مرّيت وادي ثقيف

السلام عليكم ورحمة الله وبركاته
احب مشاركتكم بهذه القصيده عن
وادي ثقيف و اهله الكرام رغم كثر
الشعا رالذي تغنى به حيث الطبيعه
ملهمة الشعراء لعل تنال رضاكم


مريت وادي ثقيـف اللي يطرونــه
كل الشعاعير تنطُق باسمه الضافي

والله مــالومهـم فاللـي يقـولونـــه
ريت الجمال الطبيعي ماله أوصافي

الورد بـه عثري مـاهـم يسقونـه
حله كرام العرب أعيان وأشرافي

الضيف في دارهم يُحشم ويقرونه
ديرة لشاوس لقينـا سلمهـم وافـي

لهم جذورٍ في التاريـخ يقـرونـه
في موطن العز من يمشيه ماخافي

ياناوي البـعد قلي كيف تنسـونـه
ياليت لي بيت به وفراش ولحافي

اللي يريد المصايف واجب يجونه
أحلى من أرض المخاوف وارض الإسرافي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك المستشارالحب الباقي
أشكرك على تواجدك الدايم على
ماي يكتبه الشعراءاسعدني مرورك

صح بدنك اخي فهدشاكرومقدرمرورك
العطرعلى متصفحي هذاودمت بخير

وعليكم السلام ورحمة الله وبركاته

لله درك
اذا وصفت أبدعت
واذا قلت أقنعت
وصفت المكان والزمان
وصفت الطبع والطبيعة
اهله الكرام عالين المقدار
وارضه الغناء الغنية بأجمل الازهار
تنبيه لمن ينظر للجمال البعيد
بان الجمال قريب جدا وبين ناظريه
هنا الطبيعة هنا الأمن والامان
هنا الطيبة هنا الأنس هنا الكرم
شاعرنا الراقي المبدع
أنت ترسم حب الوطن في حروفك
انت الدليل الناصح لمن اراد السياحة النظيفة المريحة
في وطنه وبين أهله وناسه
شكرا من الاعماق لك
وصح الله لسانك مليارااات

اخي المستشارالشيخ حسين شاكرومقدرمرورك
الطيب على متصفحي وماقلت من ناحيتي وناحيت
المكان وأهله يحسب لك عندالله وعندخلقه تشكر
على ذالك بوزن الجبال الراسيات وفتخرباكلامك