لغز(419)في العيدنازل/محلول من نافع الحربي مقيط وارشاه

كل عام وانتم بخير تقبل الله منا ومنكم صالح الاعمال
هذا لغز العيد
ـــــــــــــــــا

انشد عن اللي موته عند طمعه= وسبب وفاته غلطته مع زميله
تخالفوا على الذي تم جمعه= يامن توفى ماهتنى في حصيله
ثم صار للاثنبن قصه وسمعه = قصة قشر لو كان ماهي طويله
وصارت مثل وانته تفضل برمعه = ترى العلم مرفوع فوق الطويله

صح السانك يابو خالد جاري التفكير

مرحبا اخوي ابو خالد الفريدي وكل عام وانت بخير وش تقول طال عمرك

في (( النملة و البعير )) ــ تجمع النملة ومن حظ البعير ــ طبعا اول رمعة

ربما تكون على قولة الربع (( مدحدرة ))

صح السانك............ ولي عوده

الاخ / سعد
==الساري
حياكم الله في كل وقت
سامي الفكــر
الرمعه طارت بالهوى وشكرا

دام الاوله طارت مع الهواء وش رايك في هاروت وماروت ابني ادم

( يا هاروت غرنّك طويلات الأعناق ........ تحرى الفرج متى تقوم القيامه )

سامي الفكر
مالك لوي
ثم للتصحيح هاروت وماروت ليسوا ابناء آدم انهما ملكين
ابنا ادم هما قابيل وهابيل لكن يبدوانك اختلط عليك الله يقوي ذاكرتك
ويزيد صحتك ولهاروت وماروت قصه فيها بنت جميله والقصه طويله

اهلا بك ابو خالد الله لا يهينك عطنا القصة كامله

وعندي رمعتين وش رايك في القصة الي تقول ( ثنين تخاووا وعطاهم امير رساله موجهه لشخص اخر فالاول ذبح الثاني
واخذ ارساله يضن ان فيها شي طيب واخيرا ذهب للامير وبعد قراءة الرسالة وجد فيها امر يفيد بذبح حامل الرساله فذبحه .......

الرمعة الثانية وش رايك في ((( ابو نية ــ و ــ ابو نيتين ))) القصة معروفه

سامي الفكر
حياك الله القصه ساكتبها ان شاء الله في الموروث الشعبي
الاثنين الذين اشرت لهما هما طرفه بن العبد والمتلمّس
المتلمس عرف الرساله وانحاش والشاعر طرفه اكلها مفلفله بالبحرين
ولا لك لوى

طيب اخوي ابو خالد فيه رمعة ثانية ما اشرة إليها طال عمرك اللي هي ( ابو نية وابو نيتين )