هرج القفا طبع الذليل الجباني

الاخوه الاعضاء هذه قصيده ومناسبتها ان احد الاشخاص اتهمني
بالكلام في غيابه فكانت هذه القصيده عن هرج القفا والنميمه بين الناس وهذا موضوعها

اقرا كلامي واسمعه بالاذاني = واستوعبه بالعقل وافهم مقاله
وان كان ماتفهم رح الترجماني = خله يترجملك على مابداله
اللفلفه للمثعله والحصاني = وانا سوات السيف سيف العداله
ابتل واسيّد ماتبع الثعلباني = اللي يتلوى مثل حبل المحاله
وامشي بدربن متضح للعياني = ماني موجه ظرف ولا رساله
من واقع احوال الزمن والزماني = موقف جرى عبرت بلسان حاله
والد خصم بوجهي اليا هجاني = القول مايثر على كل حاله
اشوفه ارجل من صحيب يعناني = بشور النصيح ولا عطاني قباله
وارجل من المغتاب والصيرفاني = وقوم الخطط والمحيله والحياله
واقارب وعقارب وعقرباني = والكل منهم يدعي بالجزاله
واصحاب ضحكة ناب قاصي وداني = خلفي سباع وقدم وجهي ثعاله
هرج القفا طبع الذليل الجباني = وراعيه وجهه مثل حذوة نعاله
ومن لا يقابلك بكلام اللساني = عزالله انه من سلايل حثاله
وعطني خطاب موجهن بالمعاني = مقيول فيك وضمني للسلاله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
واللغلغة ماسالم منها احد
ياخوي رامي ومشكله مستحيل حلها
او اصلاحها ولاكن الشكوى لله

	المشاركة الأصلية كتبت بواسطة صلاح الحيسوني

	صح لسانك واللغلغة ماسالم منها احد ياخوي رامي ومشكله مستحيل حلها او اصلاحها ولاكن الشكوى لله

صح بدنك اخوي صلاح
اللفلفه ماحد يسلم منها
لكن المثل يقول وسومها بخشومها
واذا لفلف معاك احد وتبغى تكشفه
عامله باسلوبه لين تكشفه ويعدين عطه بوجهه كاش
والبادي اظلم

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك