مايغبن الرجال غير الحقيقه

الاعزاء في ملتقى حرب
يسرني ان اطرح بين ايديكم قصيده كلي امل ان تحوز على استحسانكم

بين الضلوع الحدب شبت حريقـه=حريقةٍ ماهيـب بمثـل الحرايـق
لو انها ابطت في حشايـا دقيقـه=انهت حياتي والرجا فـي دقايـق
تعبـت ادوٌر بالطرايـق طريقـه=واحتار فكري في جميع الطرايـق
من جور وقتي شلت حملٍ مااطيقه=خدعت نفسي ،، قلت للحمل طايق
اضحك مع العالم وبالصدر ضيقه=ماغير اجامل كن مانيـب ضايـق
البارحه وكلن يسامـر عشيقـه=عديت في ضلعٍ منيـف وموايق
اللًه واكبر كل ما اضقـت اويقـه=اصير رايـق لـو مانيـب رايـق
اكشف عن اسرارٍ بصدري عميقه=مايعلم ابهـا غيـر رب الخلايـق
سجيت افكـر بالسلـوم العريقـه=عقب اصبحت مثل النشب والعوايق
وين الصديق اللي يقف مع صديقه=لا اصبح صديقه فالزمان امتضايق
ووين الرفيق اللي يساند رفيقـه=لا احتاج له في وقفته جاك وايـق
هذا الزمن حتى الشقيق وشقيقـه=متخالفين الراي والفـرق فايـق
مشاعر الاصحاب صارت رقيقـه=كلن على الثاني يعكس الوثايـق
ومايغبن الرجال غيـر الحقيقـه=لا حرفوهـا امحرفيـن الحقايـق
قلته وانا في جوف صدري حريقه=اللٌـه يستـر لاتزيـد الحرايـق
حريقة البارح لـو ابطـت دقيقـه=انهت حياتي والرجا فـي دقايـق

وسلامتكم

الشاعر القدير تركي الشيخ اهلا وسهلا ونا لازلت الرهن على موهبتك موهبت شاعر متمكن



صح لسانك وشكرا لهذا العطا على صدر هذ المنتدى الذي لايوصف بغيره

صح لسانك

وبيض الله وجهك

	صح لسانــــــــــكـ والله يعــــــــطـــــــيــــك العـافـــــــــــــــــيه لاهنت

	المشاركة الأصلية كتبت بواسطة غازي الزغيبي

	الشاعر القدير تركي الشيخ اهلا وسهلا ونا لازلت الرهن على موهبتك موهبت شاعر متمكن صح لسانك وشكرا لهذا العطا على صدر هذ المنتدى الذي لايوصف بغيره

العملاق غازي مغيران الزغيبي

هلابك ويامرحبا بك تراحيب المطر

اشادت شاعر بحجم العملاق مفخره ووسام غالي

صح بدنك ولاهنت يالقرم

تحياتي وتقديري

الله اكبر
و الله ياتركي اللي يسمع قصيدك يقول هذا عمره 70 سنه
هههههههه
و لكن صحيح الشعر ماهو عند كبر الرجل و صغره
صح لسانك ياتركي و بيض الله وجهك
و الله يعينك يا ابو عبد العزيز

اللًه واكبر كل ما اضقـت اويقـه
اصير رايـق لـو مانيـب رايـق

شيخ الشعر أو شعر الشيخ كلاهما نقرأه هنا .

الكثير من الجمال نثرته هنا بحرفية شاعر متمكن لايجيده نهجه إلا القلة
الله على كل شي ء هنا وعلى هذا البيت تحديدا

	المشاركة الأصلية كتبت بواسطة المحايد

	اللًه واكبر كل ما اضقـت اويقـه اصير رايـق لـو مانيـب رايـق شيخ الشعر أو شعر الشيخ كلاهما نقرأه هنا . الكثير من الجمال نثرته هنا بحرفية شاعر متمكن لايجيده نهجه إلا القلة الله على كل شي ء هنا وعلى هذا البيت تحديدا

الناقد والشاعر : (المحايد)

عندما تاتي الاشاده من ناقد وشاعر تعتبر وسام يفتخر به كل شاعر

اخوي المحايد شكرا على كلامك الطيب وتعليقك الرائع

تقبل تحياتي واعجابي بشخصك الكريم

تركي الشيخ

صح لسانك قصيده جزله وبيض الله وجهك

ننتظر جديدك

تركي الشيخ
صح لسانك وبيض الله وجهك

قصيدة كايفة بمستوى عالي

دمت ودام ابداعك

تحياتي لك