حنـا عـلـى الدنـيـا ســواة المحيلـيـن

حنا على الدنيا سواة المحيلين =
=وناخذ من الدنيا دروس وعلا مات
وتقفيبنا الايام في العسر واللين=
=يالله دخيلك من عنا بعض الاوقات
ياكم ميت يعتبر ضمن حيين =
=وياكم حي يعتبر ضمن الاموات
وعندي على قولي شهود وبراهين =
=ماهو مجرد قول هيهات هيهات
وامثل الطرسان وسط الميادين=
=قوم لهم في الحرب ذكر وجولات
نسرج خيولن في الملاقا وضارين=
=على المبارز والقنا والبطولات
حنا الدويلة لارجحنا الموازين=
=مثل السيوف الحدب وقت المهمات
الله عطاني للجزاله عناوين =
=سبحانه المعطي ورب السموات
والحمد لله ماتبعت المقفين=
=من صد صد ولا وراه الحسوفات
روس الحباري مثل روس الشياهين=
=لاكن للشيهان في الارض هدات
عريب جد ومن رجال سلاطين=
=وبيني وبين تبقى مسافات
وحنا على الدنيا سواة المحيلين =
=وناخذ من الدنيا دروس وعلامات

الشاعر
طلال عايض الطريسي
صح لسانك وعتلا شانك
والنعم فيه وبربعك الطرسان
وعامة القبائل
تم تنسيق القصيده
تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسـآنك ياأبو عايض
قصيده مميزه وجميـله

والنعم في كل القبائل

فائق التحايا ..

صح لسانك ياصاحبي انا معك فالقصيدة حتى رابع بيت ... وماني معك من البيت الخامس احس انك خرجت عن ابداعك وتميزك فالبداية ماهو عيب تعرج على نسبك وتفتخر فيه ولكن لاتحسس المستمع والقاري انك دخلت في موضوع ثاني
والشي الثاني الواو في بدايت بعض الابيات ماله لزوم والبيت بدونه احلا .. يمكن انك اكبر مني وافضل مير انا حبيت اوضح وجة نظر ..يمكن اصيب فيها ويمكن اخطي.. هذا راي وانا اخوك اتمنى منك تقبلة ... والاختلاف فالراي لايفسد للود قضية ... تحياتي لك

مشكور اخوي جميل على المعلومة ورايك احترمه سواء كان صح ام غلط

صح لسانك وسلم بنانك



قصيدة رائعه بروعة حضورك



لك تقديري

الشاعر الراائع / طلال الطريسي
صح لسانك وعلا شااانك
بيض الله وجهك على هذه القصيده الجزله الراائعه

ومليووون نعم فيك وبربعك الطرساان تستاهلووون المدح كله