سلام ياملتقى حرب الحرابه سلام..

برقاوي=
سلام ياملتقى حرب الحرابه سلام=تحيتن من صميم القلب وابديتها
يامحمد المشكله بالصوت والا الكلام=وانخاك يالقرم تكفا كان حليتها
محمد العجي=
يامرحبا ياهلا والنور يجلا الظلام=لنكان غنيتها ولا ماغنيتها
اخاف فيك البلا والوضع الاخر تمام=من غير نخوه ليا من جيت سويتها
برقاوي=
دام البقا ياوريث اللي تعلا السنام=ليتك على الاوله يالقرم خليته
جينا نسولف مع الربع العزاز الحشام=اللي على الطيب دايم معتلى صيتها
محمد العجي=
ما قلت غير الكلام اللي بحسب النظام=ليه الحقيقه تضايق كل ما اوحيتها
الله يحييك وانت من الرجال الكرام=وابشر بكل العلوم اللي تمنيتها
برقاوي=
انكان هذا نضامك تتهمني اتهام=وانا بري من علومن يمي ابديتها
ماعاد يمديك زلت يارفيع المقام=وكلمتك الاخرى من المبداء تحريتها
محمد العجي=
ماجيت من بيننا الا وانت حازم حزام=يمناك ماتستحقه قمت واعطيتها
يامحترم مالك الا عندنا الاحترام=من شان هذي لك العينين لديتها

أشكرك عزيزي محمد الحميدي
صح السانك والسان الشعراء
جعله في ميزان حسناتك
بارك الله فيك وتقبل مروري
مع شكري وتقديري لك يامميز
«®°•.¸.•°°•.¸¸.•°°•.¸.•°®»«®°•.¸.•°°•.¸¸.•°°•.¸.•° ®»
__________________

اشكركم على هالابداع الغير مستغرب من اهل الابداع

صح لسانك يابرقاوي وانت من الشعراء اللي اذا حضروا حضر الابداع معهم

صح لسانك يامحمد العجي والابداع ماهو غريب عليك وابوك معيض العجي رحمة الله عليه

بيض الله وجيهكم والى الامام

صحت السنتكم
والله يـعـطـيـكم الـعـافيـــــــــــة
بيض الله وجيهكم