 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
|
|
08-04-09, 01:34 PM
|
#1 | |
|
عضو برونزي
|
ديوان الشاعر الكبير سالم بن مهاوش المخلفي الحربي
قصيــدة فيها عـزة النفس واضحــة جلية ، وفيها من الصفات الجميلة الأخرى الشيء الكثير
صفــات عــديدة قال الشاعر أنهـا متأصلة وموروثــة عن الآباء والأجـداد وغالية لا يمكن التفـريط بها تحـت أي ظـرف من الظــروف ؛ يفتخر بها ويــحق لمـن هــذا نهجــه وهذه صفــاته أن يفتخــر !! وفي هذه القصيدة أيضـاً لمحات إنتقادية معبرة لبعض الصفات الغير مرغوب فيها ــ في نظر الشاعر ــ يتصف بها مَـن لا يعـرف قيمـة نفسـه ويبعها بأبخس الأثمان ؛ ويزعم أنــه سار بــذاتــه إلى الأمام بينما هو في نظر الآخـرين قد سار بهـا خطوات عــديدة إلــى الخلف .. ووضع نفسـه في مكان لا يليق للعاقل أن يضع نفسه فيـه . إنهــا قصيدة جيــدة تستحق القراءة وتستحـق الحفـظ .
حـرام مانزلـت رأسـي لمخـلـوق=إلاّ لمـن شـق النظـر فـي عيونـي رافع مقـام عنـوق ومنـزل عنـوق=ويقـول للمعـدوم كــون ويكـونـي عِزي لنفسـي رافـع هامتـي فـوق=وأرقى بها من فـوق هـام المزونـي ولا أطيع من قالوا لي اتبع هوى السوق=مـادام رأسـي يرفعـنـه متـونـي مادمت حي وكـل مطـرود ملحـوق=مـا ينحنـي عنقـي لحـب الدقونـي ياليـن أحـط بمظلـم تقـل صنـدوق=ويحول صف اللبـن والطيـن دونـي لأن الأدب ماضاع منـي ولا الـذوق=ولا أعلـم النفـس المهونـه تهونـي عشنا على الدنيا بـلا رزق ممحـوق=علـى معـزة لـو نحـزم البطونـي راضي بمقسومي لو الطـاق مطبـوق=ولا أطش قدري مثـل قـدر العفونـي بعض العرب لو هوعلى الوجه مصفوق=مسح بها وجهـه وقـال : أكرمونـي علـى الإهانـه دايـم يهـزه الشـوق=هـز الريـاح العاتيـة للغصـونـي والنـوع ذا لا أ لـد يمـه ولا اتـوق=طبـعِِ ورثتـه مـن قديـم القرونـي والطبع ورث جـدود ماهـو بمسـرق=جـدي وأبـوي لسلمهـم ورثـونـي من سلم شيبـان قبـل عهـد فـاروق=سمعتهم أغلى مـن شعـور الدقونـي ولا أحب أنق ولا أرخي إذني لنقنـوق=اللـي لقـى بالغافلـيـن الطعـونـي واللي يدوّر بالعرب عيـب وأطقـوق=إن دوروا بـه لقيـوا اللـي يبـونـي |
|
|
|
08-04-09, 01:37 PM
|
#2 | |
|
عضو برونزي
|
القصيدة التالية من القصائد التي يحكـي بها الشاعر عن قدرته الفنيــة على قول الشعر ، وتمكنـه من مطارحـة الشعراء في ميدان الشعر ؛ ويبدو أنه يقصد شعر المحاورة الذي يرتكز على الفتـل والنقض وسـرعـة البديهـة .. والقصيدة بصفة عامة تتضمن نقاط أخرى أجاد الشاعر الحديث عنها . عدد أبياتها (23) بيتاً ، قويـة ومتماسكة .
بيتـي إلـى منـي بغيتـه بنيتـه =وإن طق عود بعود يقضي لزومـي وإن طلعوها مثـل طلعـة بهيتـه=والمبتدي معهـم يطيـح ويقومـي ومن طاح حضه وإنكسر ما بكيتـه=من دق للموقف ضعيف العزومـي ما عاد ينفـع قـول لـولا وليتـه=بعطني وخذ ما هو بحب الخشومي وإن قال لي شاعر نصيتك نصيتـه=وقفت مثل طويق مـن دون قومـي وقفت لـه فـي موقفـي وأحتميتـه=إلى أنسحب عنها خطاة الرخومـي وكل ٍ حسب مـدة يمينـه جزيتـه=إن صار بالموقف دفاع وهجومـي ضلعي متين ومن نخانـي شفيتـه=لو كـل قـوم يعقـدون الكمومـي وإلى إنقضوا حبل المعاني لو يتـه=وسحبت فهرس مرمسات العلومـي وبنيت للشاعـر علـى قـد بيتـه=بيت ٍ على كل الوجيـه محكومـي فصلـت للمعنـى لبـاس وكسيتـه=ثوب ٍ رهاوي من ثميـن الهدومـي وسر الهدف في وسط غبه رميتـه=ما كل سبـاح ٍ إبحرهـا يعومـي أفصل المعنـى مثـل مـا بغيتـه=لا بندقي عوجـا لا هـي زمومـي وكل ٍ مثـل مـا يستحقـه عطيتـه=ولا ني من اللي يطمرون العقومـي وإلى أرخصوا سعر السهم ما شريته=تركتهـا للـي يطـب ويسـومـي قفلـت بيبانـي وحبلـي طويـتـه=أدرى زريـة عارفيـن السلومـي قولي قدر ما أقـدر عليـه إنتقيتـه=لجل إحترامي للمشاعـر عمومـي ولاّ الخطـأ وارد لـو إنـك نفيتـه=ما فيه واحد من خطاه معصومـي ولا ني من اللي بالدعايات صيتـه=اللي فزوعه طـول الأيـام تومـي واللي يبـث دعايتـه مـا رجيتـه=والجدي ثابت لو تغيـب النجومـي واللي لقـوه النـاس غيـر لقيتـه=بتجـارب الأيـام ليلـي ويومـي حسب التجارب كل درب ٍ مشيتـه=وعرفت وجهة كل طيـر ٍ يحومـي ولا زدت عن غيري وحقي خذيتـه=( أخذت قسمي من خيار القسومي ) |
|
|
|
|
08-04-09, 01:40 PM
|
#3 | |
|
عضو برونزي
|
الشاعر لسان مجتمعه ، هذه القصيدة عن مأساة الأسهم التي يعانى منها المجتمع حتى الآن ولا تزال . ارتفعت أسعارها ارتفاعا قويـاً ثم هوت إلى الحضيض . وأضرت بشريحة كبيرة من الناس نسأل الله أن يعوضهم خيراً كثيراً . وسعة في الرزق الحلال .! أمسـى غنــي وأصبح فقير ..!
جابني حظي للأسهم وأنا مانـي خبيـر=وارتكبت بروحتي يمهـا غلطـة عمـر إنتواصا بالحذر قبل ماصايـر يصيـر=بيعوا الأسهم وحطـوا ثمنهـا بالكمـر مرجفين الله يجيـرك يخوفنـا الصفيـر=لو تسلّم كل واحد مـن الخلعـة طمـر مير باغتنا على طول معدوم الضميـر=والحذر ما فاد والله ومر باللـي ومـر ونسبت قدامنـا فـي ثوانـي للأخيـر=والخطوط الخضر في ثانية صارت حمر وإنكبتنا نكبت(ن) مالنـا فيهـا خشيـر=وجمرت حتى غدينا في صالتنـا جمـر كلنا رحنا نحضر علـى رأس المديـر=حذفنا تحـت الكراسـي وبـرا الممـر الغني بالصاله أمسى غني وأصبح فقير=ما بقى لـه مـا يكفيـه لعيالـه تمـر وأختفى الجماز عنا بها اليـوم الكبيـر=وكارثتنا ياسفينة سـلام أدهـى وأمـر هج ربان السفينة وهي بالمـاء تسيـر=وأطمرتها سحب الأمواج للغبـة طمـر واهني اللي بوادي الرمة وإلاّ الجريـر=راكبن جيبـه ويتبـع مجاهيـم وقمـر شارب ٍ له در مصغر حويرها صغيـر=لو تقول أبغى علومك من الفسقه زمـر فكه الله ما تشنج من الضغـط الخطيـر=يوم صالتنا تشنـج بهـا زيـد وعمـر ما وراه أسهم إليا نسبـت قلبـه يطيـر=وما وراه إلاّ فيافـي وضلعـان ٍ سمـر قاله اللي ما تمرجل بشـاة ٍ ولا بعيـر=وسط مبنى لا يلاحظ نجـوم ولا قمـر |
|
|
|
|
08-04-09, 01:45 PM
|
#4 | |
|
عضو برونزي
|
القصيدة التالية من أحدث قصائد الشاعر سالم بن مهاوش المخلفي . حصلتُ عليها منه مناولة بخط يـده مساء يوم 6/9/1428هـ . فيها الكثير من الحكمة ، والعبارات الصائبـة ، والمعاني الجزلـة ، عدد أبياتها (29) بيتـاً . ولا بـد أن الشاعر مـرّ بموقف غير عادي جعله ينشي هذه القصيدة ، بهذا الأسلوب الحاد .. وكما يقولون : ( المعنـى ببطن الشاعر ..!)
إنشد مجرب وخذ رأيه ولا تنشـد طبيـب=اللـي زمانـه بنيـران التجـارب كـواه خذها نصيحة صدوق لكـل قلـب ٍ لبيـب=نتيجة الواقع اللـي شـاف واللـي لقـاه لا تحتزم بالردي ، ولا تحطـه صحيـب=لأنه ردي والردي غير الـردى وش وراه العفن مهما تطيـب بلحيتـه مـا يطيـب=إذا طبت بالعفن جازاك بـردى مـن رداه جمالة ٍ فيـه تقـل تطشهـا فـي قليـب=لا كاسب ٍ منه خير ولا أنت كاسب رضاه وترى الردى من ردي الساس ماهو غريب=هاذي هي القاعـده والعفـن هـذا مـداه بعد جميلك بوجهـه ينقلـب لـك طليـب=وهذا ثوابك على طيبـك ، وهـذا جـزاه ما يفهم اللي يقولـون الرجاجيـل عيـب=وجهه لحم مير كنك ناحتـه مـن صفـاه دايم وهو لاوين زقمـه ووجهـه كئيـب=تقول مضروب مـن بيـن العيـون بقنـاه لو تمدحه ضاق به ثوبـه ردي النصيـب=لو قلت يا زين وجهك ضيـق الله فضـاه إذا بغى منك مطلب جاك يهـذب هذيـب=وإذا بغيته عطـاك بغيـر وجهـك قفـاه وترى الردي عادته من كل شـر ٍ قريـب=ما ينتهي عن رفيقـه ليـن يبحـث خفـاه وإذا تكلـم كلامـه حـادر ٍ لـه شعيـب=ودك تسكر فمـه قبـل الكـلام بحصـاه الله ياجعلـه بشلفـاً مثـل شلفـا شبيـب=أو طلقة ٍ مـادرى جتلـه مـن أي إتجـاه إذا شفت الأشكال ذي أضرب عليها صليب=لا تلتفت في وجيهـن مـا وراهـا غنـاه عليك بالنشمي اللـي يجتلـد تقـل ذيـب=لو حدته عن هوى نفسه ظـروف الحيـاه اللي يسرك وجـوده بالنهـار الصعيـب=إذا نزل مستـوى الهابـي طلـع مستـواه إذا قلت : تكفى وقف باللازمه ما يهيـب=لأنه وفي ما يعرف إلاّ الوفاء مـن وفـاه تخـب فيـه المشاعـر للعلالـي خبيـب=ما فيـه سلِّـم يـؤدي للعـلا مـا رقـاه المرجلـه مهـرة ٍ تحتـه تشـع السبيـب=والطيب مركب غرامه والمراجـل هـواه صارت له المرجله مثل الذلـول الأديـب=اللـي توجـه براكبهـا بأشـارة عصـاه طلق المحيـا إذا قابلـك وجهـن حبيـب=وإذا توجهت بـه حصّلـت جـاه وجـاه قباله أحلى ، وألذ مـن العسـل بالحليـب=زود ٍ زِيـن خلـقـه زيَّــن الله نـبـاه واسع بنايد معك ما هو قرِّيـب حضيـب=ما يضيق لين المحيط يضيق بالسفـن مـاه يضحك إحجاجه إذا شافك وصدره رحيب=ما هو ضعيف ٍ إذا قابلـك وجهـه لـواه من ظن فيه الظنون الطيبـه مـا يخيـب=اللي هقابه يبـي يلقـى ورى مـا هقـاه هذا هو اللي يثيبك ، والـردي مـا يثيـب=يا مبعد الفـرق ! مابيـن الثنيـن إشتبـاه عندي مثل حاضر ٍ بالذاكـره مـا يغيـب=قال المثل كل إناء ٍ ينضح حسب ماحتـواه وجه السعد لا تساوونـه بطافـي لهيـب=بالله يا ناس أخير النـوم وإلاّ الصـلاه !! تمت القصيدة ، والصلاة أخير من النــوم ..!! |
|
|
|
|
08-04-09, 01:52 PM
|
#5 | |
|
عضو برونزي
|
ومن قصائد الشاعر سالم بن مهاوش المخلفي هذه القصيدة . والأخ سالم ــ كما هو معروف ــ شاعر محاورة كما هو شاعر نظم أيضاً .
عبرت عن مضمون رأيـي ببيتيـن=رأيي وكـل ٍ هقوتـي حـر بريـاه إن كنت صايب رأي خوذوه هالحيـن=وإن كنت مخطي كل مخطي له أخطاه وأنا بشـر مانـي مشـرع قوانيـن=ولا ني رسول ولا أتعالـى علـى الله لكن كلامـي لـه ثبـوت وبراهيـن=ومـن لا يصدقنـي يجـرب ويلقـاه اللي بقلبه بغض فـي وجهـه يبيـن=لا تنشـده وجهـه يبيـن خفـايـاه يبيـن بغضـه بنعقـاد الحجاجيـن=تظهر تقاسيـم الحقـد فـي محيـاه والبغض صفه من صفات البغيضيـن=ومن قـال : فيهـم طيبيـن أتحـداه وثق ثقه لو تعطي المبغـض العيـن=تعطيـه مـن ماتملكـه كلـه أغـلاه وتقـدره تقديـر الأبنـاء للأبـويـن=لا ناقص ٍ بغضه ولا زايـد إرضـاه مهما تسوي زين ما شاف لك زيـن=أطيـب مـا تفعـل مايغيـر نوايـاه يشوف منك بعينـه الجانـب الشيـن=هذا هو اللـي عنـك يبقـى بذكـراه حتى تقول : أنا معه رايحـن ويـن=أمشي وراه مـن أول العمـر لتـلاه والسالفـه ماهـي موالـف بعاريـن=حتـى توالـف مـن يلقيـك علبـاه إليا إجتمع في داخل المبغض إثنيـن=بغض وحسد لو هو ولد عمك إنسـاه سوى مـن الأقصيـن وإلاّ المواليـن=ترى الرجاء منه إنقطـع لا ترجـاه احسب حسابه من حساب المعاديـن=وعيّد إليـا فارقـك وإفـرح بفرقـاه مير البلا كانه مـن أدنـى القريبيـن=الدم من قربـه جمعـك أنـت ويـاه مثل مـا غيـرك يبتلـى بالمعاقيـن=إصبـر عليـه وقـلـه الأمــر لله لايضيق بك جولك على شأن مسكين=وتضيف لك عوجاً رديفـه لعوجـاه أقبل نصيبك والدهـر لـه معاويـن=وكل ٍ بهالدنيـا حصـل لـه معانـاه والله بتكوينه فـرق بيـن الأخويـن=هـذا رفـع حظـه وذا حظـه أرداه تشوف بعد الفـرق بيـن الشقيقيـن=هذا ضعيف وذاك ما تلحـق أقصـاه وإن شفت مبلي قل بدل نعـم نعميـن=تكفى لا تضحـك بـه وتبـلا بلـواه |
|
|
|
|
08-04-09, 01:56 PM
|
#6 | |
|
عضو برونزي
|
ونرجع لقضية الأسهم ، الشغل الشاغل للناس ، وما نتج عنها من خسائر فادحة لحقت بجميع شرائح المجتمع .. وهذه المقطوعة المعبرة للشاعر سالم مهاوش المخلفي
عزي لحظ ٍ دهـوروه الهواميـر=وإذا بغى يكسب طمر في خسـاره إنطلعه من بير ويطيح فـي بيـر=وإذا طلع من جرف طاح بخبـاره باليـوم الأول وكلونـا خوابـيـر=إمحق من إستقبال وإمحق زيـاره طارت محافظنا مع أول معاصيـر=وحنـا تعلقنـا بسطـح العمـاره لين إنتفونا نتف ريش العصافيـر=ورحنا ضحيه يا وزيـر التجـاره بسوق الحسايف خسروا سالم الزير=وهذا جزاء للـي يبيّـع عقـاره ! |
|
|
|
|
08-04-09, 01:59 PM
|
#7 | |
|
عضو برونزي
|
هذه مقطوعة شعريـة قصيرة من أقدم ما قرأتُ للشاعر سالم بن مهاوش ، سبق أن نشرت في جريدة المسائية التي كانت تصدرها مؤسسة الجزيرة للصحافة والطباعة والنشر بالعدد رقم 5154 تاريخ 6/11/1419هـ .
في هذه المقطوعة رأي صريح للشاعر عن الشعر ، قال : أنه للمستوى المتردي الذي وصل إليه الشعر قرر تركه ( للي يبـونه ) وقفـل بابـه . لكن يبدو أنـه لم ينفـذ هذا القرار ، والدليل مـا نقرأه لـه هذه الأيام من قصائد جديدة ..!!
الشعـر خلينـاه لـلـي يبـونـه=ما عاد لـه قيمـه وبابـه قفلنـاه بغوا له التحديث وأعمـوا عيونـه=هذا مصير الشعر يوم الله أعمـاه تحدثوا بـه نـاس مـا يفهمونـه=والشعر فن وذوق ما هـو مـلالاه الشعر له دستـور .. لا تبتلونـه=ياجاهلين الشعر يكفيـه مـا جـاه أحد ٍ برز بالشعر بأطيـب نمونـه=وأحد ٍ بغى يدخل مع الباب وأخطاه واليوم نترك كـل واحـد بشونـه=يهـز مشعابـه وتومـي مطأيـاه وكل ٍ على كيفـه يفصـل لحونـه=ونتيجته تطلع مثل ما الله أعطـاه |
|
|
|
|
08-04-09, 02:01 PM
|
#8 | |
|
عــضــو
|
صح لسان الشاعر سالم المخلفي ,,,,,,,,,,,
وشكرا ألف على هذا المجهود يا كلاشنكوف الحربي ’’’’ تقبل خالص مودتي واحترامي ,,, |
|
|
|
|
08-04-09, 02:19 PM
|
#9 | |
|
إداري سابق
|
صح لسان الشاعر الكبير/ سالم مهاوش المخلفي
ونتمنى من يعرف له قصايد ان يضعها هنا وكل الشكر لك اخي كلاشنكوف الحربي |
|
|
|
|
13-04-09, 04:54 PM
|
#10 | |
|
كـــاتــب
|
العزيز كلاشنكوف الحربي احسنت بالقائك الضوء على ديوان الشاعر سالم مهاوش الحربى فهو يستحق شاعر مبدع وجزل
|
|
|
|
|
|
|
 |
 |
 |
العرض المتطور
