حــــــــــــكــــــــــايــــــــــــة غـــــــــــــرامــــــي المشار كه الاخيره

هجوس فكري خطر في البال =وخطيتهـا أشعـار بيـدنـي
عذب المعاني صدرت أقـوال =الفاضهـا اليـوم ترثيـنـي
جتني لحونـه وأنـا فخمـال =موالهـا جــاك توحيـنـي
عشتي معي من الغرام أشكال =ولمرتـع الـود سقتيـنـي
في ضوء قمرا واليالي أطول =بخـيـط ودك عثرتـيـنـي
سكنتي دارك وأنـا بالجـال =ويامـا زهمـت وزهمتينـي
ومن بعدهـا دلـه الفنجـال =عزمتك بـداري وعزمتينـي
من خوف يخدش هوانا أشكال =وتفهم معي الوضع وتعينـي
قالت كفيتـك علـوم أثقـال =سمـاع صوتـك يكفيـنـي
لكن بكيفي علـى مـا قـال =لاصـرت أبـغـا تسليـنـي
مجبور أرضى أنـا وأنصـال = لحكامهـا لـو تعنيـنـي
مره أوعدتني وحالـى حـال =حمل الاسـى فيـه أمشينـي
قالـت أريـدك مـعـي دلال =في ساعـه البيـع توفينـي
هيا نتزوج نزيـد أوصـال =وعن بعض الغرايز تعفينـي
يرزقنـي الله منـك أعـيـال =وفـي تربيتهـم توصيـنـي
أبغـا أفكـر قلـت أعجـال =قالـت عـلامـك موذيـنـي
من بعد فتره نطقهـا وقـال =أخـاف فقـرك مايكسيـنـي
وتراقب خروجـي والمدخـال =وتقلـب مزاجـي بزريـنـي
قلت أبشري لو حصل بالمال =عـن وصلكـي مايونيـنـي
ردة بسرعـه بـدون أجـدال =عساك تلقى الهنـاء فينـي
مير الوعد في شهرنا الهـال =يـوم القمـر دوبـه يبنـي
وتصبح حياتك عـال العـال =وأهلـى وأهلـك يهنـونـي
قمت أنتظر والحوال أحـوال =أعــد الايــام وسنيـنـي
أرسلت ذاك الخبـر بالحـال =لكـل الاحبـه ومجفيـنـي
أحس دمعي بعيونـي سـال =يادمعـة العـيـن زفيـنـي
لكن أشـوف العـزم منهـال =وعن فرحتي شـي منهينـي
كلامها اللـى أنحكـى بطـال =لاعظـم مصيبـه توديـنـي
قمت أتلفـت عنهـا أشمـال =ومن بعدهـا أنظـر يمينـي
قالت طعنتـك سهـم قتـال =لكـن جـروحـك تبكيـنـي
قلت أحمد الله الجروح تـزال =لاصـار خـلـي يوسـنـي
ونصيب قلبي ثـلاث أقفـال =ويعيش ضمـن المسجينـي
والنفـس تبقـي باستغـلال =وعن حكم الانـذال يكفينـي
وأنـام وانـا هنـي الـبـال =وعقلـي يرجـح موازينـي
فكري تشتـت وقلبـي مـال =من حـي قصـده يشقينـي
روحي بغرامه جهاز أرسـال =مـا بيـن قلبـي وشراينـي
هجرك قتلني وفؤادي أوصال =وكلمـة ألـو منـك تحينـي
أعشق غرامـك أنـا مـازال =وعن ذلـة النفـس أعفينـي
مادام هـذا الهـوى يارجـال =أهلـه تعابـى ومساكيـنـي
خلى في عقل الفهيـم إهبـال =والبعـض تايـه مجانينـي
كني بحملـي أشيـل أجبـال =وأوطى علـى نـار تكوينـي
يالله غيمـة مطـر هـمـال =ترويبهـا كبـد تضميـنـي
وأعيش راعي غنم وأجمـال =ولاتشـوف عينـي مزاينـي