الفية الالغاز الاولى

بسم الله الرحمن الرحيم
السلام عليكم ورحمة الله وبركاته

الـــــفٍ اولـــــف فـالــغــوز الـرزيــنــه=لـعـل تـعـجـب كـــل شـخــصٍ قـراهــا
1/الالــــــف ادور لـلــفــتــاه الـثـمـيــنــه=وحـيـدتـن فـالـكـون مــابــه ســواهــا
لولاهـا كـل النـاس تصـبـح حزيـنـه=لـلادمـي تخصـيـص ربــي عـطـاهـا
2/الــبــا بــذيـــك الـبــنــت يـاعـارفـيـنـه=ماصوفتـن بالـو صـف ولاحـدٍ راهـا
جـابـت خـبــر مـجـهـول لمـدوريـنـه=ماينكـشـف محـفـوظ لــولا عضـاهـا
3/التااء تجي فالبيت ضمن الخزينه=مـحـبـوبـةِ لـلــكــل مــاحـــدِ شـنــاهــا
اطيب خوات البنت وسـط المدينـه=اهـــل الـبـلـد والـغــرب كـــلٍ شــراهــا
4/الــثــاء ثـمن ضناه يارامـعـيـنـه=مــدة زمــن رجــال بـارضـه قضـاهـا
بـلـيـا مـــرض او عـلـتــن ذاكـريـنــه=الـقــمــه الـعـلـيــا تــوقـــف صــداهـــا
5/الجـيـم جـــو الـغــز يـبـغـى سكـيـنـه=لاتـعـبــت الثـنـتـيـن لــغــزي دواهـــــا
تـمـيــت شـــــرح الــغـــز لـمـدوريـنــه=والـنـاس وقــت الـيـوم زايــد ذكـاهــا
6/الـحــاء حـكـمـت الــغــز لـمـدوريـنـه=دار الـذي ماغيـر شـخـصٍ وطـاهـا
لـــو طـبـهـا غـيــره يـــروح عـجـيـنـه=حـقـيــقــةٍ صــــــارت وكــــــل قـــراهـــا
7/الـخــاء خـويــه للـمـسـافـر خـديـنــه=يـــوم الـدلايــل حافظـيـنـن سـمـاهــا
فالـبـر والا فــوق سـطـح السفـيـنـه=صــغــيــره لاكـــنـــه بــعــيــدٍ مـــداهـــا
8/الـــــدال دورتـــــه نــفـــوسٍ حـزيــنــه=لـعـل بـعـد الضـيـق يكـشـف بـلاهــا
فـالـبــر والا الـبــحــر والا الـمـديـنــه=لاجله جميـع النـاس يكثـر شقاهـا
9/الــــــذال ذيـــبـــن كــلــكــم كـارهـيــنــه=بالغـصـب يـاخـذ حـاجـتـه لابـغـاهـا
مـايـسـتــوي شـمــالــه والا يـمـيــنــه=مـيــزه بـغـيــره قــيــل مــاحــد لـقـاهــا
10/الـــــراء ركـــــزت الــغـــز لـمـدوريـنـهـ=بالـي رماهـا الوقـت وكـلـن نسـاهـا
لاهـي نحيفـه نحيـل ولاهـي متينـه=خـلـت هـنـوف الــدار تـرفـع غنـاهـا
11/الـــزاء زمـــان الــيــوم واول ثـمـيـنـه=بنـتـن كـبـار الـنــاس فـيـهـا تـبـاهـا
اْ رجـالــهــا فـالــشــرق مـتـوارثـيـنــه=فــيــهــم تــســمـــى زايـــــــد حـــلاهــــا
12/الـسـيـن ســـؤه فالـعـضـام الـدفـيـنـه=الـعـيــن بـاسـبـابـه تــزايــد شـقــاهــا
ورى البحـر لاشـلـت راســه مديـنـه=سـكـانـهــا لـلــجــار زايــــــد عـــداهـــا
13الـشـيـن شـاهــد للـمـكـان الخـزيـنـه=عـنـده كثـيـر الـنـاس تلـقـى بـنـاهـا
اســمــه تــــرى حـرفـيــن يارامـعـيـنـه=بالعـكـس لــو تـقـراه يعـنـي رمـاهــا
14الـصـاء صغـيـره مـاتـسـرك حـزيـنـه=مــعــروف لـلـعـالـم حـفـيـقـه نــداهــا
تحـكـم باحيان و حكـمـهـا طايعـيـنـه=وقتـن مضـى للامـن يعنـي صداهـا
15الـضــاء ضـمـانـه لـغـزنـا مبعـديـنـه=ماغـيـرهـا فـالـكـون يـوجــد ســواهــا
جمـيـلـة المـنـضـر نحـيـفـه مـتـيـنـه=مـــــره تـغــيــر فـعـلـهــا بـخـصـمـاهــا
16الـطـاء طـريـقـه يـاعــرب جاهلـيـنـه=الــــيـــــوم داره مـالــقــيــنــا ثـــــراهـــــا
وســطــه فـتـاتــن كـلـكــم عـارفـيـنــه=تــجــذب وحــيــدٍ فالـمـتـايـه لـقــاهــا
17/الظـاء ظمـنـت العـلـم لــك ذايعيـنـه=بنتـن كثيـر النـاس يشكـي غثـاهـا
يــاكـــم ديـــــارٍ روحـــــت يـاغـبـيـنــه=وديــار مــوت نملـهـا فــي حصـاهـا
18/الـعـاء عـــروس اثـنـيـن مزوجـيـنـه=والـكــل مـنـهـم فالمـخـاطـر حـمـاهـا
شــوفــي بـعـيـنـي كـلــهــم راكـبـيـنــه=هـذا تـحـت والثـانـي يـركـب عـلاهـا
19/الغيـن غـادر وقـت مشـي السفينـه=يـوم السمـاء هلـت مخازيـن مـاهـا
يعد انتهى المشوار عـادت سنينـه=بـالـديـره الـــي راح مـنـهــا صـبـاهــا
20/الـفــاء فـديـتـك فالمكان الحصينه=مـايـرتـجـا حــــي بـرجــلــه مـشــاهــا
دليـلـهـا ذيــــك الـنـجــوم الحـسـيـنـه=مـتـقــابــلات وكــــــل واحــــــد راهــــــا
21/الــقــاف قــبــل الــشــرح يارامـعـيـنـه=بـكـل الــدول تثـبـت ولاحــدٍ غـواهــا
الا بــــــــلادي والــبـــلـــد عــارفــيــنــه=غـربٍ تجـي والشـرق واحــد لقـاهـا
22/الــكـــاء كــرامـــة بـــــدو لـمـدوريـنــه=عـنـد الــذي يمـنـاه يـمـدح عـطـاهـا
والــيــا عـكـسـتـه لـلـبـهـم جايـبـيـنـه=وان ماعرفتـه قـلـت احـطـك معـاهـا
23/الاء لـهــا روحـــي وقـلـبــي رهـيـنــه=طفلـه ثـلاث سنـيـن عـمـري فـداهـا
احـبــهــا حـــــب الـنــبــي لـلـمـديـنــه=سـمـيـهـا فـالـنــاس يــرفــع غــلاهـــا
24الـمـيـم ماتـبـغـى وصـــارت حـزيـنـه=لاكـــن الاه الـكــون تــمــم عـطـاهــا
صار العطاء محفوظ بايدي امينه=بـامـر الــذي يعـلـم سـرايــر خـفـاهـا
25/الـنـاء نـويـت السهل ياطالبينه=زهره جميله فالمشاتل تراها
نفس المسمى رجل روح غبينه=فـــارق حـيـاتـه والسـبـايـب غـلاهــا
26/الـهــاء هـوايــه والـهـوايـه حـسـيـنـه=شـبــه الـجـزيـره نـاسـهـا وعـمـلاهــا
مـاهــي جــديــدة عــهــد متـوارثـيـنـه=الـهــاء بدايـتـهـا ولارضـــى سـواهــا
27/الــواء وصــوف الجـمـع لمفسريـنـه=ناسـن تجـمـع لاجــل تـاخـذ منـاهـا
يــرجــون واحـــــد فـالـبـلــد زايـريــنــه=لـــعـــل فـالـكــثــره يــحــقــق مــنــاهــا
28/الــيـــاء يـــقـــال وكــلــكــم قـايـلـيـنــه=للي صغير السن عشـره ماقضاهـا
شــبــه الـجـزيــره كـلــهــم عـارفـيـنــه=كـلـمــه ولاحــــدٍ فـالـعـروبـه غــواهــا
تـمـت وغايتـنـا الـرضــى مرتجـيـنـه=والــعــذر مـنـكــم لاتـبـيــن خـطــاهــا

للحفظ والاطلاع فقط