قصيدة مسندة على الشيخ بندر الفرم

السلام عليكم ورحمة الله وبركاته

قصيدة لشاعر / عبدالله عيد الحنيني
يسندها على الشيخ / بندر بن عبدالمحسن الفرم
عندما تلفض احد المتطفلين على القبيله وستنكر الشيخ بندر ما قد تلفضوا به
واعلن ذلك في سبق .


حبر القلم فوق الورق زان ممشـــاه*******نـبـى نهيــن الي تعـــدى السلـــومي
يـالفرم هرج السايب الي نقضنــــاه*******مــا همنـــا لكْن ردعــه لــــــــزومي
يقول بان الضعف والضعف بحشاه*******وضعف النفوس الي تلوم وتشـــومي
كان الردى له حاجةٍ في مطايـــــاه*******راع الردى في طيحته مـــا يقــــومي
وكانه يقول الزرع حنــا زرعنــــاه*******زرعـــت زرعٍ من ثمرة معــــدومي
لبد يومك مـــــا يجي بس تحـــــراه*******ترجع على الماضي تعض البهـومي
والي تعــرض شبلنــــا ما رحمنـــاه*******الي لخــــلاق الخــلايق يصــــومي
يقـــول لشيعـــه مقـــرة ومسمـــــــاه*******ما طاع من يعلم بغيـــب الغيــومي
كانك صدوق الصدق ما به معـــاداه*******وضْح لكل الخلـــق باق العلــــومي
هت الشهود وهات شيخك ومقضــاه*******لكْن اشوفـــك غـــاديٍ بالحلــــومي
حذفــت قولٍ تحسب الكــذب منجــاه*******خسيت يالي مـــا عرفت اليمـــومي
يــا بندر ابن الفــرم قولك قرينــــــاه*******عاداتكــــــم بالطيبــــة يالفــــرومي
وقفت ميقـــــــافٍ شمــــوخٍ بمبنــــاه*******دون القبيلــــه عن كــلام الرخومي
شيخٍ ولـد شيــخٍ فعولــــه مضـــــراه*******معقبلــــه مـــن سلايــل اقــــرومي
لقلت بندر يـــا عسى الموت ينســــاه*******ذرى الذي حافت عليـه السمــومي
ابــــــوه كســـاب الجمايــل بيمنـــــاه*******بــالدس ذلل حامليــــن السهــــومي
ومن سبْنا خده لــــــزوم انتوطـــــــاه*******قــولٍ على كل الخلايق عمــــومي
دون القبيلــــه مـــنتراوى مــــــراواه*******لبــان في وجه الردي الوســــومي
ربعي قبيلة حرب والعـــــز ترقــــــاه*******رجــالهم في كل غبــــه يعـــــــومي
والي يبى يصافــح بيمنـــــاه جينـــــاه*******وكــان الغلط منا نحـــب الخشومي
وكانه تردى ما حسبنــــــــا ملاقـــــاه*******يردع بعــد ما كان رجل محشومي
وترى المواقف دونها رجال تحمــــاه*******تكسي علــى الي لتعـــرى هدومـي
من يحسب ان الناس تغفل عن اخطاه*******غلطان يالــي ما هويت النجـــومي
الذيب يفهـــم حاجــــةٍ في خفايـــــــاه*******الي قنيبه فـــوق ذيــك الرجــــومي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك الله يعافيك

صح الله لسانك
ولاهنت
وسلم فكرك وبنانك
دمت برعاية الله وحفظة

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير