حنا قبايل حرب يالمطران حمران النواظر

زماله بين قبايل حرب ومطير

سلام ردة للرحيم وللحبيب وللمناظر=و ليا دعيتونا نجي وقت الطلب ونقول حاضر
حنا قبايل حرب يالمطران حمران النواظر=وا لمعرفة مثل الوداعة ما يضيعها الوديع
=
والثانية شفنا المباني زودت في مملكتنا =شفنا الحدايق والقصور العامره ثم اعجبتنا
وأن جيت زاير وانها مذخور ابونا ما عضتنا =واللي تصدق على مسلم بصدقة عند ربي له صنيع
=
والثالثه بيض الليالي علمتك وعلمتنا=أرفع عمود البيت من يمك ويرفع من جهتنا
والكلمة اللي جات منك العام مرة زعلتنا=لأكن انا عندي يقين وعلم ماجاتك من البرج الوسيع
=
والرابعة وش هو ولد في بطن بنت في محله=من خلقت الخلاق ما بين الجبال المستطله
مايشرب من الماء ولا يأكل طعام ودربه البين يدله=وان ماتت البنت الحشيمة مات في وقت الشتاء والا الربيع
...........=
رد المطران =
يامرحبا مثل الخيال اللي يقود من المناضر=حنا ترانا نقدر اللي تفعله لن كنت قادر
انتم قبايل حرب والمطران عربين المصادر=ما عند خلق الله حصل واليوم حلم الله وسيع
=
والثانية هاذي مكاسبنا وهاذي منزلتنا=لو الليالي السود مهما كان عنها ما حدتنا
وان جيتنا زاير تجيينا ضيف تحت مكرمتنا=ما تقبل الصدقه ليا مدت من القلب اللكيع
=
والثالثه بيض الليالي ماجهلتك ولا جهلتنا =والبيت بيت العز وانته عارفة يامعرفتنا
حنا ليا منا بغانا كل حاجه ماكلفتنا=حنا ترانا ما نسينا اللي دفنت وسط البقيع
=
والرابعة هذا الولد ياصاحبي ماقلت حله =هذا صبي العين والله يسلمه من كل عله
سبحان رب كون الانسان ومركب تراكيب الجبله=ونكمل القانون للأصحاب بالسلم الرفيع

الاخ القديرماهرالعصلاني

تسلم مليون ياالذيب وبيض الله وجهك على نقل هذي الزوماله الرائعه بروعة حضورك الغالي

تقبل تحياتي وتقديري

بيض الله وجهك
ومشكور

الله الله الله

صحت ألسنت الجميع وبيض الله وجيههم

لكم خالص التقدير

صحت السنتكم
والله يـعـطـيـكم الـعـافيـــــــــــة
بيض الله وجيهكم