ياعزوتي ياعيال جدي وذخري

السلام عليكم ورحمة الله وبركاته
اطرح بين ايديكم هذه القصيده التي القيتها في اجتماع فخذ المرواين
في 1\11\1429ه

يقول من جزل القوافي بدابها=صوغ الجواهرصاغها واعتنابها
القيل قوة سبكته من دوافعه=ودوافعي بالقول بيضٍ ثيابها
عبارة وفا نثني بها لآهل الوفا=بيضا تجلى بمازما من هضابها
للي سعو ثم استعدو لطيبه=المجد قمه من بغاهارقابها
بالتضحيه والعزم ياصل مرامه=والهينه ادنات شيٍ غدابها
اللي تجي بجهود تبقى علي المدى=من حظ طيب باعها واشترابها
للطيب طرفه تتعب اللي تردد=وتهون للي في عزومه هقابها
شروا رجالٍ للفظيله تحيزمو=رجالٍ عن الهفوات يكرم جنابها
تشاوروبالطيبه ثم قرروا=بجهودهم جمعا الاديب احتفابها
بيوم نعده ثالث اعياد هالسنه=الشكرمنا لشيبها مع شبابها
اجمل نهارٍصار فيه اجتماعنا=علي الفظيله والمعزه هبابها
ياعزوتي ياعيال جدي وذخري=قطع المواصل علتاً يندعابها
ترا المواصل والتواصل معزه=والتفرقه والبعد تاه القدابها
لوتكبر القالات يهون عسرها=قدام جمعاكم تلاشى اصعابها
وش خانة الدنيا بلا مواصل=مزاور الغالين يعمر خرابها
واللي موحد صفهم لاتفرقوا=الجوهره حل الخطا عن صوابها
قوم تبي العليا توصوا علي الوفاء=قومة رجل واحد توحد جوابها
العز يعمر بالمواصل .وعزوه=دايم علي السنه اعداها تهابها
لاخير باللي ما التواصل سلومهم=ناساً مشتت شملها لاهلابها
بالمجتمع شفنا الروابط تفككت=مع انتشار الخير شرًنشابها
نشت اقلوب الناس علي التفرق=علة عصر مايفتح الخير بابها
اسواء مساوي الوقت من فعل فاعل=الصد والهجران من سوء ادابها
الشر ضد الخير سنه مؤكده=علي التلاحم حث منزل إكتابها
الله تكفل ياصل اهل المواصل=بتسعة عشر موضع لقاري قرابها
وثلاث ضد اللي تهاون بوصله=الا الذي ثنتين يحسب احسابها
له الاثر ينساوتكثر موارده=ورجلٍ زرعها لاحصدها لقابها

لكم صادق الود وفائق الاحترام
سالم بن ظفر الحربي

صح لسانك أستاذ وعلا شانك ...

قصيدة ذات معنى راقي ...

وبيني وبينك أول مرة احس اني اقرأ لجريح بسهولة هههههه

دائما مفرداتك تقف حاجز بيني وبين القصيدة ومعناها ...

لا فندر خاصة لكَ استاذي ...

	المشاركة الأصلية كتبت بواسطة لمعة الجليد

	صح لسانك أستاذ وعلا شانك ... قصيدة ذات معنى راقي ... وبيني وبينك أول مرة احس اني اقرأ لجريح بسهولة هههههه دائما مفرداتك تقف حاجز بيني وبين القصيدة ومعناها ... لا فندر خاصة لكَ استاذي ...

صح بدنك وطال عمرك اخت الجميع

وهنيئا لنا ولملتقى حرب بعودتك


والرقي والروعه بمرورك المشرف لاهنتي
واشكرك علي تشجيعك واشادتك تاج ووسام لمشاركتي

اسعدني مرورك

بيض الله وجهك وصح السانك
قصيده من طراز فريد ومعانيه ادبيه
عشت وللعز حشت

	المشاركة الأصلية كتبت بواسطة ابـ حرب ــو

	بيض الله وجهك وصح السانك قصيده من طراز فريد ومعانيه ادبيه عشت وللعز حشت

اخوي ابو حرب

وجهك ابيض وعمرك طويل لاهنت الغالي

اشادتك وسام وتاح لاهنت

اسعدني مرورك

صح لسانك ياسالم والله يعطيك العافيه


مبدع كعادتك

	المشاركة الأصلية كتبت بواسطة حمود الجابري

	صح لسانك ياسالم والله يعطيك العافيه مبدع كعادتك

صح بدنك وطال عمرك

ماعليك زود لاهنت

قصيدة على بحر جميل

دعوة للتلاحم والأخوة

صح لسانك

وسلم بنانك

	المشاركة الأصلية كتبت بواسطة ســـمو الشوق

	قصيدة على بحر جميل دعوة للتلاحم والأخوة صح لسانك وسلم بنانك

صح بدنك وطال عمرك الجميل

مرورك المشرف

لاهنت

بيض الله وجهك ياطيب الفال

كلام مرتب وجميل