( لاجاتك الغارات سو مثل صدام )

/
/
/
/
/
/
/
/
/
/
/
/
هذه مساجله مع
الشاعر القدير / نداء الغيداني

ماسوته غارات فـي حـرب فتنـام=صاير بقلبي من ظـروف الليالـي
يانـدا عينـي لهـا وقـت متنـام=اسهر على شانـه وحيـداً لحالـي
الصاحب اللي كمل اليوم لـه عـام=مابـادر بمسـيـار ولا اتصـالـي
ادعج غنج عرقه من الفرس والشام=زايد على زينـه حسيـن الدلالـي
ولو شفت جوالي بذاكـرة الارقـام=ألاولـي رقمـه وغيـره تـوالـي
وشلون يجزا مدة الطيـب بجـرام=ويحدنـي للهم ويعـيـش سـالـي
والجور ماجازه لنا ديـن الاسـلام=وحدد لنا وشهـو حـرام وحلالـي
واقولها وابصـم عليهـا بالابهـام=انك وفي عندي على القلب غالـي
شهم ٍ ولا يرضيك صاحبك ينضـام=منك المشوره تنصـرف كالريالـي

الشاعر/ خالد بن عبيد بن معتوق ألأحمدي
واليكم رد الشاعر/
نداء الغيداني

لجاتك الغارات سو مثـل صـدام=اللـي تصـدا للـدول مايبالـي
وعين السهر يامشتكي منه ماتلام=النوم ماله فـي مساهـا مجالـي
لاتلومها لو واصلت خمسه ايـام=مادام ماشافت غريـب الجمالـي
والصاحب اللي صابك بهم واهيام=ماهو على مثلك صعيب المنالـي
مادام جواله معك ليش الاوهـام=كلـم عليـه وعلمـه بالحوالـي
يمكن هرج مابينكم شخص نمـام=اللي يفرق بين غالـي وغالـي
وانا معك يالاحمدي وامش قـدام=اسعى لحالك مثل مااسعى لحالـي
في خدمتك لابد مانسهم اسهـام=بالجاه وادفع لاجلكم راس مالـي
اطلب تجد ماتطلبه يابن الاكـرام=مانعتذرلـك يالرفيـق الموالـي

	[rainbow]صح السانك وبيض الله وجهك[/rainbow]

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
..
..
أسجل اعجابي
..
ويعطيكم العافيه ..
..

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

محمد بن صالح بن حصين
الف شكر لك

لاهنتم وصح الله السنتكم



تقبلو التقدير والاحترام



وفقكم الله

الحب الباقي
مشكور على مرورك

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت ألسنتكم جميع
وبيض الله وجيهكم