رد المزبان على قصيدة (علَّيْت في ديـرة بني يوب منـزال)

القصيدة

الضلع ياالمزبان عـن فيتـه مـال=وساقت سحابه من ذرى الضلع غادي
ويوم استعزت واركز الغيث همـال=والـدار شربت ديـم وبـل الردادي
علَّيْت في ديـرة بني يوب منـزال=منـزال مـا بين الدحــو والزيادي
اللابـة اللي للمغـاويـر مدهـال=حمـر العيـون ومرهفين الحـدادي
اللي لهـم مع ربعتي عَـد وعقـال=وقت النقـا يـوم النقـا والشـدادي
يالعين شوحـي واتركي دل الانذال=شوحي على مـد النظـر في المهادي
إن كان دار الوقت للعدل معـدال=معـدالهـا في يديـن بيـض الآيادي
غير أتهيـض وآتمثـل بالامثـال=وأقــول للـي يسفهـون المنـادي
اللي وضعهـم بالوطى زايد المال=ويثـورون الملــح دون الزنــادي
أهل الحميـة ما يعدون الافعـال=وأهل الفعـايل فـوق وسـق الشدادي
هذي علومي للفهد جـات بالفـال=وعقـالهـا يا ذيب ضـد المعــادي

*****
رد المزبان على القصيدة

كريم يابرق (ن) علـى الضلع مـازال=بـرق الحيـا ماهـو عـن الضلع غـادي
خـيّـلــت بــراقــه وعــــدوه عــقـــال=قـالــوا تـهـنـت دار يـــوب الـعـنـادي
ومبروك يامنـزل علـى العـز لا طـال=منـزل شـرف والسـاس فيـه الركـادي
بيـت الـذرا مبنـي عـلـى دق وجــلال=دونـــه مـــوردت الـقـنـا والـجـهـادي
والخيـر ضافـي والحـيـا تــو مـاشـال=مــن الطويـلـه لـيـن كـوثــر وكـــادي
ذي ديرتي يوم افتخر وارخص الحال=والـمـال مــن دون الـمـلازيـم فـــادي
وان جـات فاقـه ياعضيـدي بالاهـوال= فـالـلازم الغـصـاب مــا عـنـه حــادي
لا جـا نهار(ن)فيـه صيحـه و ولــوال=تسمـع عــزاوي مــن يـقـول الـبـلادي
والوقت لو يصفـق مـن الجـال للجـال=سـلـومـنـا تـبـقــى لــيـــوم الـتــنــادي
ومــن غـرتـه دنـيـاه لا شــك محـتـال=لــو كــان بـامـوالـه يـسـمـى ريـــادي
هــذا كــلام الـصـدق والـحـق يـنـقـال=علـم الصحيـح الـلـي علـيـه استـنـادي

الله يبيض اوجيهكم اشهد بالله انكم شعار

	الله يـعـطـيـك الـعـافيـــــــــــة على القصيده وصحت السنتكم يالاثنين بيض الله وجيهكم

صح لسانك وعلاشانك



قصيده رائعه من شاعر مبدع



لك تقديري

صح لسان وعلي شانك وبيض الله وجهك

صح لسانك يالغالي وصح لسان المزبان

اخذ ورد رائعين كروعة حضورك الغالي

الله يبيض وجهك

يعطيك ألف عافية...

وصح لسانك...

قصيدة جميلة وتصميم رائع...

بالتوفيق...

صح لسانك وعلا شانك

الله يبيض اوجيهكم اشهد بالله انكم شعار

ويعطيكم الف عافيه

دمتم بخير

صح لسانك وصح لسان المزبان
وبيض الله وجهك