ساهر الشمال يهجو الساحه (الوقاحه)

ساحة همل تجمع جهاهيل ووغاد =ترززو فيها بقبح وقاحه
تحمل معاني للقذاره والاحقاد = وللكذب والبهتان والزور ساحه
عكس الشعار تسير ماهمها بلاد = لامجتمع واحد ولابه فصاحه
بالمجتمع تسعى على نشر الافساد= بشات الغزل تجمع فلوس بشفاحه
تبي ترجع ماضي الجهل لاعاد=اللي معزي بحدة السيف زاحـــــه
لادين يردعها ولا سلم الاجواد = متليمين بكل خزي وبجاحه
هاذي قناة اللي على القبح تزداد=في كل يوم تضيق فيهم مساحه
تبي تشب النار من عقب الاخماد =الفكر ينعاهم بخفة رجاحه
على القبايل بالخطأ تظغط زناد =واحد نبح وأخر يآزر نباحه
وتبي تغرر جيل واجيال واحفاد = عن ماضياً ربعي سقوهم ذحاحه
لكنها هيهات لاجو وراد =وردو هماج وحرب تارد قراحه
شلة ثعل من وين ماجات تنصاد =وربي كتب بجباهم قل راحه
عشرين معها عشر في حزن وحداد=وتبقى الي يوم القيامه نياحه
وترى الجمل يمشي ولاهمه قراد =يدعس على كل الحلم خف راحه

ساهر الشمال

الله يبيض وجهك وصح لسانكـ

ويستاهلون ماجاهم

وترى الجمل يمشي ولاهمه قـراد
يدعس على كل الحلم خف راحـه
صح لسانك ياساهر الشمال وبيض الله وجهك وماقصرت

	المشاركة الأصلية كتبت بواسطة تاج راسي حرب

	وترى الجمل يمشي ولاهمه قـراد يدعس على كل الحلم خف راحـه صح لسانك ياساهر الشمال وبيض الله وجهك وماقصرت

وصح بدنك ووجهك ابيض اخوي
شكراً لمرورك العطر
دمت بخير

صح السانك ياساهر الشمال

وبيض الله وجهك ماقصرت الله يعطيك العافيه لاهنت

	المشاركة الأصلية كتبت بواسطة جريح الفرقا

	صح السانك ياساهر الشمال وبيض الله وجهك ماقصرت الله يعطيك العافيه لاهنت

الشاعر الرائع
جريح الفرقا
صح بدنك ووجهك ابيض يالقرم
شكراً لمرورك العطر
دمت بخير

ياسلام

ساهر الشمال

بيض الله وجهك ابداع متميز

لله درك

والله يهديهم

تقبل اجمل التحايا

ودمت بخير

	المشاركة الأصلية كتبت بواسطة ابن خيرالله الردادي

	ياسلام ساهر الشمال بيض الله وجهك ابداع متميز لله درك والله يهديهم تقبل اجمل التحايا ودمت بخير

العزيز الشاعر المبدع
ابن خيرالله
وبيض الله وجهك يالقرم
ويكمن الابداع في ححضورك العطر
دمت بكل خير

بالمجتمع تسعى على نشر الافسـاد بشات الغزل تجمع فلوس بشفاحـه



هذا الصومالي خالد ادم وخويه شاعر الذاهبه << نسيت اسمه


لله درك يا شاعرنا

	المشاركة الأصلية كتبت بواسطة هزاع الحربي

	بالمجتمع تسعى على نشر الافسـاد بشات الغزل تجمع فلوس بشفاحـه هذا الصومالي خالد ادم وخويه شاعر الذاهبه << نسيت اسمه لله درك يا شاعرنا

العزيز هزاع الحربي
شكراً لمرورك العطر
دمت بكل خير