((( رجلٍ ماقدّر ))

قصيده مسندها للشاعر لافي الفهيدي
عندما تكرر الخطاء تجاهي من احد الزملاء
وانا اشرَه واشرّه وقلت :


رجلٍ ماقدر جيّتي يا بوسلطان

استاذنك واستاذن الطيبيني

ياما تجاهلت الخطا منه من شان

مقدار ربعٍ جعلهم سالميني

وسيفٍ يغيب بساعةٍ علمها بان

لابارك الله فيه لوهو ثميني

وانا يميني شالت السيف شامان

فيما مضى واليوم تسلم يميني

لو جيت اسنّدها على ضلع ورقان

والله لا اسدّ الباب في كلمتيني

و ارفع قواعدها دلايل وبرهان

عمله بعمله كاش مافيه ديني

وهداج تيماء يارده كل ظميان

ماحدن نقص من ماه طول السنيني

ماندرّج الظّلّع ولا نقود عميان

خلاّقهم سبحانه العالميني

و الدلّه الصفراء و لا هي برسلان

حلفت يا فنجالها مايجيني

لو ان حمستها من البِنّ خولان

خصيت ماعميت ياالسامعيني

وما قل دل ويظهر الحق ميزان

في مجلس اشيوخ الوفاء الغانميني

ءءءءءءءءءءءءءءءءءءءء سلمان الحربي

اشوف فيض الغيض بالقاف مليان

واصد واسلى عنه لوهو يبيني

مابيه لو انه يبيني على شان

مكارم الاخلاق يالعارفيني

احين ياتين من افلان وافلان

شين يجرح فطر المسلميني

ادفع بلا سيه ياسلمان بحسان

واجنب الغاوي عسى مايجيني

واحين تاتي هفوتن من فم حصان

سليل مجد ومن مكاننا حصيني

ماهي نتاج احقاد من قلب ولسان

اشوف في وجهه ندمها بعيني

لاكنها رميه على غير نيشان

واهل اسود اتبين لوهو دفيني

وانته وريث امجاد ياطير حوران

تعرف مداها منت والله ادويني

ان كانها من قلب حاقد وبلشان

العفو والا الذنب للمذنبيني

ءءءءءءءءءءءءءء رد : لافي الفهيدي

الشاعر سلمان والشاعر الفهيدي

صحة السنتكم جميع الله يعطيكم العافيه

	المشاركة الأصلية كتبت بواسطة ابوهليل

	الشاعر سلمان والشاعر الفهيدي صحة السنتكم جميع الله يعطيكم العافيه

صح بدنك يابوهليل
وشكراً على مرورك العطر

تحياتي لك

صح الله السنتكم
لاهنتم
ولاهان مقامكم
صوت وصدى ولا اروع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

سلمان عوض الحربي
صح لسانك مدد بلا عدد
اجزلت القول
لك ودي واحترامي

السلام عليكم ورحمة الله وبركاته
سلمت ودمت أخوي الشاعر سليمان عوص على القصيدة .
.
.
جزله ورائعه وصح لسانك
أخوك ابوساره

صح لسانك
..
..
أسجل اعجابي بالقصيدة
..
ويعطيك العافيه ..