ردي على قصيدة الشاعر نواف الجهني

هذه مساجلة بيني وبين الشاعر نواف الجهني .. ابو نوف ..

وسند علي قصيدة ارسلها مع اخوي ماجد الجهني .. وسبق ان نزلها هنا ..


وقصيدته يمدح بها قبيلة حرب .. وهذه قصيدة نواف الجهني:

((بـيـض الـغـيـوم))

سلام من شاعر يخط الشعر في بيض الغيوم=تحية من نورهـا تشبـه بروقـه بالسمـاء
تحية تضفي من أسفل أرض إلى عال النجوم=تلبست ثوب الذهب من شان يكساها الغـلاء
كله فخر لمن لفى من دار قـوم لـدار قـوم=من ديرة جهينة لدار حروب جابته الخطـاء
دار الأسود اللي بها الأبطال ورجـال قـروم=يحمل لهم باقة ورود وعطرها يعزف شـذاء
بعد التحية جيت أبعطي علم وأباخـذ علـوم=دام الله اللي راد يجمعني بكم ياأهل الوفـاء
حنا ليامن اشتكى الظامي لهايب من سمـوم=صرنا له الغيم الظليل وصار له عـز وذراء
يشهد لنا التاريخ في وقفاتنا عنـد اللـزوم=وسيوفنا تاصل إلى متن المعـادي لأعتـداء
بكفوفنا يا أخوك صدينا الغذايف والسهـوم=وبصدورنا شلنا همومٍ ما تحملهـا الفضـاء
وأنتم لكم تاريخ ما ينكـره ياكـود الكتـوم=يا نصرة المظلوم لمنه مـن الشـدة بكـاء
عدوكم في المعركة ما يستقر غير مهـزوم=ونصيركم ما يذكر إنه من معاديـه اشتكـاء
ذاوإختصار القول يغني عن تفاصيل العمـوم=وأرفع يديني بالعذر إن كان جاء مني خطاء

الشاعر:نواف الجهني

وهذه قصيدتي ردا على قصيدة الشاعر نواف الجهني...

((بيض العلوم))

جاني سلام الشاعر اللي تسبقه بيض العلوم=من واحدٍ ماله سوى التقدير عندي والوفاء
ابعث تحياتي معه وازيدها بالطيب كوم=يم الرجال اللي فعايلهم لهم درع وحماء
من شاعرٍ مثل قبيلة حرب في وقت اللزوم=يزف لجهينة سلام شيوخها والامراء
لأهل الكرم والجود والتاريخ يشهد للقروم=يشيل في قلبه لهم تقدير واخلاص وولاء
وصل تحياتي يا (ابولانا) ووصلها العموم=يوم اجتمعت بمثل شرواكم وخير الأصدقاء
حنا لنا وقفات ماتنسى وهيبتنا تدوم=في نصرة المظلوم بالحق وإكعام العداء
حرب الحرايب لا احتمى الموقف وعدوان الخصوم=سمٍ على العايل وبالأرواح للصاحب فداء
تاريخنا يشهد له الماضي بتحطيم الرقوم=على البياض وواضحٍ وضح النقاء
وأنتم لكم ساسٍ عريق وروس قوم= هيبة أسود الغاب في يوم الوغاء
ماينكر العاقل فعايلكم وتحجبها الغيوم=على المراجل عزكم دايم وللعليا رقاء
بين القبايل صيتكم ذايع ووصل للنجوم=والسمعة اللي يوم تذكر مالقت غير الثناء
هذا وعن طول الكلام وقصره الأمر محسوم=وفيت يا نواف في قولك وجنبك الخطاء

الشاعر/ سعود الغيداني

وسلامتكم ..

صح لسانك يالذيب

.. ولاهنت على الرد الوافي

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

	المشاركة الأصلية كتبت بواسطة راعي الحناكيه

	صح لسانك يالذيب .. ولاهنت على الرد الوافي نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه

صح بدنك ..

شكرا على المرور ..

الله يعطيك العافية..

صح لسانك ياسعود..
قصيدة رائعه و رد أروع..
والله يبيض وجهك

سعود الغيداني

سلمت والله على الرد الوافي


صح لسانك وبيض الله وجهك


شاعر جزل ومتمكن


دمت بخير

	المشاركة الأصلية كتبت بواسطة أحمد بن ناحل

	سعود الغيداني سلمت والله على الرد الوافي صح لسانك وبيض الله وجهك شاعر جزل ومتمكن دمت بخير

الشاعر احمد بن ناحل ..

صح بدنك شرفتني بالمرور ..

لاهنت ..

,
,
,
صح لسانك وسلم بنانك وسلمت على الرد الوافي


بيض الله وجهك يالذيب

اتمنى لك التوفيق

اخيك ابوروان

	المشاركة الأصلية كتبت بواسطة ابوروان النويمي

	, , , صح لسانك وسلم بنانك وسلمت على الرد الوافي بيض الله وجهك يالذيب اتمنى لك التوفيق اخيك ابوروان

بوروان شرفني مرورك وصح بدنك ولاهنت

صح لسان الشاعر نواف الجهني وصح لسانك ..

ونعم فيه وفيك وفي ربعه وفي ربعك ..

الله يعطيكم العافية.

	المشاركة الأصلية كتبت بواسطة سلطان الغيداني

	صح لسان الشاعر نواف الجهني وصح لسانك .. ونعم فيه وفيك وفي ربعه وفي ربعك .. الله يعطيكم العافية.

صح بدنك ومرورك شرف لاهنت