ديوان الشاعر// محمد بن شبيب الحداري

لا والله الا راح دور البداوه=ودور الركاب اللي عليها الشنوفي
ومجالسٍ فيها لهلها طراوه=عنها الشوايب والهزيل محذوفــــي
وراح الزمان اللي لعيشه حلاوه=واللي على الغارب رجع للردوفي
قالوا تسير قلت مامن فضاوه=قالوا علامك قلت عيت ظروفي
اللي مضى بالنفس عنف وقساوه=واليوم أخلي كل عوجا تطوفي
وأضحك مع اللي لي يكن العداوه=وأن صفقوا صفقت له بالكفوفي
نخاف من دقة خطات اللعاوه=رادي نصيب وناقرٍ له علوفي
يزعل على اللي يسوق الأخاوه=وذلوا معطرة النمش والسيوفي
والمرتفع قالوا مثل ذاك ساوه=وشربت غثاريب الغريف العيوفي
عين الغضب تفتح عليك السماوه=وعين الرضا لوبك خطا ما تشوفي
هداج مات وجات غيره أجباوه=والروس قامت تدرق بالكتوفي

ياعيالى اللى تفهمون الوصاتي=وصيت اللي جرب الوقت تجريب
جربت من سمرالليال افتخاتي=مع مثلهن من بيض الايام تقريب
ياكثر مامارست انا في حياتي=كم ليلتن يخطي بها الحظ ويصيب
وكم ليلتن راحت عليه فواتي=وأنا بغفله تطلع الشمس وتغيب
وتغيب ثم تطلع وانا بلهواتي=ماأذخرلباكركود مايذخرالذيب
ولاهوجزع مماجرى واشتماتي=الآ اني اجعل عن هاك الوقت تعريب
ماحيا الا مقتفيه المماتي=ولا شبن الابعده العجز والشيب
ولابدماتقضي لليال الحياتي=أمرض واطيب وعقبه امرض ولاطيب
وخلان للساقه كثير التفاتي=قل الزهاب ولابوجهي معازيب
ماعندى الا سيتي وحسناتي=لا زيد بالحسنه ولا نقص من العيب
يالله ياكاتب فروض الصلاتي=ياقابل التوبه من العبد ومجيب
تجعل لنا من باب جودك نجاتي=يالله يالي تعلم السر والغيب