ديوان خليفه محمد سعيد المزروعي

خليفه المزروعي=
سلام من بعد غيابي=اضروفنا واضعتنا فيه
شفي على مقابل اصحابي=وللقيل وزعه وحق اعطيه
ذياب المحمدي=
ترحيب من عند الأحبابي=واللي معه ضرفكم نعفيه
وشوفتك يظرب لها احسابي=ياحر كل البشر تغليه
خليفه المزروعي=
تسلم وكملت ياذيابي=وراع الوفاء مثلكم يحميه
وكل الطرق لي تنسابي=يومن مثلك اجي ناصيه
ذياب المحمدي=
من لحيتي تكرم اشانبي=وراع الوافاءواجبي اوفيه
ولا عاش بيتن على اطنابي=لن كان به ظيف مايقريه
خليفه المزروعي=
كملت وضروفنا اصعابي=طرقي وبالصعب لاتعضيه
ودورات الايام في قرابي=واللي براسك لنا سويه
ذياب المحمدي=
لاعقلت جبت الاسبابي=ميعادكم للملا تبديه
وضمانهااحضور شيابي=ومن غيرها الفسح مانمضيه
خليفه المزروعي=
في وجهي لكم يابن الانجابي=علمن عطيناها مانلويه
فاخر شهر نطرق البابي= واللي لنا بعدها تقضيه

خليفه المزروعي=
ألشعر حكمه يجي لرجال=والطيبه حظ راعيها
ناخذ ونعطي مع العقال =والطايشه مالنا فيها
السهم السعودي=
حياك يامهندس الأمثال=دكتورها يا مقديها
أنته وأنا والجلال اجلال=نسعد بمثلك نجا ريها
خليفه المزروعي=
فنجال عندك ولي فنجال=يامن على الطيب ناصيها
وانا اشهد أني نصيت اجمال=كلمه ليا قلت حاميها
السهم السعودي=
فابياتكم تشتكي من حال=الليل وضح معانيها
حنا معك والهموم ازال=وعلتك حنا نداويها
خليفه المزروعي=
عن حالتي ماشتكينا حال=صابر وربك يسويها
اخاف تفرح بها ألأنذال=وتعينها في حكاويها
السهم السعودي=
اخاف تصبح عليك اثقال=وتكثر عليكم بلاويها
تراي صاحب لها شيال=واسرارك في بير راميها
خليفه المزروعي=
ألأن حطت عليها اقفال=ومفتا حها في يد قاضيها
ولا أنت وافي بدون اجدال=وأن قلت تحمى قوافيها

جريح الروح=
الجو كله زهر وزهور=والدار فاحت بنسماته
وروح غنت على المجرور=ولقاف محبوس في ذاته
خليف المزروعي=
مدام جوك هناء وسرور=تكفيك فالدار بسماته
وسل نفسك مع الجمهور= واصحى لغدره وضحكاته
جريح الروح=
جتني أفاده على المنشور=مضمونها وسط طياته
مدري نصائح من الدستور=ولا مراسيم لحماته
خليفه المزروعي=
أخذ النصيحه من الدكتور=أللي من الوقت خبراته
حمام يطلق وجاب أصقور=كم صقر قيد في شبكاته
جريح الروح=
ماشي إطماعه يامستور=غير الهدف شوف بسماته
إن كان يسمح لنا المأمور=ندفع ونأخذ كبوناته
خليفه المزروعي=
موجود عسكر لهم طابور=تكليفهم في حماياته
ابعد وجنب عن المحظور=تراء الخطر في اتجاهاته
جريح الروح=
من بحر ينبع عبرت أبحور=مار دني كبر موجاته
الموت ساعة مهو بالشهور=لاجا منرد جياته
خليفه المزروعي=
بيني وبينك جدار وصور=ومن دور المحفله جاته
خيرك في ينبع ترا مكثور=اولا لكم سد حاجاته
وطيوركم يالصحيب أطيور=والرجل يعرف محلاته
وفي ديار غيرك رصاص أنحور=والموت هدام لذاته
جريح الروح=
أشوف حالك على الدافور=تغلي من النار طبخاته
لاباس يالشاعر المشهور=خذني بحلمك وعفواته
ينبع ورآها رجال اشبور=تقلط على الموت ونجاته
ولي بدارك تراء مخبور=مثل العلم فوق هاماته
ولعلم عن بعضهم مقصور=مانجمع الشيخ ورعاته

خليفه المزروعي ( أمير المشاعر )=
سلام في بداية المطلع=وأعطي لماجد مِعي تصريح
إما على قد مانسمع=وألآ التعب في مهب الريح
أبومديده=
ترحيب لأهل المثل مرجع=وأنا على النايفه ماأطيح
وإن كان تسمع وماتقنع=عندي أساليب للتوضيح
أمير المشاعر=
دام البقى فالطريق إشرع=لاشك عندي ولاتجريح
ومن دونه الماد مايرجع=اللي يبا الفوز والترشيح
أبومديده=
قِدامك العِد والمنبع=والصْح مايوزِم التصحيح
إطرح معانيك وأنا أجمع=عذب المثل مِن روايح شيح
أمير المشاعر=
المنبت الخصب والمرتع=إضباه تجفل من التلويح
وأنا تحيَرت كيف أصنع=والصقر يفهم من التلميح
أبومديده=
يا للعجب والعجيب أفضع=واللي يريد الضِبا مايصيح
مادام شمس الأمل تسطع=لاتِختِلف وزنة الترجيح
أمير المشاعر=
من شكوة المبتلي تجزع=اللي شكا لك وسدُه بيح
لولا الأمل فارق المضجع=والدمع شمع العيون اسًِيح
أبومديده=
مضجعك للحِلم مستودع=وعُمر الهدف مايجي ترييح
يِحتَاج لك وقت مستقطع=فالعزم والجُهد والتشبيح

مع استا ذنا ابو مروان الشيخ محمد بن جازي وندعو الله ان يعديهم لنا في اتم الصحه والعافيه هو ومن معه

خليفه المزروعي=
ماباس ياشيوخنا ماباس=ومن دونكم مالنا جدوا
يارمزنا مع جميع الناس=وبلاكم افراح وش تسوا
ابو مروان=
مشكور ياراعي النوماس=ولمثالك الطيبه اهوا
حالف انا بخالق الاجناس=ماقولها سر والنجوا
خليفه المزروعي=
العفو وانته عريب الساس=وفي بعدكم عندنا شكوا
واشوف طولتو المجلاس=ولبرود وصرود ماتقوا
ابو مروان=
من شان جاري عصبت الراس=والأرض من خيرنا تروا
في خدمته لااخر الأنفاس=وإن مت موته على تقوا
خليفه المزروعي=
راع الوفاء دوم يا قرناس=دايم على الضن والهقوا
وللجار وزعه بدون ا قياس=وصى بها صاحب الصفوا

خليفه المزروعي=
سلام مثل الذهب غالي=وموجهه للذي غالين
وين انت ياراع الامثالي=لامثالك الناس مشتاقين
ماجد ابو مديده=
يامرحبا من صفا بالي=وألآ الغلا فيه مشتركين
لو المثل دوم يصفالي=لأ أعزِف بالألحان في كُل حين
خليفه المزروعي=
تبقون فالنايف العالي=انته وانادوم متفقين
دنياك للخالق الوالي=ابدع ونص الميه خمسين
ماجد ابومديده=
مرتاح دامك على جالي=لجلي مطبِّق شروط الدين
لكِّنك الهم قتّالي=في جوشني غارِز السكين
خليفه المزروعي=
أمثا لنا اليوم عقا لي=عقال ونوجه البا دين
دنيا بها المر والحالي=فتره وعنها ترى ماشين
ماجد ابو مديده=
دنياي ماغرّت أمثالي=وأنا أعرف إن البشر فانين
إن كان تِستوعِب سؤالي=يمديك تمنع دموع العين
خليفه المزروعي=
انا مع الخط طوالي=واسمع ليا جولنا شاكين
وكل اول العلم له تالي=مافيه وصفه بلا تبين
ماجد ابو مديده=
حدّيتني في عضّا حالي=اللي مكتِّم عليه سنين
كل ماأنطفى جمري الصالي=تحييه ذكرى أعّزْ إثنين

المزاجي=
لجليش ماتشوف كسراتك = وتبادع اللي عليك يرد
والا ماتتنازل ابياتك = لابياتي اللي علو المجد
خليفه المزروعي=
ماوجهت لك ماجاتك=وللي مهو لك كيف أتعد
وإن كان تبغى مجارتك=حط أسمكم ياعريب الجد
المزاجي=
ابشر وآوافيك غايتك = ان كان جاوبتني ياعد
وحنا مانجهل مكاناتك = اعلا من امجادنا وازود
خليفه المزروعي=
قدام ترسل إفادتك=الإسم وألرقم وأيت بد
لاتحطني في متاهاتك=وأرجوك عن ماكتبه تبعد
المزاجي=
مدام هذا اعتذراتك = فالخدمه الان مايوجد
يسهل الله وجهاتك = وعنك مانقتع يابو احمد

مردود مع الشيخ والشاعر القدير عطالله حمادي الغانمي

خليفة المز روعي=
الـلـه لـعـل الـقـلـوب انـظـاف=والعقدة أتسير مـحـلـولــه
والـلي أنكتب في ورق شفاف=فـي وادي أتشيله سـيـولـــه
عطا لله الغانمي=
قـلـوبـنـا مـاتـسـيـر اقـضـاف=نـبـني عـلـى العلـم وأصوله
بـدري على صاحبي وشــاف=أن كـان عــنـدك خبر قوله
خليفة المز روعي=
كـلـمـتـك فـيـهـاعـلـي إخلاف=مـاجـاتـنـي مـنـك مـعـدولــــه
صـبـره وغـلـفـتـهـا بـغـــــلاف=ومـاهـي مـن الـشـيـخ مـامـولـه
عطا لله الغانمي=
بـيـنـي وبـيـنـك حـكـم للقاف=كـلـن يــجــــازا بـمـفـعـولـــه
مـانـي مـعـك فـالطريـقه لاف=مـمـشـي مـع أدروب مقفوله
خليفة المز روعي=
مـادام حـولـتـهـا الأنصاف=الزرع مـصـروم محـصولـه
حـسـب الـقـوانين والأعراف=كـل شـي يمشي على أصوله
عطا لله الغانمي=
,وشبك كلامك عليه حاف=لايـكـون الاخــبــار مـنــقــولـه
بعدنها وصلت الأحـفاف=أسمح وحبل الشقا زوله
خليفة المز روعي=
صـحـبتـك مـاهـي عـلى مهـياف=صـحـبتـك فـالـقـلـب مـحـمـولــه
وبـيـنـاتـنـا مــايجــون أطراف=أهل الـــنـمـــم دوم مـعـزولـــه
عطا لله الغانمي=
طـمـنـتـنـي كـنـت فـي حـريـاف=مـاشـي مـع دروب مـجـهـوله
انـتـه وأنا عـالـي الـمشـراف=ووجــيـه الأشرار مـخـذولـــــه

خليفه المزروعي=
سلام ينصى الصديق اللي=اللي معرفه لا كن اغليه
واللي مضى خله ايولي=انته وانا ما نطالع فيه
جريح الروح=
يامرحبا ياذهب أصلي=ترحيب من خافقي اهديه
اللي مضى راح بالكلي=قاف(ن)خيال الهواء حاديه
واللي بغيته إنا هلي=نمرا وكل العرب تبغيه
عساك تبقى كما ألظلي=شاعر وطيب الوفاء بانيه
خليفه المزروعي=
افز لطيب واهلي=يا مهدي الطيب ياشاريه
ومن صاحب ابطال مازلي=دايم على الطايله تهديه
وليتك على الخاص ترسلي=رقمك وحي(ن)سكنتو فيه
وختامها المسك والفلي=وريحان لصحابنا معطيه

خليفه المزروعي=
ساري وشلي حصل فينا=الحب عود عذاب وأي
دكتورنا ما يداوينا=ما غير رايح عليه وجاي
ساري الساري=
اصبر عسى الحظ يعطينا=ونروي عروق الحشاء بالماي
وبيديه يكشف ويشفينا=مادام طبه علاج اشفاي
خليفه المزروعي=
الحض ماهو مماشينا=الحظ ماشي معانا باي
خلاص ضاعت هقاوينا=لاعاد قهوه ولاشي شاي
ساري الساري=
بألياس تقطع رجاوينا=يصاح وانته سديد الرأي
أجنا الرطب وجمع آلتينا=وحذراك تسمع لصوت الناي
خليفه المزروعي=
باعلمه مايحا كينا=يرفع يمينه يقلي هاي
أرجوك وش هاي تفتينا=عساه ماشي على معناي
ساري الساري=
راع البحر يعرف آلمينا=يبحروياصل جزر هاواي
يشري وياخذويعطينا=لوكان جمله بعكس الغاي
خليفه المزروعي=
من شبتي في مراعينا=لارحت لندن ولا بمباي
مع الغنم والبعارينا=افطر تمر والحليب أعشاي
ابفطرة الرب ماشينا=على النقا ياصقر مبداي
وأليوم صنعة ملا عينا=زادت بلايه على بلواي
وعلى العضا القلب حادينا=وختا مها لخالقي مشكاي