مقتطفات الشاعر العلم علي الحصني

علي الحصني

ياسلام الله سلامن مثـل ميـزان العدالـه=يرضي اللي بالجنوب ويرضي الى بالشمالي
الزغيبي حجج امه وازعل اربع من خواله=الخوال اخوان الام وجوهم ماهـو بخالـي

العملاق

مرحبا ترحيبتٍ مضمونهـا هـاك الفوالـه=والحيا نوحي رعوده في مقاديـم الخيالـي
علي ماوده تصير الفايهـه فوقـه الحالـه=مادرا(ن) الناس تدري وش مراوغت الثعالي

علي الحصني

الرفيق اللي تجاهلني جهل مدري نذالـه=لايلحقني ملامه كـان شديـت الرحالـي
يعترف ليه ليامن ارشا ركـب المحالـه=كيف ينكرني ليا سولف على حمر الزوالي

العملاق

لاتنشدني هذاك الشيخ وشبك ماتسالـه=اوتبيني واصطه فبشر وعدك من عيالي
لاتحرش ونت قصرك يحتري هدم الازاله=والازله وضعها مربوط بيدين المعالـي

علي الحصني

ذاك شيخن لوتهب الريح ماعـدل اعقالـه=يا الزغيي كلبونا خابريـن ابـن الحلالـي
والله انا اهل الجمل وهل القلم وهل الرساله=وقر بتاريخ عن عليـا وبوزيـد الهلالـي

العملاق

ياجماعه فيه ببن عبيد تال الوقت حاله=كان ماهي فيه عدوهى عليه من خبالي
وش دمربغداد ياولد العرب غير احتلاله=وستلام الختم وتنفيذ لهـل الانتقالـي

علي الحصني

كان مايعجبك هاذ العلم جبنالك بدالـه=السوالف واجده لكن جيتك بالموالـي
كل شين غير وجه الله مضمونن زواله=والمهم يبين فرق الاولات من التوالي

العملاق

الرتفع خشم البعير اللي ماناسيمه طواله=حدني وقتي عليه وفاقدلـي شـي غالـي
لاتحسبن السوالف تلقي بطـرف بقالـه=طارفه بطرف محل الرسلك ثم اتجيبها الي

علي الحصني

يا الزغيبي والله انا مانبي غير الجما له=ونت تهرج لك كلامن لاحرام ولاحلالي
السولف هينه والحرب تعرف له رجاله=والمعارك مابها غير المخادع والقتالـي

العملاق

الحريري مشتهر يكود من عقب غتيالـه=لاكن ارفق ونتضرني لاتصيح ولاتلالـي
انت رجال(ن) شجيع وفيك لاضقت الرفاله=تنظوي بحد ازوايا لاجـواب ولاسؤالـي

علي الحصني

الحريري فالكم ياربعنـى ماهـو بفالـه=الله اكبر محسن الامثال مع بعض الرجالي
يا الزغيبي لاتغرف البحر الاحمر بلبيالـه=ما يضيق بالي الازلتن من رجـل غالـي

العملاق

ادريٍ بعض العواجه لرجل ماهي رجالـه=وحمدالله وشكره ياعلي بخشيـم الريالـي
والله اني ماتحمل هرجـتٍ فيهـا ألاطالـه=ون زعلت اصعدبها يم سما ء مثل الكحالي

علي الحصني

المشاكل عندنا كثرت وسبتها البطالـه=والبياض مع السواد يزيد للعين الجمالي
ها كذا فعل الرجال اللي يحبون الشكاله=ونت قد اللي تقوله ونتبه يابو طلالـي

غازي الزغيبي

الدري انك بك مسد ليادبحو بم الشماله=باقي اللي فيك هرجت راس لاتسف المدالي
والله اني متهمتـك بلخساسـه ونغالـه=لين شفتك تدفن المرسـام ودم الكلالـي

علي الحصني

في خير وفيك خير وكل واحد دون حاله=ونت علمك للجميع ولاتعلمني لحالـي
الزغيبي طاريله شي مدري وش طراله=وزبدة الحكمه تراء ماكل مايسمع يقالي

غازي الزغيبي

السطواناتٍ قديمه مابقا الا بن فضالـه=لاتكررها على الركاب مع سوق العوالي
ماتشوفن الكلام اللي يجي من فمك ماله=يبوفارس لوسمحت ابغا تجاوبني سؤالي

الصييفي

وين شاعرنا علي الحصني؟ تعـال=ودّي آخذ معك جولـة يـا خبيـر
أنت اعرفك شاعر(ن) تسوى العيال=بس ما به سيف يقطـع بالجفيـر

علي الحصني

ياهلا يامرحبا عنـدي سـوال=وكان ماجوبتني عن استخيـر
ونت تسولك عرب يابن الحلال=لوتجي وتروح بلسم الشهيـر

الصييفي

البقا، و اقلط على صفر الـدلال=و اشرب الفنجال عندي، يا مدير
ما عليك قصور يا راع العقـال=و الاسم: "دايم" "أبو حظٍّ كبيـر

علي الحصني

انت وينك يامنـادي الرجـال=لاتنادي ونت علمـك بضميـر
لومعك حضن كبر روس الجبال=كان متسحب على دربك حضير

الصييفي

أبك أنا حاضر و ماشـي بالعـدال=ورافع(ن) الراس و ازبد بالهديـر
و حظِّي منسِّب خضر، في ذا المجال=و جرتي بالدرب يعرفهـا الضريـر

علي الحصني

افتح الباب الوسيـع بكـل حـال=وخالط من التمر الاصلي والمضير
حضك من سب خضر لاكن محال=وجرتن تعرف ماهي جرة بعيـر

الصييفي

وين حيّ اللّه و سلوم المجـال=قبل تقليط الصّماط المستديـر؟
كان بالخاطر زعل، خلّ السّجال=يظهر الخافي على سلك الحرير

عـلــي هـلـيـل الـحـربــي

ياسلامي وأخص المشرف المحبـوب=من ضميرٍعلـوم الطيـب يشريهـا
ياعلي خل بالك كـل ابونـا حـروب=والحقيـقـه نبيَنـهـا ونخفيـهـا

عـــلـــي الـحـصــنــي

مرحبا والتواضـع والادب مطلـوب=ونتـه الطيبـه تاصـل حراويـهـا
الطواري تجي وتروح نوب ونـوب=ولا يغـر الـرجـال الا طواريـهـا

عـلــي هـلـيـل الـحـربــي

ان ربح وان خسر والحرف بالمقلوب=كان مـا صبتهـا مانتـه بمخطيهـا
كنت اراعي نجومٍ في سماي تجـوب=وكانها غيَبـت وش لـون اراعيهـا

عـــلـــي الـحـصــنــي

ليلـة العيـد كلـن يشتريلـه ثـوب=لـو تمـر الصـلاه اولايصليـهـا
ياعلي نارنامن هـا الحديـد يـذوب=مـن يدينـه صخيفـه لايصاليـهـا

عـلــي هـلـيـل الـحـربــي

نص كوب القراح يعوض نص الكوب=والهـداوي تبيَـض وجـه مهديهـا
الاجـل والمقدَروالعمـل مكـتـوب=والاوادم ليا اخطت ما نـت هاديهـا

عـــلـــي الـحـصــنــي

القـراح المصفـا قبلنـا مشـروب= ياوجودي علـى الجمـه وطاويهـا
ياحليل الكـلام الصايـب المحسـوب=يقنـع النفـس والعقـال يرضيهـا

عـلــي هـلـيـل الـحـربــي

رايحٍ لك بصوب وصاحبك في صوب=وبنت ابو زيد ماهانت علـى ابيهـا
الكبر والتغطرس بالعـرب عـذروب=ليت حد الحـدب يلحـس علابيهـا

عـــلـــي الـحـصــنــي

الجمل لوسنامـه يلمـس العرقـوب=حملته ويـن ابـو مشعـل يوديهـا
الحكومه حكومه والشعوب اشعـوب=وكلمة الشيخ تسمع ويش يـا ليهـا

ابوفـــرح

سلام الله يابوفارس انا تلميذكـم يااستـاد=اقدملك شهاداتي خذ الموجز مـع النشـره
انا سهلي ولد عوفي ولد حربي عريب اجداد=ولي باعن مع الشعار اذا تسئل عن الخبره

علي الحصني

هلا يامرحبا يابوفرح يـا الطرقـي النشـاد=تدورلك وضيفه والواضايف بلميـه عشـره
ونعم بعوف اهل قول وفعل وهل سيوف حداد=خوالي وفتخر فيهم من الوادي الى البصـره

ابوفـــرح

علوم الخير تلقاها على وضـح النقـا تنقـاد=اعرف الطير من حومه واعرف التيس والجفره
يهج الصيد ياصاحب اذا ماانتـه قـوي زنـاد=تعصر المر والحنظل وتشربها مـع الصبـره

علي الحصني

علوم الخير نعرفها ونعرف هرجة القصاد=لكن ابو فرح لايحسبنـه يلعـب الكسـره
اقو انك خليفة شاعر الشعار ابـن عـواد=من العارف خذ الخبره من الدنيا خذ العبره

ابوفـــرح

توخرهـا تقدمهـا ليالينـا بهـا رواد=اخذناها من الهندول لين نخش فالحفره
ترا عبله يذريها اسم عنتر ابن شـداد=ولو كثرت مصايبها ابد ماهانت العشره

علي الحصني

علومك ياصحيبي عندنا عنبر ومسك وكاد=تبي تاخذ نصاب السيف ولا تاخذ الشفره
تقوله والمحنك يعرف الهجري من الميلاد=من ماهو محنك يحسب اليومه مثل بكـره

ابوفـــرح

على شبه على هبه على دله علـى بـراد=نكيل الهيل للعارف نعصر السمن للتمـره
نصاب السيف يالحصني خوالك ياتمر بغداد=بناخينا بناخينا نسى قسمـه حفـر قبـره

حمدي العوفي

سلامي سلام الله وانا اليوم اباقـول=علـي لازم انـا ياجماعـه نشوفـه
انشد عنه ويقـا لـي دوم مشغـول=واقول ازهموه ان كان تسمح ضروفه

علي الحصني

هلا مرحبا ونثبت القـول بفعـول=عسى خطوتي مع كل درب مخلوفه
لياكنت فاضي علي رجال ماسـول=ومن قام بلماجوب شفة معروفـه

حمدي العوفي

يدوم البقا وأنته ترى مانت مجهول=ومنصبك مأضنه يجيـب الكلوفـه
طلبناك مدد يأبن عمي ليا الحـول=وبعده يجيك الشيـخ والا ضيوفـه

علي الحصني

يجيك الكلام اللي ببالي على طـول=كلامن ثميـن العارفـه مايطوفـه
ياكثر الشيوخ بدارنا اتصول وتجول=وبعض السوالف ماعليها حسوفـه

حمدي العوفي

نعرف الكلام الزين للناس مقبـول=وكلن يعرف الجدي وايضا وصوفه
ولكن ترى لأسئله عـدة حلـول=وبعض العرب يمنعه فالوقت خوفه

علي الحصني

عسى لاعب الكوره يسجل مية قـول=مابين الفريق اللي تصفـق كفوفـه
تراء الخوف يابن عوف ماسلم الجول=توكل علـى الله والذلـول معسوفـه

حمدي العوفي

أبيك تخير من له السحر معمول=ولايفارق الموطن ودايم يحوفـه
وانا يالبناخي كانها عودت حول=لي فعول بين الخلق دوم معروفه

علي الحصني

ياليتك تمشى بين الابتر وشملـول=جبل عوف تال الوقت ضايق بعوفه
يطول الشجر والضلع لايمكن يطول=عسي الفرت زيته مايغطي بلوفـه

حمدي العوفي

أشوفك تبا ترقى على الضلع أبو هول=ولكن ترى حجرف يـروع خروفـه
وقفر تخبره صـار ذالحيـن منـزول=وربعك مزينه لاتجـي فـي طروفـه

علي الحصني=
مرحبا في مجالس حرب ترحيبة اللي=شاف ضيفه وهلا به وجاب الذبيحه
انت يا الشاطري فاتك زمان التغلي=ون نصحناك ماودك تطيع النصيحه
غازي الشاطري=
البقاء ياعميلٍ طـول وقتـه يهلـي=لو يشح الزمن يمناه ماهي شحيحه
ماتخلي المـراوغ ياعلـي ماتخلـي=لو تقول النصحيه قلت ماهي صحيحه
علي الحصني=
جيت قدم المصلي جيت خلف المصلي=جيت جنب الصلي طحة عشرين طيحه
يا بيض الوجه بعض الهرج ماله محلي=مالفـة العيـن لالمترديـه والنطيحـه]
غازي الشاطري=
ماقطعنـا صـلاة المسلـم المستقلـي=والـدوى مايـداوي للقلـوب الجريحـه
السوالـف كمـا سيـفٍ بعـزه يسلـي=وانت ياعلي اشوفك صحت تسعين صيحه
علي الحصني=
فيه نجمه نشوفه فـي سمـاه متعلـي=ومن نشدنا يقول النجم مسرع مطيحه
ويش رايك بذاك النجـم بـل اه قلـي=ضاقة الاض من نوره و لو هي فسيحه
غازي الشاطري=
كم نجوم تهاوت مـن سماهـا تهلـي=ما أزين السالفة لن جات بيضاء صريحه
اصبر اصبر ويطوالـه كتـاب وسجلـي=ثم يطفي هـذاك النجـم وتهـب ريحـه
علي الحصنd=
نوب اقول الاوادم وضعها مستخلـي=ونوب اقو ل الزمان مقصر الله يبيحه
البضايع لعب في سوقها بـا مجلـي=مابقى الا يسيل الدم فوق الصفيحـه
غازي الشاطري=
نوب قالوا نصيب ونوب يالقـرم هلـي=ونوب تلقاء الزمن يقسي ويهلك شريحه
اطلب الله عسى مثلـه يـزول ويولـي=لاجل تركد عباد الله وتمشـي مريحـه
=
جاك مشتال سحر عمان لين استحلي=فيضتن في طوارفها مراح المنيحـه
من ذنوبه على الناس المطر مايهلي=وقالو انه شجيع ولا لقينـا ذبيحـه
غازي الشاطري=
مشكلة كبروها وصعبت مـا تحلـي=واصبحت من طوارفها تساق الفضيحه
مرة الطائـرة والقفـز كلـه مظلـي=قل من سلم والمنصاب يكثر فحيحـه

صح لسان الشاعر علي الحصني

وبيض الله وجهك الحب الباقي

تحياتي وتقديري
عاشق بريده

الحب الباقي 00

مشكور جزيل الشكر على العلم الطئب

الذي لايستغرب منك وكثر الله خيرك


وبيض الله وجهك وهذي الانجازات

تعتبر مكرمه من اخ الى الخيه

تشكر على مكارمك الوافيه

يستاهل الشاعر العلم على الحصني

الاخ الحب الباقي

مشكور يالغالي

بيض الله وجهك

الشاعر علي الحصني شاعر متمكن ماشاءالله عليه

وماهو غريب الابداع على ابو فارس
وصح الله لسانه
ولسان كل المبدعين في هذه المقتطفات
امثال الشاعر العملاق والصييفي وعلي بن هليل الحربي وحمدي العوفي وغازي الشاطري وابو فرح
بيض الله وجيهكم جميع
وللجميع تحياتي وتقديري
ودمتم بخير