من الخشيبي بأمر توجيه أميره

من الخشيبي بأمر توجيه أميره=الشيخ ابو فيصل مشينا زياره
يم الحجاز اللي عذي(ن) عبيره=لنا بهم عرقً صحيح بذاره
عقب اجتمعنا عند شيخ العشيره=الكل منا مشلحه في يساره
حزت طلوع الشمس قاد المسيره=قودت عبيد العوض لنماره
مقدم هل الوضحى نهار الجريره=كم بيت مطوي العمد في وزاره
قوم الزغيبي بالرمآح الشطيره=تناتفوا مروبع (ن) تقل قاره
واللي يبي ينشد يحصل قريره=الفعل ثابت والهدف رمز اشاره
تحت لوى اللي جعل ربي يجيره=عبدالعزيز اللي يوحد ديآره
في فتح حايل مقدم(ن)للمغيره=واللي ذكرته مستعد بقراره
ويضا الرغامه يوم صرف الذخيره=عبيد ابو غانم زهته الصداره
وان كان يا سلطان يوجد نظيره=من دون لنقص من براسه نعاره
انت حلي اله ولا هي كثيره=يلحقك عرقه ياوريث الاماره
ادرج حفظك اللي يعرف السريره=يابن الامير أللي زهته الاداره
الشيخ ابو مآجد زبون الكبيره=زبن السجين اللي عليه خفاره
صميدع (ن) يودع عدوه بحيره=وان راح للحاكم كبيره (ن) وقاره
شاعرك عنده هرجة (ن) في ضميره= ممشاك حرك هاجسي واستثاره
نبي لنا قدام ناصل وعيره =مقدار ساعه يالامير انتظاره
أجني من اللي مايخون تعبيره=نوايع (ن) يوجد بهن كل تاره
علي واجب للوجيه السفيره=اقطف لهم من كل يانع خياره
ثم بعدها لمال ظل الظهيره=ربعك على شوفك تسوق البشاره
وانا على عد البيوت المثيره=مظرم وعندي عقد يوضي حماره
سلام ماهلت مطرها النديره=من مزنة(ن) ماها يفيض بغزاره
واعداد ماسيل ومنبت بذيره=تضفي على الحضار بصدق عباره
حفل (ن) وفوده جات من كل ديره=ومقدرين اللي بعيد (ن) دياره
شيوخ واعيان الرجال الشهيره=من حرب ولا غير كل ابو قاره
احد (ن) مجيه دعوت(ن) من عشره=كنسل ظروفه لو بعضها تجاره
واحد (ن) مجيه تربطه بس جيره=خلى التزامه ثم كمل لجاره
ترا المواصل ياجماعه بريره=خص اللذي مبني بعز وطهاره
بضيافة اللي كثر الله خيره= الشيخ أبو صالح ونعم الكباره
ربعه هل النخوه وللمجد سيره=عدوهم يسقى بكاس المراره
فيهم وفاء رفقه واخوه وجيره=واهل الادب لأعدوا رجال كاره
تشاطروا محفل وجوه (ن) منيره=ماحسبوا لتكلفه والخساره
نعم (ن) بهم بالاوله والاخيره= وعن عد الاسماء هاجسي واعتذاره
يشهد لهم تاريخ صقر الجزيره=يوم القبايل بين غاره وغاره
ربعي قبيلة حرب ماهي فقيره=تملك من التاريخ ذروة فقاره
اعتز في مجد الرجال القديره=ياوي تاريخ (ن) ثقيل (ن)عياره
امدح بتاريخي ولا انقص بغيره=هذا وانا لي غاية (ن) واستداره
يم الحظور اللي بهم كل غيره=فيهم لبو متعب ولاهي عياره
بيعة ولاه من جموع الغفيره=ماهي صعاليك(ن) تحاذف بحاره
فينا الولاء يجبر عظام (ن) كسيره= والدين حنا مسنده وانتصاره
من نجد ولا الحجاز وعسيره= ماقسمتنا العولمه والحضاره
مهما نشوف الحايه المستديره=ناس (ن) على البيداء سوات السعاره
ادناهم اللي بالمعابر فريره=واقصاهم اللي راح مثل الصهاره
يمكن وراها اهل الشرور اشريره=ولا الخلل بمهندسين العمـاره
لاكان ياعز الشعوب ونصيره=يا ال السعود لكل كسر (ن) جباره
انتم لنا وقت الامور الخطيره=وحنا لكم مابيننا أي باره
سيف العدل منكم ومنكم جفيره=انتم هله والغير شبه استعاره
تمت وصلوا عد ماطار طيره=على الرسول (ن) ما نجنب مساره

ياسلالالالام وكفو والله

صح لسان العملاق على هالعملاقه العصماء ولا تستغرب من شاعر بحجم ابو طلال

بانتظار جديدك
سجل اعجابي بما تكتب
تحيتي

	المشاركة الأصلية كتبت بواسطة نداء الغيداني

	ياسلالالالام وكفو والله صح لسان العملاق على هالعملاقه العصماء ولا تستغرب من شاعر بحجم ابو طلال بانتظار جديدك سجل اعجابي بما تكتب تحيتي

صح بدنك

يعطيك العافيه

على الاشاده


شكري وتقديري وحترامي

صح لسانك على هذة الرائعه

بيض الله وجهك

ربعي قبيلة حـرب ماهـي فقيـره =تملـك مـن التاريـخ ذروة فقـاره

هالبيت الحاله يسوى قصيده

لاهنت والف نعم بك وبربعك

	المشاركة الأصلية كتبت بواسطة عبدالعزيز القصيري

	صح لسانك على هذة الرائعه بيض الله وجهك ربعي قبيلة حـرب ماهـي فقيـره =تملـك مـن التاريـخ ذروة فقـاره هالبيت الحاله يسوى قصيده لاهنت والف نعم بك وبربعك

صح بدنك

يعطيك العافيه

على الاشاده


شكري وتقديري وحترامي

شاعرنا العملاق
والله والنعم
مليوووووون

مليوووووون صح

لسااااااااااانك

وعلا شااااانك

تقبل التقدير والاحترام

	المشاركة الأصلية كتبت بواسطة خالد بن مبيريك

	شاعرنا العملاق والله والنعم مليوووووون مليوووووون صح لسااااااااااانك وعلا شااااانك تقبل التقدير والاحترام

صح بدنك

يعطيك العافيه

على الاشاده


شكري وتقديري وحترامي

اللهم صلى على محمد

شاعرنا العملاق / غازي صح لسانك وبيض الله وجهكــ على القصيدة التي تعجز الحروف عن التعبير تجاهها..

وأنعم واكرم بمن ذكرت في ثنايا القصيدة

والله يعافيك ياشاعرنا .

	المشاركة الأصلية كتبت بواسطة متعب العمري

	اللهم صلى على محمد شاعرنا العملاق / غازي صح لسانك وبيض الله وجهكــ على القصيدة التي تعجز الحروف عن التعبير تجاهها.. وأنعم واكرم بمن ذكرت في ثنايا القصيدة والله يعافيك ياشاعرنا .

صح بدنك

يعطيك العافيه

على الاشاده


شكري وتقديري وحترامي

الله الله الله الله الله

صح السانك وأعتلا شانك يا الشاعر العملاق أبوطلال

قصيده جزله من شاعر جزل ولاهي غريبه عليه الجزاله

لله درك على هذا الأبداع ,,

لآهنت ولآهان حضورك الراقي والمشرف

دمت بخير