( رسالة مريض من داخل المستشفى)

بسم الله الرحمن الرحيم
وصلاة والسلام
على اشرف الأنبياء
والمرسلين
وبعد
الأخوه
ألاعزاء
في منتدى العز
ملتقى حرب
هذه الساله
وصلتني
من الأخ العزيز
الشاعر/ نايف بن غانم الحبلاني (شاعر الحدث)
وهي قصيده من اربع ابيات
كتبها عندما أدخل المستشفى
على إثر التهابات في المراره
وقد تأجلت العمليه
إلى بعد العيد
نسأل الله له اشفاء العاجل

البارحه مع حبيبي ساهر الليل = في خير وامان ياخالد وراحه
واليوم روح نهاري بالتحاليل = وامسيت في قسم دكتور الجراحه
اطلب عساها يابن عمي تساهيل = وارجع لمجلس مافيه الا المساحه
ارتاح واقوم اجر من المواويل = والا السياحه ماني ويا سياحه

الشاعر/ نايف بن غانم الحبلاني (شاعر الحدث)
واليكم ردي على القصيده

خطٍ قريته موضح يالتفاصيل = من شاعر ٍ وزنته فيها فصاحه
شاعر فكاهي وفي شعره تهاويل = مخبور عند العرب زايد مزاحه
فزيت فزة وفا ماهي بقاويل = وانا مطوع ضميري لصراحه
رحبت به والهدب يقطر هماليل = هليتها من بعد جانا نياحه
واقول يامنزل الانفال والفيل = اشفي مريض ٍ تمدد في مراحه
يامرحبا ياهلا راع التكاميل = ياواحدٍ فالعرب يذكر صلاحه
اعداد ماهلته ثقل المخاييل = في ديرة ٍ جوها فيه انشراحه
من بعدها جايلك للوضع تحليل = دنياك هذي بها سلم الوقاحه
باب السلا تقفله باربع قوافيل = لو سرتك ضرتك عند ومناحه
حتى الصغير الذي وسط الكوافيل = زهقان منها يلجلج في صياحه
واصبر على جورها واصبر على الميل = والهم بعد الصبر يطلق صراحه

الشاعر/ خالد بن عبيد بن معتوق الأحمدي

شكرا علا النقل وابيا ت جزله

اسال الله العلي القدير ان يمنى عليه

بالصحة والعافية عاجل غير اجل

الشاعران القديران

صح الله السنتكم وعلا شانكم

::

أسأل الله العلي القدير أن يشفيه


و صح ألسنتكم جميعاً

اسال الله العلي القدير ان يمنى عليه

بالصحة والعافية عاجل غير اجل

اسال الله العلي القدير ان يمنى عليه

بالصحة والعافية عاجل غير اجل

صح السانك وصح السانه
واسأل الله ان يشفيه ويشفي جميع مرضى المسلمين

مشكوووووووووور
اخوي/ ابو مشاري سعدت بمرورك

صح لسانك ياصقر المراقيب

صح لسانك ولسانه


والله يقومه بســـــــــــــلامه تحيااااااااااااتي


اخوك بركــــــــــــان