من غير شوفــــــــــــك...........!!!!

السلام عليكم ورحمة الله وبركاته
ـ
ـ
،
ـ
ـ
ـ
ـ

ياللي خذيت القلب مبطي عسى خير=اتعبت عيني بالنظر ماتشوفك
لا يكون مني ياهوى الروح تقصير=وانا حياتي حاضرة مع طيوفك
اصبح على همي وامسي على (طير)=يحكي تفاصيل الزمان وظروفك
ويقول عذرك واقبل العذر تقدير=وإن صابني من قوله (الوقت) خوفك
ابدى اتحسف واحرق اوراق تذكير=واقول وش لي من طعاين سيوفك
غير الندم وشعور خنته بتفكير=يحجب لي الرؤيا على شمس جوفك
واعيد فيك الحال واعيد تفسير=واقول انا المخطي سبايب عزوفك
واكتب لك اشعار واشوف تعبير=يرسم لي الدنيا (ضيوفي ضيوفك)
ومن بين هذا الحال اغفى بتصوير=إن الجسد والروح تملى كفوفك
ويطيب كل الجرح من دون تبرير=غير القهر ياحب ماهي حروفك
اصحى مع همي على حزة عصير=واعيد نفس الحال من غير شوفك

اخوكم : فهد الصبحي

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه
..

صح الله لسانك
ولاهنت
وسلم فكرك وبنانك
دمت برعاية الله وحفظة

ابداع يافهد


صح لسانك مدد بلا عدد

الاخ القديرفهدالصبحي

صح السانك وبيض الله وجهك ودام ابداعك

تسلم ياالذيب على هذي القصيده الشامخه الله يعطيك العافيه

دمتم على الف خير

السلام عليكم ورحمة الله وبركاته
سلمت ودمت أخوي الشاعر فهد الصبحي على القصيدة .
.
.
جزله ورائعه وصح لسانك
أخوك ابوساره

الشاعر القدير فهد الصبحي

صح لسانك مليارررررررررررررر

قصيده فيها من الابداع الشي الكثير

صح الله لسانك
ولاهنت

اخواني الغاليين جميع

صح الله بدنكم....ويعطيكم الف عافيه على العبارات العذبه التي نورت متصفحي ...

لكم مني ارق تحيه

لا هنتم