ياقادة الامه بعد شنق صدام

السلااااااام عليكم ورحمة الله وبركاته

الاحبه ...............كل عام وانتم بخير جميعا


صدام.......ستجد ماقدمت عند الله
.
.
.
ولكن
نرثي بك الشجاعه
نرثي بك قوة البأس


.
.

ياحمود تكفى لاتسولف بصدام=لاتزيد قلبي كيتن فوق كيه
عجزت لانسى فعل عباد الاصنام=بذاك الزعيم اللي عزومه قويه
اللي صباح العيد حوكم بالاعدام=ولفوا على راسه حبالن رهيه
قضيتن هزوبها اقطار الاسلام=كيف الزعيم يصير كبش الضحيه
ارض العرب صاروا بها الغرب حكام=صاروا هم الراعي وصرنا الرعيه
بالعيد هاذا نفذوا خطة العام=والعيد الاخر جاي ميه بميه
ياقادة الامه بعد شنق صدام=ولو الكوايا تاخذ سنين نيه
مافيكم اللي يلحقه هرج ويلام=مادام مع كوفي نقاش القضيه
لياجتكم اوربا ((عليكم بالاقلام))=ثم اشجبو واستنكروا للاذيه
دام العيون اللي بها شوفنا نيام=ودام اليدين الطايلات محنيه
ودام السلاح مثبتن زنده لحام=ومغبر بمستودعات السريه
والله ياعلمن صار من عدةايام=ليطولكم كان الليالي مديه
صدام اخذ دوره وجا الدور ياالشام=حاكمك واطن ماوطابه خويه
بالطيب ولا يحط برقبته خطام=ويقاد غصبن مثل قود المطيه
العز بالله ثم باللي لنا حزام=بآل السعود مزبنين الونيه
لامن ابومتعب ركز خضر الاعلام=وعطا الاوامر للجيوش العتيه
نبى نبيع الروح وندوس الالغام=لرض الوطن والدين تهدى هديه
ون كان بوش اكبر هدف عنده الخام= حنا هدفنا بالجنان العذيه

.
.
.
وسلامتكم
محمد البدراني

قصيدة رائعه ومعنى رائع

صح السانك

	المشاركة الأصلية كتبت بواسطة شاعر ومعنى

	قصيدة رائعه ومعنى رائع صح السانك

صح بدنك وتسلم على المرور

الف تحيه لك وبيض الله وجهك

صح لسانك اخوي الشاعر محمد البدراني

قصيدة رائعه

بيض الله وجهك

	المشاركة الأصلية كتبت بواسطة شلويح الحربي

	صح لسانك اخوي الشاعر محمد البدراني قصيدة رائعه بيض الله وجهك

صح بدنك وتسلم على المرور

الف تحيه لك وبيض الله وجهك

صح لسانك ومشكووور ضربت على الوتر الحساس يالبدراني

يعطيك العافيه

	المشاركة الأصلية كتبت بواسطة سالم الفريدي

	صح لسانك ومشكووور ضربت على الوتر الحساس يالبدراني يعطيك العافيه

صح بدنك وتسلم على المرور

الف تحيه لك وبيض الله وجهك وتسلم ياسلم

	المشاركة الأصلية كتبت بواسطة سود الهدب

سود الهدب الاروع مرورك


تسلمين وصح بدنك على هذه العبارات الجميله

الف الف تحيه لك مره اخرى