قلبي من الشوق محروق

هلا وغلا لو هي بحقك قليله = تستاهل اكثر يابعد كل مخلوق
محبتك ماهي مجرد وسيله = محبتك روح وجسد حي وعروق
ياحلو همسات الخليل لخليله = حديث ودي بين عاشق ومعشوق
انتي جميلة والليالي جميله = تجملي سلمت حياتك من العوق
شربت حبك يالعيون الكحيلة = حتى جرى بالدم مع كل معلوق
ودي بشوفك كل يوم وليله = لانك متاع الروح ياقمة الذوق
من دونك الدنيا بعيني هزيله = يالذة الدنيا ويامنتهى الشوق
ان كان لاماك اصبحت مستحيله = حدك زمانك واهل الحسد والبوق
وكلِ على ماقيل راح بـ سبيله = فانا اعتبر قلبي من الشوق محروق

عوض عواض الغيداني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

شاعرنا الجزل والمبدع /عوض بن عواض الغيداني صح لسانك مدد بلا عدد
على هذه الكلمات الوجدانيه العذبه لاهنت يابو عواض سلمت ودمت لاعدمناك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وبيض الله وجهك

السلام عليكم ورحمة الله وبركاته
سلمت ودمت أخوي الشاعر عوض عواض الغيداني ...... على القصيدة .
.
.
جزله ورائعه وصح لسانك
أخوك ابوساره

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح لسانك ولاهنت /

تحياتي لمقام سموكم الكريم :