بين الوصل ...(ردود الشعار )

ماهر ابو خالد =
سلام مكسي ذهب وألماس = سـلام ماينحنـي راســه
الحازمي صـدره بقيـاس = مصحوب معها ألم حاسـه
بين الوصل والفراق أجراس = هـذاك يـوزن وذا قاسـه
كيف أجمع الكل بين الناس = في جو صافي لنا أنفاسـه
رد الشاعرابن الشربتلي (منتدى ينبع النخل)=
ترحيب ياصلك يانبراس = ياطيب الأصل من ساسه
شكواك عديتها بأحساس = ومن قلب ترجم بأحساسه
من يكره الوصل ذا لواس = معه الشياطين وسواسـه
دور على المعدن الألماس = تسعد في وصله ومجلاسه
رد الشاعر عبدالله باخت الحمدي(منتدى ينبع النخل)=
ترحيـب والطيبـه نومـاس = ويعلـى الطيـب نومـاسـه
ان كان تبغى مراق الكـاس = وجو المصافا صفـا ناسـه
قص الاثر واتبـع للسـاس = واقضى على الأمر من ساسه
والعدل فالموقـف الحسـاس = والكل ادراء على احساسـه
رد الشاعر قابل البشري =
ترحيب ياصافي الهوجاس = ياللي شغلنـا بهوجاسـه
غنى على الحبر والكراس = واطرب بمعنـاه جلاسـه
لاتجمع الكهربا والمـاس = من خوف لايلتمس ماسه
وانت محنك صليب الراس = ماينقصك فـن وسياسـه
رد سفير الوفاء الشاعر عايض اللقماني=
ترحيب بالشاعر الحسـاس = من عامل الناس باحساسه
لاشك ان العـرب اجنـاس = والطيب مايروح من ناسـه
واقول ياصفـوة الجـلاس = كل على حسـب مقياسـه
قالوا لنا في وكالـة واس = ان الصفا هـب نسناسـه
رد الشاعر وهج المشاعر =
بعد التحية شديد البـاس = يامن شكى باس من باسه
جمع البرية لرب النـاس = وابليس حاقد على ناسه
الله جعل للبشر نومـاس = والحازمي يحتذي ساسـه
واللي نوى يجتمع بالساس = يقدم على الناس بلباسـه
رد الشاعر عبدالعزيز الزويهري =
خابرك فالموقف الحساس = ماهر ولك عرف ودراسة
واسمك مع أهل البحر غطاس=تستخرج الدر بسياسة
استأصل الغل ولا تحتاس =مهما علا القلب وسواسه
والناس ماهم سوا اجناس=وللكل شفرة على احساسه

بدع ومراديد على اعلى مستوى

دمتم ودام هذا الابداع

يالمــــــــاهـــــر

	المشاركة الأصلية كتبت بواسطة حرب

	بدع ومراديد على اعلى مستوى دمتم ودام هذا الابداع يالمــــــــاهـــــر

من ذوقك الطيب يابوعمر تسلم على المرور دمت بخير وصحة

بدع ومراديد على اعلى مستوى

دمتم ودام هذا الابداع

تحياتي

	المشاركة الأصلية كتبت بواسطة سرورالبشري

	بدع ومراديد على اعلى مستوى دمتم ودام هذا الابداع تحياتي

من ذوقك الطيب يابونايف تسلم على المرور دمت بخير وصحة

بدع ومراديد على اعلى مستوى

دمتم ودام هذا الابداع

يالمــــــــاهـــــر

	المشاركة الأصلية كتبت بواسطة حفيد الحجيري

	بدع ومراديد على اعلى مستوى دمتم ودام هذا الابداع يالمــــــــاهـــــر

من ذوقك الطيب يابوعلي تسلم على المرور دمت بخير وصحة

ياسلام عليك ياماهر وياسلام على المراديد الرائعة والمتفاوتة

صح الله ألسنتكم جميعاً وأدام عزكم وبيانكم

سعدت بمروري وتصفحي

تقبلوا ودي واحترامي

	المشاركة الأصلية كتبت بواسطة سالم البشري

	ياسلام عليك ياماهر وياسلام على المراديد الرائعة والمتفاوتة صح الله ألسنتكم جميعاً وأدام عزكم وبيانكم سعدت بمروري وتصفحي تقبلوا ودي واحترامي

صح بدنك يالعمده ودام عزك وبيانك شرفني مرورك دمت بخير وصحة

صحت السنتكم وبيض الله وجيهكم