وين المحبه والستر والحميه

مدخل

أحدن يسولف مع وليفه ومرتاح=واحدن على الاطلال يبكي حبيبه
وانا أسولف مع وليفي ومزاح=وأبكي على الاطلال ماهي غريبه
البعد له قوس ٍ وله خمسة ارماح=قلب المعنا كل يوم ٍ تصيبه

ابيات تعبر عن نفسها

ياهل الهوى مني سلام وتحيات=ورسالتي عبر القوافي قويه
ترى المحبه ماتجي بدعايات=ولا يبثها هندي على فلم زيه
ولا هي بالحية نور ويا البنيات=ولاهي لميس اللي غدت سم حيه
اللي سمع بالحب ياسمع هالابيات=من شاعرن غنى على السامريه
الحب كلمه والوفاء رد بسكات=والشوق ماله حل كود المنيه
والمكسب الواضح دموعن وسجات=تذرف من اعيون المعنا مسيه
ولا هي تجاره ربحاها بالعبارات=اللي تحررها العقول الرديه
تفكيرها كله بجمع الريالات=واحلى صور عبر الرسايل خفيه
واللي يغث الكبد ياهل المروات=البنت تعشق ثم تصبح ضحيه
تعشق عشق ليلى وتمسي باحسرات=وترسل الصوره بنفس ٍ بريه
ومن بعدها تطلع من البيت بسكات=وتروح مع خالد اماكن خليه
غصبن عليها تنثني للاهانات=ولا الصور تاصل لبوها شويه
وصوت على الشله ترى وقتنا فات=ثم تل كبد البنت والبنت حيه
ياهل الهوى وين الوفاء عشر مرات=وين المحبه والستر والحميه
الستر يكشف من ضياع الصلوات=والعمر يفنى والليالي شقيه
وختامها مني سلام وتحيات=واليوم مجنون العقل واهنيـه

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

البنت تعشق ثـم تصبـح ضحيـه.........اخوي احمد الجابري صح لسانك والله موضوع يداهم كثير من بنتنا في هذا الزمن لكن وين الحمية؟
مشكور اخوي احمد على هذا الموضوع

صح السانك مليون بيض الله وجهك
نص رائع من شاعر متمكن
تقبل مروري