري سرى
محمد العجي=
اللي تمنيته بهذا الوقت ماتبقا رخوم=لكن فيه ارخوم لي ما اطيب والساري سرى
حمود الجابري=
ياساري الغدراء عليك الهون لاتبعد تحوم=مد النظر ياصاحبي لاتغيب والساري سرى
سموم القيض=
الصقر صقرن يالعجي وأنته تعرف البوم بوم = ياللي يدياتك تنوش الشيب والساري سرى
الحزام=
أنته من اليومه جنيبك ياولد كله وسوم = وتمشي معانا مادريت يهيب والساري سرى
محمد العجي=
والله مااجهل في حزام وفيك مااجهل ياسموم=الظن في هذا وهذا يصيب والساري سرى
حمود الجابري=
انتم ثنين وخطكم واحد يميزه العموم=رتبتم الاوضاع بالترتيب والساري سرى
سموم القيض=
لك شكل ماهو فالعرب يابن العجي شبه معدوم = لاكن بعطيكم ترى تقريب والساري سرى
الحزام=
أنتم ثنين ولالقينا واحدن منكم يهوم = وأهدافنا في بابكم تصويب والساري سرى
محمد العجي=
خلك على حدك ليا وقف بقدمك شيخ قوم=الله يبارك فيك ود وجيب والساري سرى
حمود الجابري=
تومي براسك وانت مالك في مواقيف القروم=لكن مالك في دروب العيب والساري سرى

أشكرك عزيزي محمد الحميدي
صح السانك والسان الشعراء
وجعله في ميزان حسناتك
بارك الله فيك وتقبل مروري
مع شكري وتقديري لك يامميز

«®°•.¸.•°°•.¸¸.•°°•.¸.•°®»«®°•.¸.•°°•.¸¸.•°°•.¸.•° ®»
__________________

صح السنتكم ياشعار ولاهنت يامحمد على النقل

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانكم يالشعار
وبيض الله وجهك ياكاتبها

صحت ابدانكم والله لايهينكم على مروركم