سالم العرم .. ياليت مال الحي ميت ويبكيه

وجدي على اللي كل ما ضاق صدري
قالت حشى ما يضيق صدرك وانا فيه

ما اقول تـعلم غـيب لكن تـدري
عن الكلام اللي بصدري مخفيه

من صغر سني لين وش صار كبري
وانا سوات البيت تسس وتبـنـيه

تسرح على شاني وتضوي وتسري
وتسوي اللي غيرها ما يسويه

لمسة ايديها لا قوى السقم تبري
بأمر الله اللي ميت الخلق يحيـيه

ياما اجبرت في ماضي الوقت كسري
وياما بغيت وقالت الدرب لا اتـيه

وان قلت لي ما انته على قد خبري
اقول خذ من زبدة الشعر تاليه

عزالله ان الحال بالحيل مزري
والمعترف ماهو بنايم تصحيه

عاين ثماني عودت بعد عشري
وقربت هقاوي من بعيده هقاويه

ياصاحبي ياقوي قلبي وصبري
على فراق اللي يـبيني وانا ابـيه

ياليت ساعة قبرها كان قبري
من شان مال الحي ميت ويـبكيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

عزالله ان الحال بالحيل مزري
والمعترف ماهو بنايم تصحيه

الله على ها القصيده يعطيك العافيه
حبكت شاعر
شكري وتقديري لك

ياليت ساعة قبرها كان قبـــري
من شان مال الحي ميت ويـبكيه
الله يرحمها ويغفر لها والوالدي والمسلمين
اامين
قصيدة متشبعه في الحزن
والابداع
صح السانك لاهنت
شاعرنا القدير

الله يرحمها ويغفر لها وويغفر لوالدي والمسلمين اجمعين
اامين
قصيدة
وا بداع
صح السانك لاهنت
شاعرنا القدير سالم العرم

صح الله لسانك
ولاهنت
وسلم فكرك وبنانك
دمت برعاية الله وحفظة

اسعدني مروركم الغالي

لا خلا ولا عدم

الله يرحم موتى المسلمين جميع .. وصح لسسانك وبيض الله وجهك يالقرم .. وكل عام وانت بخير

وانت سالم وغانم


صح لسانك على هالرائعه

اشكركم على مروركم الغالي