غريب الاسم وش الاسم جعله طيبٍ فالك

سلام الله سلام عارفٍ بين الملا راعيه=غريب الاسم وش الاسم جعله طيبٍ فالك
وراك مخلفيي يعني طريق الناس ماتمشيه=عساء الله منك يستر وانت ربك يستر احوالك

توي شفت الرد يامضحي وهلابك ويسعدني مجاراتك

هلايامرحبابك يالمنادي يالله تحييه=ينادي باسمي اللي مشتهربه واسمي السالك
كبن اسمي لحالي يالسنافي ماحد مسميه=وانا لي بصمهٍ بالدار وش يطري على بالك

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح الله بدنك و الله يعافيك والشر مايجيك وجهك ابيض لاعدمناك

يدوم ابك البقاء ياشاعرٍ بالاسم لو ندعيه=عسير وبدله بالجزل لو كلفك من مالك
عسى ربي يبارك بالاسم لاشك لو تهديه=على من خالفو نهج الجماعه كانه اشوالك

الليل يامضحي

انااسمي جزل ماني بايعه للناس لو تشريه=ولكن اسم مضحي لو ابيعه تقعد لحالك
ترى معناك واضح للعرب ماتعرف تخّفيه=ياليتك تدفن الجمر الحمر في وسط منقالك

على كيفك ياعبدالله لعل الاسم ماتغديه=واذا ماساعفتك الذاكره حطه بجوالك
تريح كان ماتقدر وخل القوس مع باريه=صعيبه لارقيت لقمةٍ ماهي بمنزالك

صح الله لسنتكم على هذه المحاورة الجزله

يقولون الرجال اللي مايعرف للصقر يشويه=صحيح ان الطيور اشكال وانته دور اشكالك
عجايب ياعجايب شب ناره مار فرت فيه=يامضحي لاتشب النار لين تبهر دلالك