الشعر يهل الشعر ماهو سواليف .,.,.,.,..,.,.,.,.,.,.,.,.,.,.,

الشعر يهل الشعر ماهو سواليف=ولاكل من غنا بقاف اهتنابه
ويلاه ياقلب حدته الصواديف =في ديرة الأجناب عقل ركابه
سر يانديبي وسط زين التواصيف=ألفين وتسعه في حشاه الرحابه
مكينته من دون حس وتفاتيف=مركوب للباشات كله غرابه
اسمه على لساني محرف تحاريف=في ديرة الألمان ( ميدن ) جنابه
أوصل ديار العز وأهل التشاريف=أهل الحرم وقت الشدايد ذيابه
فقيرهم لضيف يكلف تكاليف =مابالك اللي فالمعارض حسابه
ثم قلهم فواز صيد المهايف=الكلب والحصني والأفعى صحابه
ويبقى من أهل الجود قوم مضاريف = لكنهم قله ... لراسي عصابه
السيل فالوادي يعقب تجاريف=كيف اعدل المجرى وأرحل سحابه
وأنا غريب الدار ولالي صواريف=وأُثر المعزب مايروي شرابه
عودت أعذر من قليل المحاريف =اللي هجير الصيف يتبع سرابه
الحر مايتبع كثير التزاييف=يصيد بالمخلاب صيد (ن) هوابه
ولو يطعم الصقار صقره تناتيف =يموت من جوعه قليل المهابه
وأنا عريب الجد راعي صواليف =ماهمني النهاب يوم النهابه
أجيب حقي وفوق حقي نوازيف = عروق خصمي لا زمانه شقابه
ريبال مايرضى يعيش التطاريف=أمد يدي طيب ولا نشابه
وأهجر ديار (ن) ناكره للمذاريف=لو يذرف العقرب تغيض الزرابه
مايزهر الوادي ولابه معاليف=وإن مره الراعي يسارع ذهابه
ياوجد روحي ياهلي للمواليف=مدري متى فواز يقرب إيابه
جف القلم والقلب يملي التآليف=والحرف مايوفى معاني كتابه

صح لسانك وعلاء شانك يابو محسن ابيات غايه بالروعه والجزاله معنى ومغنى ولاهي غريبه على شاعرنا المبدع فواز الزويهري وهذا ماتعودنا عليه منك يالذرب سلمت ودمت وادام الله لك هذا الابداع والتميز والله يحفظك ويرعاك

صح لسانك

وسلم بوحك العذب

رائعه جدااااااااااااا

	صح لسانك مبدع بكل حالاتك تقديري

صح لسانكــ



وسلم بنــــانكـ

صح الله السانك


قصيدة عانقة السماء بجزالتها وأبداعها

تحياتي لك

يقول من عدى بروس المشاريف=اللي بها عدت عيال الذيابه
وانا ليا عديت يطري لي الكيف=كيف الرجال اهل التقى والمهابه
مدري بلايه من حسين التواصيف=ولا الهبايب مثل صوت الربابه
احيان اعسفها على شذرة السيف=واحيان اخاطبها بلين وحبابه
والد بافكاري على الطيف والطيف=يقول عاتب من يهمك عتابه

	المشاركة الأصلية كتبت بواسطة مضحي بن جمران

	صح لسانك وعلاء شانك يابو محسن ابيات غايه بالروعه والجزاله معنى ومغنى ولاهي غريبه على شاعرنا المبدع فواز الزويهري وهذا ماتعودنا عليه منك يالذرب سلمت ودمت وادام الله لك هذا الابداع والتميز والله يحفظك ويرعاك

صح بدنك يامضحي بن جمران

أسعدني هذا التواصل من شخصك الكريم وهذا شيئ مما عندكم طال عملرك في طاعة الرحمن

أشكرك جزيل الشكر على مرورك الجميل وتعليقك الطيب لك خالص التقدير

	المشاركة الأصلية كتبت بواسطة عيسى العوفي

	صح لسانك وسلم بوحك العذب رائعه جدااااااااااااا

صح بدنك ياعيسى العوفي


أسعدني هذا التواصل من شخصك الكريم


لك خالص التقدير

	المشاركة الأصلية كتبت بواسطة الحب الباقي

	صح لسانك مبدع بكل حالاتك تقديري

صح بدنك يالغلي

أشكرك على مرورك الطيب


لك خالص التقدير