محاوره شعريه الحربي والرشيدي.....؟

هذه محاورة شعريه بيني وبين الشاعر شلاش الرشيدي... ويقول فيهاا
الليل ياقلب الحريبي واعرف ارضك من سماك
يمكن تجي وتروح لاراضي ولازعلانيه
ماخافوا العربان من سيفك ولاخافو عصاك
خل العصا فالليل وتعاصر بها الديبانيه
رديت عليــــــه//
الليل ياشاعر بدعت القاف مدري وش دهاك
لكن من دون العرب ماقفل البيبانية
سيف الحربي ساطين على العدا وزحف وراك
قدام والله لركي الميسم على الحجانيه
رد عــــــــلى //
انا معي جني يشب النار ويكشف وش بلاك
والله ماتنطق ياغير الكلمه الخسرانيه
اليا بدعنا القاف نبدع ثم نعرف مستواك
اضبط بيوتك واعدل القيفان والاوزانيه
رديت علــــــيه //
ياصاحبي انا صعوط الجن انا داك ودواك
روق قبل ليجيك مشعابن على الاذانيه
منته بشاعر منهو ياولد ضاحك علاك
وبيوت شعر محكمه ياصاحبي غلطانيه
رد عــــــــــلى //
انا من اللي لاهرج يثبت لسانك في جماك
تكسر يدين صفقها ماهو على ميزانيه
انته سنافي لكن الدعوى ماهي عطني وهاك
السالفه تبغى رجل والرجل معه لسانيه
رديت عـــــــــــليه //
انا من اللي لاحضر فالمعركه يلعن ثواك
مشت عليك الاوله مشت عليك الثانيه
انته عميت السالفه بالهرج يوم الله عماك
والرجل بفعوله ماهو بلسانيه يافلانيه
وهي طويله بس هذا اللي اتذكره منهااااااا.......؟
أخــــــــوكم /// نـــايف بن مـــحمد العلــــــوي.

	صحت السنتكم وبيض الله وجيهكم والله يـعـطـيـكم الـعـافيـــــــــــة

الله يعطيك العافيه اخوي نايف
شاعرين مبدعين

الله يعطيكم العافية لكني عندي شك والله اعلم انها داخله في محاورة صياف ورشيد الزلامي المشهورة

بيض الله وجهك وشكرا

صح لسانك ابدعت بالرد عليه

خالص ودي

خير إن شاء الله
عسى ماشر
يغني بيوت صياف وترد عليه

صـــــــيــــــاف

الليل يا قلب الزلامي واعرف ارضك من سماك=يمكن تجي وتـروح لاراضـي ولا زعلانيـه
ماخافو العربان من سيفك ولا خافـو عصـاك=خل العصا فالليـل وتحامـي بهـا الديبانيـه

رشيد
ياذيب ياللي في توال الليـل هيضنـي عـواك
من جوع ولامشعر بالخـوف يـا سرحانيـه
ان كان ما ودك بسيفي خل صوتك في سمـاك
واليا نغزك ابليس شفنـا لـك سهـوم ثانيـه
صياف
ازعلنـي اللـي راح قدامـك وخليتـه وراك
اثر معـك كبـدٍ تشيـل طويـق والصمانيـه
مدري معك جني يشب النـار ولا وش بـلاك
اتزعـل الراعـي لوانـه علـم الرعيانـيـه
رشيد
ازعل زعل حربي ولا تنشد عتيبه عن رضاك
يرضونك اللي يزرعـون الخـوخ والرمانيـه
انته رحلت من المدينه يوم ربـي مـا هـداك
تشـد مـن دار النبـي وتجـاور الهتمانيـه
صياف
الظاهر انك عقب ليله وحده تطـوي رشـاك
وتشد من ركبه وتنـزل باوسـط الضلعانيـه
ياثلب ما نسمع هديرك ما سمعنـا الا رغـاك
واهل المدينه قفلـوا مـن دونهـا البيبانيـه
رشيد
حنا ليا منا كحلنا العيـن مـا نقصـد عمـاك
نبيك تسرح مع طريق الطيـر ابـو جنحانيـه
الله منعنا ماعطانا وانت مـدري وش عطـاك
مدري سمعنا مـا سمعنـا والعـرب كذبانيـه
صياف
لولاك غالي كان طلعنا سنونـك مـن جمـاك
واللي يشوفك يحسب انك من حد الورعانيـه
اذا عطانـا الله كتـاب الطيـب فصلنـا دواك
اظـن قلبـك ينتبـه وتخـلـص الديانـيـه
رشيد
حرام قتلك يوم اشوفك تنثنـي دون اخويـاك
والمنثني يـوم الهزيمـه فـارس الفرسانيـه
حذراك تجبرني على الوعرات لين العن ثواك
بحضور قاض المحكمه نفرشك فرش الزانيـه
صياف
صياف ماهو حبةٍ فالجيـب تطحنهـا رحـاك
نعرفك عرفٍ زيـن قبـل تجـرد الذرعانيـه
جاتك عجوز ماعره حطت لبنهـا فـوق مـاك
ومن الزعل شلت الهـدوم وجيتنـا عريانيـه

ههههههههههههههه الرشيدي يجمع و يتسلف من بيوت صياف و غيرها ههههههههه

صح لسانك يالعلوي أما السارق و الله ماني قايل صح لسانه لأنه سرق ابيات شاعر الخليج

ولكن صياف له الفخر و نحن لنا الفخر كذلك ان يتسلفون من حلال ابو مفلح رحمه الله

ههههههههههههههههههههههههههههههههههههههههههههه

محاوره شرسه بين شاعرين عملاقين صحت السنتكم وكثر الله من امثالكم