دار المكارم للشاعر سلطان عبدالله الوسيدي

نص وطني سطر تجسيداً لواقعنا في ظل هذا الامن الذي نعيشه في البلد المعطاء

نسأل الله يديمه ويحفظ مليكنا من كل سوء

امنن وامان وراحةٍ مابعدها=ياهل السعودية ترى بلادكم غير
بالخير والامان محدن جحدها=أم الرخا والجود وأم التياسير
من زارها ياجد منافع رغدها=ومن خيرها يزداد خيرن على خير
ومدام ابومتعب ذراها سندها=ابوالارامل واليتامى المفاقير
تباشرو في خير واللي بعدها=من دون شعبه مايقول المعاذير
وقف مواقيفن بعيدن امدها=ولاهي غريبه من حبيب الجماهير
ويعطي عطاياٍ معجزها في عددها=وعطيته تغني جميع المقاصير
وغيره على شعبه يعقد عقدها=بمنجزرات وطايرات ومناشير
اماغزاها بصبح ولاهجدها=يسجن طوابيرن ويفني طوابير
يقضي على شعوبه وهي في بلدها=احزاب شيعيه مع احزاب تكفير
وحنا بامنا وغيرنا ماوجدها=تفكرو ياهل العقول المباصير
المملكه دار المكارم وحدها=تفوق بالاوصاف كل التعابير
وحنا سعدنا دايماً من سعدها=ومن دونها سيوفن حداد وبواتير
يارب عطها من الحساني وزدها=وبحماك ياوالي جميع المقادير

لشاعرها : سلطان عبدالله الوسيدي

الشاعر
سلطان الوسيدي
صح لسانك والله يدم الامن والامان على الوطن والمواطن

الاخ الشاعرسلطان الوسيدي
صح لسانك على هالقصيده والله يديم الامن والامان

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير