رد على قصيدة خذ بدلتي و بريهتي و البساطير

قصيده قراته بأحد المنتديات فشدني موضوعها و حبيت ارد على كتبها بنفس الوزن و القافيه .......

ولم أتعرف على قائلها .......


يقول هو .......



خذ بدلتي وبريهتـي والبساطيـر
سلـم عليهـم قلهـم يفصلونـي

ما قصدي أتركهم دشاره وتقصير
لكن نسيم الليـل هيـظ شجونـي

حب القنص والبر وملاعب الطير
جلست نشامـا بالوفـا يعرفونـي

وبلغ لي القايـد تحيـه وتقديـر
على طابور الصبح لا يحترونـي

رزقي على الله مارجينا ترى الغير
والراجحـي سـدد ولا يطلبونـي

تعبت من كثر الاوامر وتحضيـر
والنوم عيت تهتني بـه عيونـي

ومن قبل لا تزعل علي المناعير
هذا وصاتـي علهـم يعذرونـي

وان كان خشم العان يذكرني بخير
بذكر قروم المرجلـه لاذكرونـي





و ردي عليه أقول .........


ياللي تسلم بدلتك و البساطير
و برهيتك تأمر لهم يرجعوني

هذي شرف لاهل الوفا والمناعير
ما هي بمثل اللي يعزف اللحوني

مصنعً رجالً ينطحون المغاوير
في ساعة منها العداء يرجفوني

يرفع بها راسه بعيد المشاوير
البدله اللي لعزها يفـعـلـــونــــي

و أنت تبي الراحه به تتبع الطير
و تبغى تنام الليل بحــضـــنً ليـوني

حتى سلامك للقياده تــــعـــابــيـر
و لا أنته برايح يم دحـم الـمـتـونــي

خذها نصيحه يا بعيد الــتــصاويــر
أرجع قبل بفعلكم تــــنــــدمــــــونـــي

بدعتها و بديت قافي عــــن الـــغــير
حربي و رد القاف لأهل اللـــــحــــونــي




الـشـاعــــر / بــــــدر مـــنــــور الــحــــداري

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك وسلم بنانك وبيض الله وجهك

قصيدة غاية الروعة والجمال

صح الله السانك ولاهنت على القصيدة الرائعة

صح لسانك اخوي بدر ردك واافي وابياتك قمة الروعه
@@@
حب القنص والبر وملاعب الطير
جلست نشامـا بالوفـا يعرفونـي

بهاذي انا مااااااااااالومه
ودي لك

صح لسانك شاعرنا بدر الحداري
والله لايهينك
على الرد
وفعلا هناك قصائد جميلة تدفعك لمجاراتها
أو أن معناها يستفزك مما يجعلك ترد عليها
صح لسانك من جديد وصح لسان راع القصيدة الأولى

صح بدنك اخوي الجحدلي و شكراً على مرورك .....

صح بدنك اخوي العطيب و شكراً على مرورك .....

صح بدنك اخوي فايز المنقدير و شكراً على مرورك .....

صح بدنك اختي قناصه و شكراً على مرورك .....