يـــــاذا الــــمـــهــــا........

بسم الله الرحمن الرحيم

ياذا المها لاتسأليني عن الحال=وشلون يسلى من فقد له حبيبة
مازال حبك داخل الروح مازال=وعروق جسمي كلها ترتوي به
ذكراك تبقى داخلي صعب تنشال=ويبقى فراقك عندي اكبر مصيبة
لايانظر عيني علي الدهر مال=وجنيت من حبك فراقك ضريبة
ولاشفت من بعدك سوى ضيقة البال=وضاقت علي الارض لوهي رحيبه
يالين صدري صار للهم منزال=وقلب(ن)جروحه يالحبيبة عطيبة
هذي جروحي للشفا مابه امال=مافيه جرح(ن)يستجيب لطبيبه
ياليت حبلك ياهوى البال ينطال=وياليت حظي لاومرته يجيبه
ماحد(ن)على حكم المقاديريحتال=والحي لابد المقدر يصيبه
ومادام فيما بيننا مابه وصال=عمري بدونك يالغلا ويش ابي به
كتمت حبك عن هل القيل والقال=وبموت ماحد(ن) عن غرامك دري به
ياذا المها يانافلة كل الاجيال=وشلون صرتي يالحبيبة غريبه

,,,,,,,وسلامتكم,,,,,,,,

ابدعت وصح لسانك مليار ولايكفي

	المشاركة الأصلية كتبت بواسطة الكنترول

	ابدعت وصح لسانك مليار ولايكفي

صح بدنك...

سلمت ...على مرورك الراقي....

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ولاهنت على المرور العذب..

صح لسانك يابو معجب ملايين
تقبل تحياتي وتقديري

	المشاركة الأصلية كتبت بواسطة سعد رجاء الحصني

	صح لسانك يابو معجب ملايين تقبل تحياتي وتقديري

صح بدنك ولاهنت على المرور العذب..

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

صح الله لسانك يا القرم
والله يـعـطـيـك الـعـافيـــــــــــة
بيض الله وجهك