هذه القصيدة بمناسبة وقفة حرب مع ولدهم زكرياء الحنيني

هذه القصيدة مدح في قبيلة حرب على وقوفهم المشرف في انقاذ رقبة زكرياء سالم الحنيني من القتل مقابل ٣٥٠٠٠٠٠٠ مليون ريال فاتمت كلها ولله الحمد والشكر ، ولولى توفيق الله اولا ثم وقوف هذه القبيلة المباركة لم يتم ذلك المبلغ ، ولكن تكاتف الرجال ذلل الصعوبات ،. فاشكراً لكل من ساهم في هذه الدية من حرب وغيرهم :


ياحرب ياهل المواقف معتقـين الرقاب
يافزعة اللي يحد السيف. لرقابــــها

يما دفعتم ملايينٍ بليا حســــاب
ونفسٍ من الموت سلمت وانتم اسبابــها

ترفع لكم راية البيضاء بروس الهضاب
بالقنة النايفة من نايف هضــابها

ياهل البطولات شب الطيب فيــكم وشاب
وانتم خزاين. شريفٍ شرّع ابوابها

اليا حضرتم ثقيل الهم والاّ وغاب
قبيلةٍ بالمواقف يحرم غيابها

يما وقفتوا وقوف. مناطحت السحاب
في قالةٍ فالجٍ بالحق طلابها

طبتم ومن. طيبكم شعر المواجيب طاب
يمدح رجال الكرم ويكرم اشنابها

ميقافكم ينجي الضايق من. الاكتئاب
يفتح. له اللي تعصّت وانقفل بابها

قبيلةٍ لا بلتها المعجزة ماتهــاب
بالسيف والمال . والا سلّة حرابها

تبقون ياحرب عن حر السمايم حجاب
يذري ذراكم سهول الدار. واحجابها

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسااانك يانافع


ابيات جزله بيض الله وجهك

صح لسانك



تحيتي

صح الله لسانك
ولاهنت
وسلم فكرك وبنانك
دمت برعاية الله وحفظة