ردي المتواضع على صقرالمراقيب

هذا ردي المتواضع على الشاعر صقرالمراقيب
والمعذره على القصور .....
يقول خالد

قول السعيد المشتهر فيه قلناه=شعرك جزل مبدع ومافيك حيله
واجيز نص ٍ تكتبه دون لقراه=لني عرفتك ماتجيب الهزيله
شاعر جمع بالشعر وزنه ومعناه=وياحلو نضمه بالبحور الطويله
اقصدك ياعيسى نعم من عرفناه= واقول بالعوفان نعم القبيله
تحمى حماها قوة الفعل والجاه=وفرسان تغزي بالمهار الاصيله
بعطيك علم ومنك الرد نبغاه=وكم عاقل ٍ بالوقت ضيّع دليله
صاحبك مما شاف يشكي على الله=اللي هلك من جاب للبيت فيله
لا تنزعج لوحيتني قلت عزاه=مما نشوف من الردى والفشيله
الناس ياعيسى على نهج مرضاه=بالمجتمع قامت تضيع الفضيله
الجار ضد الجار مهنا موالاه=والبعض لجل المال يغدر دخيله
وزاد النفاق وصارت الناس تهواه=والصدق راح وشبعت الناس حيله
ولويفرح المحتال لا نال مغزاه=يروح ماناله بنفس الوسيله
وصلي على اللي جمّل الله مزاياه= اعداد وبل الغيث لاسال سيله
الشاعر / خالد بن عبيد بن معتوق ألأحمدي=
-----------=-----------
-----------=-----------
جا من راع الفقره خطاب قريناه =مضمّنه عدة بيوت جزيله
هلاعدد برق من الغرب خلناه=دونه زمت رؤس الرجوم الطويله
يوم انطلق ربان ثعله نثرماه=وانساق مع رؤس الجلاميد سيله
شاعر يحبك القاف ويجيد معاناه= دكتور شعربحقه ايضا قليله
من لابة تثبت نهار الملاقاه=تحت سنا حدب السيوف الصقيله
دفاّنة الركبه لياقام هيجاه=حرب الوغى رجالهم يرتكيله
ويالاحمدي كل شكى ميل دنياه=وكل خذا من نكسة الدهركيله
آشوف ماشفته وشكواي لله=عصرتغير بين يوم وليله
لأهل النمايم بالمجالس ملالاه=حتى المقفي مايخلى سبيله
والجارياطيبه لياكف بلواه=عن جاره الغالي ولو مايجيله
البغض زاد وكل يحد شلفاه=على رفيقه واقف يعتزيله
اتفه سبب يجذب رفيقه من اقصاه=كنه عدوه منه يبردغليله
الحلم راح ولابقي غير طرياه =وراحت زحاحيل الرجال الثقيله
والصبرياخالد ترى الصبرمحلاه=رفعة مقام وفيه كسب الجميله
عيسى العوفي=

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسان الأخ/خالد عبيد الأحمدي...
وصح لسانك ياعيسى...ونعم فيك وفيه...ولا هي غريبة..عودتونا على الجزل...

صح لسان الشاعر / خالد الاحمدي

و صح لسانك اخوي / عيسى العوفي

شعراء كباااااااار و نستفيد منكم الكثير

صحت السنكم
قصائد جزله ومعبره
ولاهي غريبه من شعار متمكنين مثلكم
بانتظار جديدكم الممتع دائما

صح لسانك اخوي عيسي وصح لسان الشاعر خالد

شاعرين جزلين

تحياتي لكم ..

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك
تشرفت بمرورك الكريم

	المشاركة الأصلية كتبت بواسطة حميد رشاد الجابري

	صح لسان الأخ/خالد عبيد الأحمدي... وصح لسانك ياعيسى...ونعم فيك وفيه...ولا هي غريبة..عودتونا على الجزل...

صح بدنك
وطال عمرك
ولاعليك زود ياغالي

الشاعرين المبدعين

خالد الاحمدي وعيسى العوفي

صحة السنتكم جميعاً وبيض الله وجيهكم

تحيتي وتقديري

شاعـر يحبـك القـاف ويجيـد معـانـاه=دكـتـور شعربحـقـه ايـضـا قليـلـه
انا اضن ان هذا البيت يوجه لك انت وليس لي
.................................................. .
صح لسانك اخوي عيسى كنت متشوق لردك على القصيده لاني اعرف بانك لاتأتي الا بالجزل
ماشاء الله عليك
رد كافي ووافي مثل راعيه