قصيدة ... عسى ان تنال ..استحسانكم ورضاكم

هذه قصيدة توي كتبتها الان

عسى تعجبكم
:
..
*******************************

من شان ابني بيت والبيت قبله
............ ابيات مبنيه على طباق و جناس
لرجل جمع في واحة الحب نبله
............. افذاذ تبذل ود من صادق احساس
عن اذنكم يا مرجعي بكل جزلة
............ با اقول للي ما سمع دق الاجراس
لا شفت لك انسان ميال سبله
............ عما رسمه اسلافنا للخلف ساس
يمشي معك كنه على ارض هجلة
........... ويمدح من الاذناب ويذم فالراس
ارفع يديك وصوب الوجه قبله
........... واطلب معونة من يجيرك من الباس
واكفخ جناحك عن وطى فيه هزله
............ ولا توقع الا الوكر مدهال قرناس
الصمت وقت الصمت ينقذك حبله
............ لو انعقد .. ثم انعقد .. ثم انلاس
وحبل الردى راعيه يتعبك عدله
............ ما تعدله لو ينعدل ذيل حواس
العيب ما هو عيب من كان صبله
............ مدهال للي شاقه الكيف نوماس
الا البلا من ضاف مع هيس هبلة
............ معزبه ميت وهو ميت احساس
قلته وانا مالي على النصح شبلة
............ الا انها الذكرى عسى تنفع الناس
من رجل مادلهم على الناس ختلة
............ ولاغاص غبة مظلمة دون مقياس
ياكم جاهل ساتر الصمت جهله
............ خلاه صمته حزت الهرج نبراس
و ياكم عالم ضيع الهرج عقله
............ خلاه هرجه حزت الصمت هلاس
سلام يا رجل سقى الطيب شبله
............ ومن كل فن يشرفه صب له كاس
لين العدا من دون روحه تحسبله
............ ومن دون ربعه لانصا العلم مقباس
والختم صلوا عد ما سال دجلة
............ واعداد اهل الارض من كل الاجناس
على شفيع الخلق من نفس وجلة
............ تطوى صحايفها بعد كتم الانفاس


*******************************

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اللهم صلى على نبينا محمد وعلى اله واصحابه اجمعين
وصح لسانك

كلام رووعة
يسلمو

اللهم صلى على نبينا محمد وعلى اله واصحابه اجمعين
وصح لسانك وبيض الله وجهك

قصيده ممتعه جزله من شاعر جزل صاحب مفرده وقافيه جميله جداً


اخي محمد سعيد بيض الله وجهك وصح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة