( قـصـة صـحـن الجـاتـوه )

كان يا ماكان
كان فيه خيـاط ونجار جنب بعض
الخياط غني ورازقه اللة والنجار فقير جداً معدم ..
كان النجار مبسوط دايماً .. ويغني بالرغم من فقره والخياط كان حاقد عليه ومقهور منه ، المهم مره الخياط سمع الفقير النجار يغني قام وراح ودخل عليه .. قال : فهمني وشلون فقير وحالتك حاله ومع هذا مبسوط وتغني !!؟
قال النجار : يا أخي أنا راضي بحكم اللة وهو الرازق ومقتنع باللي عطاني
قال الخياط : إذا سمعتك تغني واللة واللة غير أخلي محلك هذا رماد .. أحرقه وأساويه بالأرض وقد أعذر من أنـذر
خاف النجار وسكت ، المهم في الليل وقبل يقفل النجار محله .. نسـى وغنـى ، وإنتبه وخاف .. قفل المحل وراح لبيته ولما جا الصباح لقـى محله رماد .. ومحترق كل شي وهو مصدر رزقه الوحيد بالدنيا ..
وقف حزين .. ورجع لبيته وقال لزوجته جهزي الشنط والأغراض أنا قررت أسافر لأي مكان هنا مالي رزق خلاص ..
المهم .. من بكرا أخذ يودع زوجته وعياله عند البيت ويبكون ويومهم حزين ذاك اليوم ، ولحظة ما كان بينهم .. جت آخر العنقود ( بنته الصغيره ) من داخل البيت تركض كلها براءه ومعها ( صحن جاتوه ) فاضي .. وطاحت على أبوها وجلس يودعها ويمسح على شعرها قالت بابا : أبي مثل هذا ومدت يدها بـ ( صحت الجاتوه ) قال من عيوني يابنتي ونزلها وسلم عليهم وطلع ..
ما يدري وين يمشي المسكين ..
وصل البحر ..
حصـّـل سفينه بتبحـر وفيها ناس قالـّـهم : خذوني معكم .. قالوا : حنـّـا مسافرين
لبــلاد بعيـييييده عن هنـا .. قال : ما يهم خذوني معكم لأي مكان رايحين بدور رزقي .. وافقوا المهم وركب معهم وأبحرت السفينه تمخر البحر مبعده شوي شوي عن الشاطيء وغابت مع الضباب بأعماق البحر

المهم أبحرت السفينه فيهم شهر بوسط البحر .. وفجأه تغير الجو وغطت السحب السماء كلها فوقهم وأمطرت
وهبت عاصفه قوية وحطمت السفينه كلها باللي فيها ومااتوا من فيها إلا النجار.. متمسك بشنطه صارت طافيه فيه فوق سطح الماء .. وماسك أيضاً ( صحـن الجاتـوه ) بيده ومستحيل يفرط فيه .. لأنه من أغلى شي عنده بالوجود بنته الصغيره ..
المهم ..
أخذته الأمواج ورمت به على ساحل جزيره كانت قريبه .. وهنا طااح من التعب والأهوال اللي شافها من العاصفه وناام غصب عليه ويوم فتح عيونه .. شاف منظر ولا تخيل هو بيوم إنه بيشوفه ..
ثلاث رجال أشكالهم جدا جدا غريبة ولبسهم غريب .. ودب الخوف بداخله وتروع المهم سألوه : وش جابك هنا في جزيرتنا ؟؟
قال النجار : أنا كنت بسفينه مسافرين وهبت عاصفه قويه وحطمت السفينه وماتوا اللي كانو معي ........ قالوا لازم ناخذك إلى ملك الجزيرة ..
شالوه وجابوه عند ملك الجزيرة ..
وسأله الملك : وش جاابك لجزيرتي ؟؟
( طبعا خوينا قلبه في بطنه ) مايدري وش السالفه .. قال : والله يا حضرة الملك كنا مسافرين وهبت عاصفه وتحطمت السفينه وماتوا اللي معي و .. وأنا ..........
وأثناء ماهو يتكلم ..
الملك كان يناظر لـ(ـصحن الجاتوه ) اللي بإيده وإستغرب من شكله ..
أعجبه الزخارف النحاسيه الصغيره على جوانب الصحن .. قال : إيش اللي بإيدك؟ قال النجار : هذا ( صحن جاتوه ) يا حضرة الملك
طبعا الملك حاط أوراق شجر على عورته وش عرفه بالجاتوه
المهم ..
قال الملك عطني هالصحن بشوفه قام عطاه الصحن وجلس الملك يتأمل الصحن الصغير المزخرف وأعجب فيه جدا ،، قال بصراحة أنا باخذ هالشي هذا واللة أعجبني جدا .. وبخليه هو (( تاج الملك )) وحطه فوق راسه ..
قال النجار رغم انه ذكرى من بنتي بس يالله دام أعجبك يا حضرة الملك هدية مني لك .. فرح الملك كثير وقال لرجاله الآن تحملون ثلاث سفن .. ثنتين أكل وشرب والثالثه أبيكم تحملونها بالذهب والمجوهرات وترافقونه لديرته ..
أبحر النجار بالثلاث سفن .. ويوم قرب عند ديرته جاهم خبر وإستقبلوه عند الشاطيء وهللو وعانقوه وفرحوا فيه وكأنه عرس ذاك اليوم ..
وعاش غني ..
الخياط بيموت من القهر .. وحاقد عليه
يقول : كيف نجار حقير مثل هذا علشان قطعة صحن جاتوه صغير يصير حاله كذا ؟؟ لكن أنا بوريك وش أسوي ..
وقام باع كل أملاكه ومحلاته وسحب كل السيوله اللي يملكها وماوراه وما قدامه
وإشترى هدايا ..
تحـف غالية وغريبة ..
وفازات ثمينه ..
وأخذ سفينه وأبحر ..
وإتجه لنفس الجزيرة ..
ووصل عندها ..

وجو عنده الرجال اللي أشكالهم غريبه بسرعه ومسكوه ..
قالوا : وش جابك عند جزيرتنا ..؟!!
قال : والله أنا كنت مسافر وتهت ومادري كيف وصلت
قالوا لازم ناخذك عند ملك الجزيرة وأخذوه عند الملك ، شافه الملك قال وش جابك عند جزيرتي ؟؟
قال : والله تايه يا حضرة الملك .. بعدين فيه هدايا لك معي يا حضرة الملك .. قال الملك : وينها ؟
قام نزلها مع رجال الجزيرة من السفينه وقدمها له ..
إنهبل الملك ..
تجنن ..
مذهول من جمال التحف والهدايا اللي جابها الخياط له ..
قال شوف : والله ماني عارف كيف أشكرك وأجازيك وأرد على هذي الهدايا كلها أنا مستحيل أوفيك حقك .. لكن أنا قررت بعطيك ( تاااااج الملك ) وقام نزل صحن الجاتوه من على راسه .. ولبسها الخياط ..
الخياط مو مصدق ..
عيونه جاحظه ..
يبلع ريقه ..
قال يا حضرة الملك شكرا بس ....؟؟؟؟
قال الملك : كيف تاج الملك مو مالي عينك .. طبعا قالها بزعل وعيونه تخوف
قال الخياط لا خلاص قبلت .. وقالها مكسور
مقهور ..
ما تشيله رجوله للسفينه حقته ..
ركب ..
وأبحر ..
لابس ( صحن الجاتوه ) ..
ورجع لديرته ..
وعاش عند النجار ..
فقير معدم ..
\
/
وتووته توووته
الحتوته فنـش

لو حسبها صح هالخياط

كان عرف إن ماحاصل له إلا هالصحن

*
*

يسلمووو خالد الشعيفاني

دمت بفرح

يسلموووووووووووووووو خالد



::

::

والله مدري وش السالفه
لكن اضحك الله سنك