مصافحه اولى

السلام عليكم ورحمة الله وبركاته
وهذي مصافحه اولى لهذا الصرح الشامخ
وهي عباره عن قصيده لي واتمنى ان تنال اعجابكم
واقول فيها

في هالزمن ياكثر ماقيل رجال = بالقول ولا بالفعل ماتشوفه
والفعل كايد بس منهو بيشتال=ياكود رجلٍ كالجبل في وقوفه
ماهو بخبلٍ بالسواليف يختال =لاشفت فعله فالصعايب تعوفه
لو المراجل بالخثاريق تنطال = كان النساء فيها رجال امعروفه
والمرجله ماهي بتجميع الاموال = وياكم تاجر مايحشم ضيوفه
هذي حقايق شاعرٍ شاف الاهوال = في دنيته وياكم صعبٍ يطوفه
واخر كلامي بيت مضرب ل الامثال = ودي بكل الناس تاقف تشوفه
المرجله بالدين ماهي بالاقوال = والدين وضح كل شي بوصوفه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك مليونين على هالمرور ووجهك ابيض

ولاهنت على المرور الرائع تقبل تحياتي

اخوك فهد بن حمود البيضاني

صح لسانك

وافيه يا وااااافي

لاهنت ولا فض فوك


لك التحية

صح الله السانك


قصيدة عانقة السماء بجزالتها وأبداعها

تحياتي لك

هلا بك بعيد الهقاوي يالوافي لاهنت على المرور وصح بدنك

تقبل تحياتي اخوك

فهد بن حمود البيضاني

هلا بك قناص البرامج

وصح بدنك ولاهنت على المرور الرائع

تقبل تحياتي

اخوك فهد بن حمود البيضاني

اخوي الغالي
والشاعر المبدع
فهد حمود البيضاني
صح لسانك صح لسانك
قصيده جزله
تحمل كل معاني الابداع والجمال
بيض الله وجهك
وعسى عمرك طويل يابن العم
ونتمنى ان تتحفنا بقصائدك
وابداعاتك الشعريه القيمه

	المشاركة الأصلية كتبت بواسطة القيصر

	اخوي الغالي والشاعر المبدع فهد حمود البيضاني صح لسانك صح لسانك قصيده جزله تحمل كل معاني الابداع والجمال بيض الله وجهك وعسى عمرك طويل يابن العم ونتمنى ان تتحفنا بقصائدك وابداعاتك الشعريه القيمه

صح بدنك صح بدنك يابناخي ووجهك ابيض ولاخلا ولاعدم

لاهنت على المرور الرائع

تقبل تحياتي

اخوك فهد بن حمود البيضاني

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك