محمد عبيد الربيقي *****إبراهيم الشيخي

مرتادي هذا الملتقى
السلام عليكم ورحمة الله وبركاته
أقدم لكم هذه المحاورة والتي جرت بين الشاعرين
محمد عبيد الربيقي الحربي
إبراهيم الشيخي الزهراني

محمد الربيقي

يا مرحبا حيا الله اللي شرفونا بالحضور=من كل أهل شبه الجزيرة وسطها وأطرافها
الليل يالشيخي وفيه علوم عن كرت العبور=واللي ورى الضلعان لو تروح ماحدن شافها

إبراهيم الشيخي

دام البقا يالعزوة اللي ما يجي منهم قصور=باسمي وباسم اللي مشرف حرب في ميقافها
تبشر برجالن يعد الحق ما يشهد بزور=عنده شهادة حق وش ودك تكون أوصافها

محمد الربيقي

دعوى عقيد القوم ما بين العقيدة والسبور=واللي يجي قدم السرية ما يصير اخلافها
اشهد شهادة حق واترك عنك بعضات الامور=مادام ميزت الحمول اثقالها واخفافها

إبراهيم الشيخي

ندعي لعل تعمك الرحمة ويغشاك السرور=عسى براعم حرب تمشي في طريق أسلافها
يا طير ياللي ماقدرت تلايم أسراب الطيور=بكرة تبا تبقى على وحدتك لين تعافها

محمد الربيقي

ترى القضية جالها في نجد يوم العيد دور=والمشكلة فاللي يجددها وشال الحافها
في واقع المعقول ميز لا يعديك الغرور=أخطيت يوم انك حسبت أرباعها و أنصافها

إبراهيم الشيخي

مالي ومال الين سعره يرتفع والا يبور=لا صار ماني صاحب العملة ولا صرافها
يا راعي البابور حاسب قبل مدخال البحور=قبلك بوابيرن كثيرة منكسر مجدافها

محمد الربيقي

يالقاضي اللي ما حكمت بعدل ما للنار سور=الناس تدري والقصيدة ما تغير قافها
الوقت يجري في مثل ما قيل والدنيا تدور=تسولف العقال والشرهة على عقالها

إبراهيم الشيخي

عز الله اني ما رضيت النبش بعظام القبور= لكن صارت مشكلة بغداد من صرافها
الهرج حول البيت والا البيت لا زال معمور= وأهل الخطط ما حققوا يا بن عبيد أهدافها

محمد الربيقي

حرصا على كسابة الطالات من جرح الشعور=نبا نغيرها على محراف عن محرافها