الزغيبي حجج امه وازعل اربع من خواله=الخوال اخوان الام وجوهم ماهـو بخالـي

ياسلام الله سلامن مثـل ميـزان العدالـه=يرضي اللي بالجنوب ويرضي الى بالشمالي
الزغيبي حجج امه وازعل اربع من خواله=الخوال اخوان الام وجوهم ماهـو بخالـي
مرحبا ترحيبتٍ مضمونهـا هـاك الفوالـه=والحيا نوحي رعوده في مقاديـم الخيالـي
علي ماوده تصير الفايهـه فوقـه الحالـه=مادرا(ن) الناس تدري وش مراوغت الثعالي
الرفيق اللي تجاهلني جهل مدري نذالـه=لايلحقني ملامه كـان شديـت الرحالـي
يعترف ليه ليامن ارشا ركـب المحالـه=كيف ينكرني ليا سولف على حمر الزوالي
لاتنشدني هذاك الشيخ وشبك ماتسالـه=اوتبيني واصطه فبشر وعدك من عيالي
لاتحرش ونت قصرك يحتري هدم الازاله=والازله وضعها مربوط بيدين المعالـي
ذاك شيخن لوتهب الريح ماعـدل اعقالـه=يا الزغيي كلبونا خابريـن ابـن الحلالـي
والله انا اهل الجمل وهل القلم وهل الرساله=وقر بتاريخ عن عليـا وبوزيـد الهلالـي
ياجماعه فيه ببن عبيد تال الوقت حاله=كان ماهي فيه عدوهى عليه من خبالي
وش دمربغداد ياولد العرب غير احتلاله=وستلام الختم وتنفيذ لهـل الانتقالـي
كان مايعجبك هاذ العلم جبنالك بدالـه=السوالف واجده لكن جيتك بالموالـي
كل شين غير وجه الله مضمونن زواله=والمهم يبين فرق الاولات من التوالي
الرتفع خشم البعير اللي ماناسيمه طواله=حدني وقتي عليه وفاقدلـي شـي غالـي
لاتحسبن السوالف تلقي بطـرف بقالـه=طارفه بطرف محل الرسلك ثم اتجيبها الي
يا الزغيبي والله انا مانبي غير الجما له=ونت تهرج لك كلامن لاحرام ولاحلالي
السولف هينه والحرب تعرف له رجاله=والمعارك مابها غير المخادع والقتالـي
الحريري مشتهر يكود من عقب غتيالـه=لاكن ارفق ونتضرني لاتصيح ولاتلالـي
انت رجال(ن) شجيع وفيك لاضقت الرفاله=تنظوي بحد ازوايا لاجـواب ولاسؤالـي
الحريري فالكم ياربعنـى ماهـو بفالـه=الله اكبر محسن الامثال مع بعض الرجالي
يا الزغيبي لاتغرف البحر الاحمر بلبيالـه=ما يضيق بالي الازلتن من رجـل غالـي
ادريٍ بعض العواجه لرجل ماهي رجالـه=وحمدالله وشكره ياعلي بخشيـم الريالـي
والله اني ماتحمل هرجـتٍ فيهـا ألاطالـه=ون زعلت اصعدبها يم سما ء مثل الكحالي
المشاكل عندنا كثرت وسبتها البطالـه=والبياض مع السواد يزيد للعين الجمالي
ها كذا فعل الرجال اللي يحبون الشكاله=ونت قد اللي تقوله ونتبه يابو طلالـي
الدري انك بك مسد ليادبحو بم الشماله=باقي اللي فيك هرجت راس لاتسف المدالي
والله اني متهمتـك بلخساسـه ونغالـه=لين شفتك تدفن المرسـام ودم الكلالـي
في خير وفيك خير وكل واحد دون حاله=ونت علمك للجميع ولاتعلمني لحالـي
الزغيبي طاريله شي مدري وش طراله=وزبدة الحكمه تراء ماكل مايسمع يقالي
السطواناتٍ قديمه مابقا الا بن فضالـه=لاتكررها على الركاب مع سوق العوالي
ماتشوفن الكلام اللي يجي من فمك ماله=يبوفارس لوسمحت ابغا تجاوبني سؤالي

صح السان الشاعرين

اجمل ملعبه

صح السان الشاعر العملاق
ولسان شاعر المحاوره على الحصني

والف شكر اخي الحب الباقي على النقل الموفق

تحياتي
الصـ الجارح ـقر

صح السان الشاعر العملاق
ولسان الشاعر على الحصني

جزاك الله خيراَ اخي الحب الباقي

وبارك الله فيك على المجهود الكبير

اخوك
سلطان

صح السان الشاعر علي الحصني والشاعر العملاق ابوطلال

من اجمل المحاورة هذا الموسم على النت

بيض الله وجيههم ويعطيهم العافيه

مشكور اخوي على النقل الرائع

اخيك ابوروان

بيض الله وجيهكم على التواجد والمرور

الله يقويكم

الاخ الحب الباقي

الله يعطيك العافيه محاوره رائع

صح الله السنتت شعارنا

غازي بن مغيران الزغيبي وعلي بن عبيد الحصني

وبيض الله وجيهكم جميع

تقبل تحياتي وتقديري

ودمت بخير

يعطيك الف عافيه اخي الحب الباقي

مشكور وماقصرت على النقل الجميل

وصح السن الشعار

تحياتي وتقديري
عاشق بريده

بارك الله فيكم على المرور

بيض الله وجيهكم

مشكوووووووووووووووووووووووووووووووووووووور