المر علمني بطعم القراحي

ماهي خسارة في حساب الخسارات =
ولانقطة ن صعبه وتكتم سراحي =
مثل الاشاعه في ملف الاشاعات =
وان كثروا اعدائي دليل لنجاحي =
ياهل الروايه سجلوا فالروايات =
قصه واعنونها بقصة كفاحي =
كل النواحي للبدايه نهايات =
انا البدايه في جميع النواحي =
ماتنتهي قدام عيني طموحات =
ولاينثني عزمي بحزة مطاحي =
واللي تعرقله كثير الجراحات =
ازداد همه في كثار الجراحي =
الصبر فيني يعطي اصرار للذات =
والمرعلمني بطعم القراحي =
من لافزع لي في ضلام المسائات =
متنازلن عن ضحكته في صباحي =
لاصار لي صاحب بوقت المهمات =
يسوى بعيني الف لاصار صاحي =
لياصدق كاني ملكت البطولات =
مالي بمدحت مع صديقه مناحي =
لاراحت الفرصه لجمت الحسافات =
تكفيني العبره على شي راحي =
واللي يقابل حسنتي بعشر سيات =
آخذ من الحسنات عشر بسماحي =
لاشفتهم يمشون حاسد وشمات =
ماكني الا شفت فلم ن اباحي =
استغفر الله واحمده كل الاوقات =
مامن وراهم لاصلاح وفلاحي =
لياععطوني في قفا الظهر طعنات =
لبست بالصف الامام الوشاحي =
ماحركوا شعره ولاقلت آهات =
الذيب ماراعه لجيج النباحي =
اقولها من دون شك وقناعات =
ماكل طيب فاح لاجيت فاحي =
بس الاكيد ازبن ولي السماوات =
ولامدت يدين الرجال الشحاحي =
ذي قصتي دونتها بعدة ابيات =
مادامت اشعاري بفكري رماحي =
ياهل الروايه سجلوا فالروايات =
عنونت هالقصه بقصة كفاحي =

طلال بن معيض

صح السانك وبيض الله وجهك

وليف الشوق شكرا لمرورك

حياك اخوي الشاعر

طلال معيض

صح الله لسانك على هذا الطرح الرائع

وعندي ملاحظه بول القصيدة ياليت تعدلها

دمت اخوي في وجودك الراقي

تقبل تقديري واحترامي

[table1="width:95%;"]

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

محمد عبدالكريم شكرا لك وعلى ملاحظة الشطر الذي لم يظهر بتنسيق القصيده

سحيمي الحفر لك اجزل تحيه

الحب الباقي دمت بود

يا طلال معيض ما شالله عليك


مثل الاشاعه في ملف الاشاعـات
وان كثروا اعدائي دليل لنجاحـي




يا سلام عليك شاعر يا طلال معيض صح السااااانك