بين ماجد أبومديده & أبوسالم الرحال ( محاوره قديمه ومن الأرشيف )

بعد التحيه والإحترام
أكتب لكم هذه المحاوره القديمه ومن الأرشيف
بين كلآ من
( أبومديده )
ماجد الجدعاني
&
( أبوسالم الرحال )
عايش الأحمدي

أبوسالم الرحال=
قلبى لعذب المثـل لازان=يرتاح من جـور لهّـاده
ويفرح بأهله وذات الشان=سـلام لأهـلـه ورواده
ماجد أبومديده=
عذب المثل يطرِب الفنان=ويعيّشُه فرحـة أعيـادُه
يامُرهف الحس والوجدان=ترحيب في عيد ميـلادُه
أبوسالم الرحال=
راعى وفى طيلةالأزمان=خابرك ماتخلف العـاده
هيا معى ايهـا الربـان=نبحر فبحر الصفا و ماده
ماجد أبومديده=
وفاك ترجح بُه الأوزان=وماعندنا زود ياسـاده
أنا معك حاكِم السكْـان=بحر الصفا فن ورياده
أبوسالم الرحال=
الطيب مالك عنه مزبان=تارد على عـد ميـراده
اعرفك ياساجي الألحان=لك حرف معروفه امجاده
ماجد أبومديده=
هيا أعزف اللحن ياشيهان=ياروعة القيـل وإسعـاده
وإليا تمايل غصين البـان=رد المثـل نقـدح زنـاده
أبوسالم الرحال=
هات القلم واكتب الأغصان=اللى على العـذب معتـاده
مادام فـى ملتقانـا حـان=وعذب المثل عانق اوداده
ماجد أبومديده =
الوقت محسوب بالميزان=لايضيع والناس نقـاده
إن كان عندك خبر مليان=حِّنـا للأقـوال سـداده
أبوسالم الرحال=
خلك معى داخل الميدان=لا يفرح الحرف حساده
وقاد ناري من الأحزان=اللى على الروح وقاده
ماجد أبومديده=
هذا الزمن ماصفي لإنسان=مابين نقصـان وزيـاده
إما سبب في الحزون يدان=وألا مقـاديـر منـقـاده
أبوسالم الرحال=
مانى عليه الزمن زعلان=عارف مراميه وارصاده
لا كنها طعنـة الطعـان=من خلف صعبه وكياده
ماجد أبومديده=
منه غدر بالبشر خـوّان=مايخاف ربُه ولاعبـاده
وأنصحك تجزاه بالحقران=مادام بانت لـك أحقـاده
أبوسالم الرحال=
ما كان فالبال والحسبان=يشت عن منهج اجداده
ومهما اجازيه بالهجران=ما ياصل القلب لمراده
ماجد أبومديده=
خذها صريحه بكل لسان=والقول يقفاه شُهـادُه
من باعكم يعتبر خسران=بُكره إ يتندم على عناده

ويصحابنا سامحونا
تحياتي وأشواقي
ماجد عبدالله الجدعاني
( أبومديده )

صحت السنتكم
والله يعطيكم العافيه
بيض الله وجيهكم

صحت السنتكم عمالقتنا ابو سالم وابو عبدالله مبنى ومعنى وعادتكم ما تجيبونها الا كاملة ووافية من مطلعها لقفلتها دمتم بخير وصحة

صح الله السنتكم وبيض الله وجيهكم

وجزاله ولا غرابه

وحضرت أسجل اعجابي