للشباب فقط

ياصباح الخير ياغرواً لقيته صدفه=لابسنله جنز ضيق والصدر عرياني
وحدها تمشي وفيها من غنجها خفه=كنها بسكال لاغنت مع الحلاني
جامعه من زين كل الغيد عنق وشفه=دمها دم الخليج ولبسها لبناني
بين حلم وعلم لاكفي اسير بكفه=قال لحضه لين احاسب راعي الدكاني
قلت عندي قال ماينقص علينا وفه= والتزمت الصمت مدري ويش جاه وجاني
ثم واصلنا الكلام وفي باقي رجفه= بعد من ستين عشره صرت واحد ثاني
قلت من بيروت والا ساكنه بالضفه= وضحكة ضحكت غرور وحطمت وجداني
قال تذكر يوم كنا نلعب المصتفه= يوم كنا ياسعد ذاك الزمن جيراني
قلت مايعقل كلامك ضف وجهك ضفه=قال كلمة سرذكرني رفيع الشاني
قلت بردان الهواء والبعد قوم ودفه= قال ماتبغاه حاضر يابعد خلاني
يوم كلن قام بيغى من حبيبه شفه =دقت الجوال تقطع حلمي الشيطاني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

صح لسانك وبيض الله وجهك
على القصيده الجزله
تقبلومني صادق الود والاحترام

الاخوان
الحب الباقي
فيصل الوافي
نايف ناجي
مروركم شرف الله لايهينكم

	صح الله لسانك ولاهنت وسلم فكرك وبنانك دمت برعاية الله وحفظة

اشوى انه حلم والاكان لي معك كلام هههههههه
صح لسانك وابعدالله شيطانك ياسعد قصيدك كله حلا

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة فهد الغانمي

	صح الله لسانك ولاهنت وسلم فكرك وبنانك دمت برعاية الله وحفظة

الاخ فهد الغانمي مرورك شرف

	المشاركة الأصلية كتبت بواسطة ابوخالد الفريدي

	اشوى انه حلم والاكان لي معك كلام هههههههه صح لسانك وابعدالله شيطانك ياسعد قصيدك كله حلا

الاخ ابو خالد حلوم ليل يالغالي