اخترت لي فالعز

يا الله ياللي اطلبه دوم وا رجيه=يالخالق المعبود يا ذا الجلالي
إنك تثبتني على الدرب لا اخطيه= من قبل يوم فيه مر وحالي
شفت الزمن صورة لقاضي واداعيه=ومن خصمه القاضي بلش بثقالي
اخترت لي فالعز بيت(ن) ابى اؤيه=والعز ربعي حرب درع وظلالي
والطيب عند الناس ينشاف راعيه= مدام مشيه مع وجيه الرجالي
والطيب امده واخذه دوم واعطيه= ولا ابديت قولي اتبعه بالفعالي
ولي نظرة(ن) فالرجل واعرف مواريه=يقلط على الماجوب بعد الدلالي
وربعي لهم واجب ولا بد ما اوفيه=هم مكسبي لو اعتلى رأس مالي
ودلوي بلا ربعي تقطع عراويه= لو يارد الجمة صدر بالحثالي
وبوجودهم دلوي تصل به رواشيه=آرد واصدر عد عذب وزلالي
والرجل يبعد عن كثير المشاريه=لو الزمن يقبل بسود الليالي
ومن فارق ربوعه محد يلتفت فيه=يلقى مع المقفين عم(ن)وخالي
ونهاية المشوار تظهر خوافيه= وينكس لهم لو الزمن به يطالي
وعزاه من ماله يحسبه مقديه= مايدري إن ريال يصرف ريالي
وعزاه يامن شيمته ترك عانيه=انا اشهد إنه عار في كل حالي
وعزاه يالي واجب الربع طاويه= هذا فراشك تفرشه للعيالي
راع الوفا والطيب وثق مباديه=شتان مابين القرض والثمالي
وجهٍ خلا شمس الحياء ماشرقت فيه=يصبح ويمسي يغتسل بالرمالي
ورجلٍ لبس ثوب الردى وصار زاهيه=حطه على يسراك به لا تبالي
وناسٍ احد فنجال ما يرتوا بيه=ولا ينترك مرة مثيله حفالي
و احدٍ كماالقمرا تفرح مساريه=و احدٍ سوات الليل يكسى الجبالي
ياهيه جاك العلم لاتقول ناسيه = شرحت لك درسك من هجوس بالي
وإعداد همالٍ نشا من مناشيه =صلوا على المختار فأول وتالي

الشاعر بخيتان البشري

صح اللسانك قصيده

وافيه ومعانيها ثمينه

بيض الله وجهك

قصيده رائعه

من شاعر جزل

لاهنت

	المشاركة الأصلية كتبت بواسطة صبا نجد

	قصيده رائعه من شاعر جزل لاهنت

سلمت ولاهنت

	المشاركة الأصلية كتبت بواسطة عبدالله بن عتيق

	الشاعر بخيتان البشري صح اللسانك قصيده وافيه ومعانيها ثمينه بيض الله وجهك

صح بدنك وجهك ابيض

لاهنت

الشاعر بخيتان حياك الله كلمة جزلة لاتكفي هذه القصيدة شكرا على هذا النص
تقبل تحياتي

	المشاركة الأصلية كتبت بواسطة حسين مريع العبيدي

	الشاعر بخيتان حياك الله كلمة جزلة لاتكفي هذه القصيدة شكرا على هذا النص تقبل تحياتي

شاعرنا القدير بيض الله وجهك

على طيب مرورك

الاخ بخيتان البشري وفيت وكفيت ياعصابت راسي الله يبيض وجهك

	المشاركة الأصلية كتبت بواسطة سعد المحمدي

	الاخ بخيتان البشري وفيت وكفيت ياعصابت راسي الله يبيض وجهك

لاهنت ياغناتي وجهك ابيض

	المشاركة الأصلية كتبت بواسطة بخيتان البشري

	يا الله ياللي اطلبه دوم وا رجيه=يالخالق المعبود يا ذا الجلالي إنك تثبتني على الدرب لا اخطيه= من قبل يوم فيه مر وحالي شفت الزمن صورة لقاضي واداعيه=ومن خصمه القاضي بلش بثقالي اخترت لي فالعز بيت(ن) ابى اؤيه=والعز ربعي حرب درع وظلالي والطيب عند الناس ينشاف راعيه= مدام مشيه مع وجيه الرجالي والطيب امده واخذه دوم واعطيه= ولا ابديت قولي اتبعه بالفعالي ولي نظرة(ن) فالرجل واعرف مواريه=يقلط على الماجوب بعد الدلالي وربعي لهم واجب ولا بد ما اوفيه=هم مكسبي لو اعتلى رأس مالي ودلوي بلا ربعي تقطع عراويه= لو يارد الجمة صدر بالحثالي وبوجودهم دلوي تصل به رواشيه=آرد واصدر عد عذب وزلالي والرجل يبعد عن كثير المشاريه=لو الزمن يقبل بسود الليالي ومن فارق ربوعه محد يلتفت فيه=يلقى مع المقفين عم(ن)وخالي ونهاية المشوار تظهر خوافيه= وينكس لهم لو الزمن به يطالي وعزاه من ماله يحسبه مقديه= مايدري إن ريال يصرف ريالي وعزاه يامن شيمته ترك عانيه=انا اشهد إنه عار في كل حالي وعزاه يالي واجب الربع طاويه= هذا فراشك تفرشه للعيالي راع الوفا والطيب وثق مباديه=شتان مابين القرض والثمالي وجهٍ خلا شمس الحياء ماشرقت فيه=يصبح ويمسي يغتسل بالرمالي ورجلٍ لبس ثوب الردى وصار زاهيه=حطه على يسراك به لا تبالي وناسٍ احد فنجال ما يرتوا بيه=ولا ينترك مرة مثيله حفالي و احدٍ كماالقمرا تفرح مساريه=و احدٍ سوات الليل يكسى الجبالي ياهيه جاك العلم لاتقول ناسيه = شرحت لك درسك من هجوس بالي وإعداد همالٍ نشا من مناشيه =صلوا على المختار فأول وتالي

صح لسانك

ولاهنت

جزلة من جزل

وانت تستاهل بيت العز

معنى وحسا

تحياتي