وخبولنا بخبالها ماغبطها

يابو مشاري كل ماجيت ابا قول
حول الحروف اللي تعذر نقطها
كلام ياسلطان هادف ومعقول
اختار صدق علومها عن غلطها
اخاف يصدفني مع الدرب مهبول
يجهل مخططها ويجهل خططها
يمسي ورا جده ويصبح اسطنبول
سوالفه سبحة عراقي فرطها
اسمع مع الزفه مزابير وطبول
واللي يعرف رباطها ماربطها
لقيت بالحزبين عميان وخبول
ياكثر ماسمع بالعوافي لغطها
يبون دون رسوم جمرك لبهلول
قصرن ٍ كبر شم الجبال ونمطها
لاقلت قبله ياهل الشان ماهول
نشبت بحلقه لقمتن مازرطها
ازريت ياسلطان بالعمي والحول
كلن حصاته فوق راسي قرطها
مسموح يامقبل على شان مقبول
وخبولنا بخبالها ماغبطها
سعد المحمدي
@@@@@@@@@@@@@

يامرحبا مامطرعلى القاع شهلول
وانبت من الدار المحيله سبطها
وتشابك النوار حولن بعد حول
ويوم ازهرت ربي تبارك بسطها
برسالة اللي ماعنه قيل مجهول
شجاع يعرف كان كبرت شططها
ياسعد مرسولك ماهو باي مرسول
ورسالتك عيبن على من سفطها
قريتها وحضرت فكري على طول
وبعدتها عن مبغضن يلتقطها
ومافيه شين ماله حدود وحلول
واهل السقط نكباتها من سقطها
والحجه اللي مالها ثار ودلول
شجره على درب المسافر خبطها
وانته تقول ولك مواقيف وفعول
لاعودت ملح العلوم وسمطها
علمن نقوله ثبت ووصوله اوصول
تاقف على اولها ماهو في وسطها
الناس تدري وش ورا العلم والضول
لو كان تخفي سرها في شنطها
سلطان عبدالله الوسيدي

صحت السنتكم بدع وردجميلين من عيون الشعر
شاكرومقدرلمتاعنابهاذالنصين الممتازه دمتم بخير

	المشاركة الأصلية كتبت بواسطة محمدالعيسى

	صحت السنتكم بدع وردجميلين من عيون الشعر شاكرومقدرلمتاعنابهاذالنصين الممتازه دمتم بخير

صح بدنك وعتلا شانك شهاده اعتز فيها

صحــت السنتكــم
دمتم برعاية الله وحفظة

	المشاركة الأصلية كتبت بواسطة فهد ابن غانم

	صحــت السنتكــم دمتم برعاية الله وحفظة

كلك صح يابن العم

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
شاعران متمكنان من الجزالة