شعار المحاوره للاهميه مع التحيه

يا شعار بدون مجامله عطونا وجهت نظركم
والله يبيض وجيهكم لي والا علي النور لا يغط
وسلامتكم هذي محاورة عنوانها الحربي اقلط وردينا
من براهيم القرون ويقول البيت ماهو على الطاروق
ومنكم نستفيد اذا فيه اختلاف تبينها وجهات الانظار تحياتي


براهيم القرون

سلام تسليمة لاهل المقام الرفيع مـن الحـروب=وانا اعرف ان الحروب يطاولون النجوم الباديـه
العد راهي واشوف ان العرب تارده من كل صوب=اما من اهل المدن تاتيه ولا مـن اهـل الباديـه

الحربي حربي

دام البقا بك مع هل الطولات يا القرم امحسوب=نجمك مهو دون النجوم من النجوم وغاديـه
عد الرها عدك على هداج راهي كـل نـوب=نحسب حساب اهل الزوم ولا نعـد الغاديـه

انا مدري وش المطلوب بضبط

لا تدور عندي مجاملة

من حيث اللحن:

بيت إبراهيم القرون ماله لحن حاولت الحنه ما لقيت له لحن
وبالنسبه لبيتك ما فيه كلام من حيث اللحن ومن حيث القافيه

مساء الخير
مع احترامي لك يا الحربي حربي و لقبيلك ابراهيم القرون
و مع احترامي للشاعر الكبير على الحصني و للشاعر سالم العرم
سأقول رأيي بحياد كامل
فأنا لست من حرب العزيزه و هذا ربما شجعني على ذلك
أقول (و هذا رأيي الخاص) بأن بيوت الشاعر ابراهيم القرون ليست على بحر واحد
فالبيت الأول مختلف في لحنه عن البيت الثاني
و ردك ليس على وزن بيته الأول أو بيته الثاني
ولكن للحق ابياتك على وزن و لحن واحد
بمعنى آخر ابراهيم اختلف مع نفسه و أنت اختلفت معه ولكن بيوتك موزونه
هذا ولكم جميعا تحيتي و تقديري

الشاعر
الصييفي
مساء الخير
ومشكور جزيل الشكر على نها الوضع بما هو مطلوب ووضع النقاط وبيض الله وجهك ولاعدمناك

	المشاركة الأصلية كتبت بواسطة علي الحصني

	الشاعر الصييفي مساء الخير ومشكور جزيل الشكر على نها الوضع بما هو مطلوب ووضع النقاط وبيض الله وجهك ولاعدمناك

الله يمسيك بالخير يبو فارس و جميع الربع

ابراهيم القرون شاعر ما عليه غبار

لكنها تحضر وتغيب و كلنا معرضين لهذا

تحيتي للجميع

الله لايغط نوركم


ويبيض وجيهكم دنيا وأخره


واشكركم لحضوركم شكر جزيل

السلام عليكم
هذا لحن معروف واتحدى به
ولا يجيبه الا شاعر من شاعر
اما كلام الصييفي ان اللحن مختلف
فاقول له اذا عرفت لحن البيت الاول فطالع فالبيت الثاني

يا الربع مساكم الله بالخير جميع ... اما من ناحية البيوت بيوت الحربي حربي موزونه ولاعليها كلام ومن دون مجامله وحنا نستفيد من بعض اما من ناحية بيوت ابراهيم القرون فكل شطر على وزن وانا من ناحيتي ماعرفت الا الشطر الي يقول (العد راهي واشوف ان العرب تارده من كل صوب) هذا على وزن (ياطير ياطير ياطير السعد ياللي ترف الجناح = لاواهنيك ليا ضاقت عليك الارض خليتها) على ما اعتقد والكل منكم يغنيه على هذا وشوفو هو يركب ولالا
والاشطر الباقيه عيت تركب معي على نفس اللحن ووزن ابراهيم غير تماما" عن وزن او طرق الحربي حربي
وجهة نظر بعد ماطلبتوها ... والسموحه والعذر ..

حسب معرفتي المتواضعه فيه اختلاف باللحن بين الشاعرين